Mika 7:6 - Katɔti Ɔku Kedee

⁶ Bebi bananabi béni na basɔ balábu bana bati, na belekubi lɛnɔ báta bénye bana beni lɛlɔ. Na bebi bele béni bana begyieni. Na ukyuli ukisine geen ni, ɔdubɔsi anwu ɔlati nwuna kaduli kemmo.

Mika 7:6 ပူးပေါင်းရင်းမြစ်များ

Ala Kalɔ Buse 49:4

Ƒula udu use aani ntu bɔni mɔɔnwanɛ lɛlɔ. Nsu asɔ eletulo bakladi na lɛla lɛdi kemmo lɛnɔ. Ɔsika ákɔ ƒ'ɔti katɛnkɔ. Na ébile-nwu atɛla.

Samuel 2 16:11

Mmɔ na Dawid ɔ́su Abisai ɔnini, “Mina kaƒɔ ubi ɔni nási-mi lɛlɔ kemmo mɔɔwia-mi ɔdu amu útedu ka ukyuli bamba ɔni nási Benyamin kɔdua kemmo. Nyonu-nwu na uteewida-mi, ɔsika Unwoti násu-nwu ɔnii ɔbla lɛni.

Kɔgya 41:9

Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Agba 30:11

“Bekyuli badi beewida bana bati, na belete bana beni kusɛ kusɛ.

Agba 30:17

“Anumi ani mɔɔnu ɔti ɔnusɛ teedumi na ulánu ɔnii ɔ́manku ka unu uni litemi ni, baasɛ bekpidi bani nkya kɔwɛ kemmo ndubo bebedie-ma anumi na livuo kemmo na begbini baduli-ma bebweli ƒui.

Yesaia 3:5

Na bekyuli badubo lɛlɔ butaanya taakya, na banwani ku bakpana beteekpoku lɛlɔ. Bakɔdi badubɔta benye benengu lɛlɔ, na bani na nka balábu-ma kadi akɔ badubɔta benye bekyuli babune lɛlɔ.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Yeremia 12:6

Awɔ ɔlati ƒula lɛlɔ bekyuli muedi báta bénye-ɔ lɛlɔ. Baabla ala anumi kemmo aani bɔyɔ na bada-a, nsu tanyonu lɛlɔ tete-ma lo. Ulu na baawia kalɛ na bakɛ-ɔ aani kalɛ kani na bekyuli bamba benye baawia kuƒi kɔmmɔ.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Obadia 1:7

Ƒula bebunkune bani na benye-ɔ kama baaadi bekyuli bani na basia lɛnu. Budi na bédi-ɔ bálɛku ƒula ɔma bétédu ɔmii lɛlɔ. Na ƒula bakpana bammɔ bálɛ-ɔ kama na básia lɛlɔ bákɛ bana kɔsia. Ama bani na awɔ ku-ma bɛɛsála taadi. Na baakya-a lɛlɔ lɛma teeye banii wɛ na nwuna lɛnunda ƒui lɛkya.”

Mateo 10:21

“Na uwi ɔmmɔ kemmo ni, bekyuli badi badubuti bana banwa alati bete na badu na ami ɔsu. Na bebi bati badi lɛnɔ badubɔbla lɛni na bana bebi lɛlɔ. Bebi badubɔta benye bana bawɔne lɛlɔ na bakya-ma kakya kalɛ na badu-ma.

Mateo 26:23

Yesu údie kenye ɔnii, “Ukyuli ɔni na ami ku-nwu kɔnu nkya lɛkyami kemmo ndubɔkya-mi kakya.

Luka 12:53

Ubi ɔti wata wenye bananabi lɛlɔ, na bananabi bata benye bana ɔti lɛlɔ. Bebi beni badubɔta benye bana belekubi lɛlɔ, na belekubi lɛnɔ bata benye bana beni lɛlɔ. Na begyieni badubɔta benye bana bebi bele lɛlɔ, na bebi bata benye bana begyieni lɛlɔ.”

Luka 21:16

Bina bawɔne ku banwani bananabi ku bina lɛlɔ bekyuli ku bina bakpana ndubo-mii buti bute. Na badubɔdu bina badi.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’