Mika 7:19 - Katɔti Ɔku Kedee

¹⁹ Ɔdubɔyɔ-ɔ kaƒɔ ka asɔ anu-bu kɔnyana na anya bula ekpidi esusu kalɔ na ebo-nya ƒui avaakun atákya ɛpu kemmo.

Mika 7:19 ပူးပေါင်းရင်းမြစ်များ

Samuel 2 24:14

Amu na Dawid ɔ́su ɔnini, “Liƒu bonwu lɛla lɛdi mɛni, na kayi kaakpulu-mi. Nu, si Unwoti ɔlati ɔ́ni-bu kɔtu ni, ɔdia utulo, ɔsika ɔɔnu kɔnyana na ɔdia utulo ka liduo bekyuli lɛkɔkɔ.”

Kɔgya 103:12

Na kalɛ na ɔƒɛ katukɔ kágyunku ɔƒɛ kanukɔ ni, lɛni na ɔɔda-bu ekpidi teedie teevaakun na bula lɛlɔ.

Kɔgya 130:8

Na anwu ɔlati ɔdubɔƒɔ Israel ɔlɛku bana ekpidi ani ƒui na baabla kemmo.

Kɔgya 85:3

Áya na ƒula kɔnyi kenye kékulo na kaƒɔ kába-a.

Yesaia 33:24

Unwoti ɔdubuti bina ekpidi ɔkyiɛ-mii, na ɔdi ulasu ɔnii uuƒi.

Yesaia 38:17

Geen ni, ami mina bɔdia ɔsu na lɛbibo lɛmɛni líbo-mi lɛlɔ. Nsu na ƒula lɛƒɔndia ɔsu ni, ánu-mi lɛlɔ, na áda-mi édie kaƒiɔtɔ kani mɔɔyila ukyuli udu kemmo. Na énwini kama ákya mina alaekpidi.

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Yeremia 33:8

Bábla alaekpidi na báta bénye-mi lɛlɔ, nsu ndubuti lɛkyiɛ-ma na lidie bana bɔƒiɔ ƒui bana lɛlɔ.

Yeremia 50:20

Ndubudie Israelƒuɔ ku Yudaƒuɔ nkyuli ɛlɛɛ badi na ndubuti bana ekpidi lɛkyiɛ-ma ɔni na ɔdi ɔsɔ ulanu ekpidi bɔƒiɔ biala bɔdi ka bɔkya-ma lɛlɔ.”

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Kɔnyana Buwulo 3:32

Ɔɔyá na buubó abi geen, nsu lɛni kani na ɔɔnu kɔnyana, ɔsika ubo bɔyɔ ute-bu uwi ndi uwi.

Esekiel 18:22

Badubuti bana ekpidi ƒui bakyiɛ-ma na belie ngba, ɔsika bábla lɛbuni.

Esekiel 39:29

Nsɔ lɛɛɛdubo kama bunwini bɔkya mina kadi bekyuli Israelƒuɔ kudii, na mina Kɔyu kɔdubo bulieku-ma. Ami Unwoti násu.”

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Hosea 14:4

“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ.

Sakaria 3:4

Anwuɔsu Katɔti ɔtu ɔmmɔ ɔ́su bekyuli badi ɔnii bada-nwu adala ani nánwu ammɔ bedie-nwu lɛlɔ. Na únwini na ɔ́su Yosua ɔnini, “Ɔmɛni ɔɔtina ka béti ƒula ekpidi bákyiɛ-ɔ. Na ɔƒɛni ni, ndubɔkya-a ɔkpane bɔdi lɛwu.”

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Romaƒuɔ 8:13

Si bɛsiaku likyulikpi udu ala bɔbla kama ni, bɛdubo bukpi. Nsu si bɛkɛnku Katɔti Kɔyu lɛlɔ na bɛ́du bina ɔlɔna udu ukpidi ɔmmɔ ni, bɛdubɔkɛ ngba.

Lɛkpa Ulu 30:3

bina Unwoti Katɔti ɔdubɔnu-mii kɔnyana. Na ɔdubɔsɔku-mii ɔsiku kesii kani na úgyingya-mii ɔ́kya na kayawi ekpo ekpo ubasala. Na ɔsɔ ɔdubɔya na binwini ala badine lɛnɔ.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Hebriƒuɔ 8:12

Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.”

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.