Mika 7:7 - Katɔti Ɔku Kedee

⁷ Nsu mina anu ƒui asia Unwoti Katɔti lɛlɔ ka ɔƒɔ-mi ngba, na anwu kani na ndubunye ntaanu ulu teete ka unu-mi bɔkpali na ubunku-mi.

Mika 7:7 ပူးပေါင်းရင်းမြစ်များ

Ala Kalɔ Buse 49:18

“O Unwoti, nnye mɔɔnu-ɔ anumi ka aƒɔ-bu ngba!

Kɔgya 109:4

Mɔɔyɔ́-ma ku kaƒɔ nwaa na mɔɔkpali katɔ na bana lili ina ka baláwia-mi kadia.

Kɔgya 130:5

Awɔ Unwoti anumi kani na nnye mɔɔnu. Na mina anu ƒui ku kayi kasia-a lɛlɔ.

Kɔgya 25:5

Tɔnku-mi na atina-mi ƒula litemi geen lɛmmɔ. Ɔsika awɔ ndi mina Unwoti ɔni mɔɔƒɔ́-mi ngba, na ƒula lɛlɔ na mina anu asia uwi ndi uwi.

Kɔgya 37:7

Kɛ bɔnwuna na Unwoti lɛlɔ na akɛ kayi na enye ataanu-nwu anumi. Kayi ketekpoku-ɔ na ala ani mɔɔtɛku ukyuli ɔdi ɔsu, iye ka ukyuli ukpidi kɔkwɛ kɔni na ɔɔkya kɔɔtɛ-nwu ɔsu.

Kɔgya 38:15

O mina Unwoti, ƒula lɛlɔ kani na mina anu asia. Na awɔ kani ndubunu ete-mi.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Kɔgya 65:2

Ati, awɔ muunú bekyuli ƒui bɔkpali si beevele-ɔ ala anwuɔsu na ukyuli biala ɔdubo kenye budie na nwuna alaekpidi lɛlɔ.

Kɔgya 85:5

Munuu adubuti kɔnyi akya-bu uwi ƒui, na kɔnyi kɔmmɔ kɔvi bula kaba bekyuli ƒui lɛlɔ?

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 17:7

Uwi ɔmmɔ ni, bekyuli badubunwini banu bana Udiene Israel Katɔti ɔni nse kedee.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Yesaia 45:22

“Bɛlɔ kayawi bekyuli ƒui na bebo-mi kudɔ na bakɛ ngba bɔƒɔ. Ami lɛti kani ndi Katɔti! Na badi baasɔ baaadi lɛla geen lɛdi.

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Kɔnyana Buwulo 3:24

Na mina kayi ɔkwalɛ kemmo ƒui ni, mɔɔsu lɛlɔ geen nnini, “Unwoti kani ndi ukyuli ɔni mɔɔwia. Na nwuna lɛlɔ kani na ndubukpo kama!”

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Yoel 1:19

O Unwoti, muuwulo taakpali-ɔ, ɔsika livo ƒui líkpi na bula bebuo kadikɔ, na egyii lɛnɔ ákwii enye aani si ogya nákwii ɔ́vi.

Habakuk 2:1

Ndubunye kesii kani na nnye mɔɔgyumana mmɔ ntaanu ulu lite lɛla lɛni na mina Unwoti ɔdubo-mi bɔsu na kɔnyana kɔni na muuwulo taakpali-nwu kenye.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Bumomo Bɔka 5:28

Nsu si uleku ɔmmɔ útebile lɛlɔ na lɛla lɛdi lɛɛɛda-nwu ka use sɛɛn ɔsu ni, ɔdubɔkana na ɔwɔ bebi.