Mika 7:3 - Katɔti Ɔku Kedee

³ Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Mika 7:3 ပူးပေါင်းရင်းမြစ်များ

Agba 16:30

Bébile anumi, nsu baanu taavi ukyuli kalɔ. Belébimi kenye taatɛmi, nsu baabla bana likyulikpi kɔkwɛ.

Agba 17:23

Bekyuli bekpidi baabɛ́ taaƒɔ ala bekyuli kudɔ kalɛ na batu litemi benwini.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yesaia 3:5

Na bekyuli badubo lɛlɔ butaanya taakya, na banwani ku bakpana beteekpoku lɛlɔ. Bakɔdi badubɔta benye benengu lɛlɔ, na bani na nka balábu-ma kadi akɔ badubɔta benye bekyuli babune lɛlɔ.

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Yeremia 3:5

Na biivele-mi bɛnii nda kɔnyi buti taakya-mi lɛya, nsu bíni bɛnii bilada bina ekpidi anya bɔbla biláya.”

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Esekiel 22:6

“ ‘Bina batɔnkune béti bana kenyekɔ ɔyikun ɔni na bebo baadú bekyuli.

Esekiel 34:21

Ɔsika amii bani lɛlɔ mbo ɔkplu bɛɛtu bani nse kpɛtɛ kpɛtɛ ku bina ese kpakplaa kalɛ na adila edu amii lɛti.

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Hosea 4:18

Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Amos 5:12

Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Mika 2:8

Unwoti ɔnini, “Bɛ́da mina bekyuli aani bekisine kalɛ. Na bɛɛbla ala aani si bibo ɔyikun ka bɛbla lɛla biala. Na use aani ama bani nási kekpokɔ na bédie-ma adala ani na bakya ɔni na baaagyi beeese.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 3:2

Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Mateo 26:15

Na úye-ma ɔnini, “Bi na bɛdubute-mi si lɛ́kya Yesu kakya na lídie-nwu lite-mii?” Mmɔ ni, bátuna ka badubute-nwu sika ɔƒualadi ebi avlaatɛ.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.