Mika 7:17 - Katɔti Ɔku Kedee

¹⁷ Badubɔdi lɛti na bakɛ bataakpɛ taavi kalɔ aani balakpi ku bana udu bamba. Na badubo bukeli bɔsi bana kɔkyakɔ na balɛ basi bana kɔbɛkɔ kpakplaa ƒui bebo ku liƒu kpakpaakpa na Unwoti bula Katɔti bɔyia ɔsu.

Mika 7:17 ပူးပေါင်းရင်းမြစ်များ

Samuel 2 22:46

Na bálɛ bási bana kɔbɛkɔ bébo ku liƒu, ɔsika básɔ beeebo lɛnunsia lɛdi.

Ala Alɛdi 2 17:10

Amu na kadi bekyuli bani ƒui náka bámana Yuda kalɔ mmɔ baayia Unwoti ɔyikun ɔni na ubo geen, anwuɔsu badi bátakana na bata bekpoku Yehosaƒat.

Kɔgya 18:45

Na bálɛ bási bana kɔbɛkɔ bébo ku liƒu, ɔsika básɔ beeebo lɛnunsia lɛdi.

Kɔgya 72:11

Na baga ƒui bakya lili kalɔ bete-nwu. Na kadi ƒui babla-nwu kabla.

Kɔgya 72:9

Bekyuli bani nli kalɔ kakwiidi lɛlɔ ƒui badubo babakya lili kalɔ bete-nwu na ɔdi-ma lɛlɔ. Na nwuna bekisine ƒui bayu bebi kalɔ na ɔtumu akɔ na nwuna anumi.

Kɔgya 9:20

O mina Unwoti, ya na liƒu ala bonwu ada alɛ-ma lɛlɔ. Na bati nwaa ka kayawi bekyuli keeke kani na badi.

Yesaia 25:3

Ɔmmɔ ɔsu kadi kani bekyuli mbo ɔyikun badubuti ɔbu bete-ɔ. Na bani lɛnɔ mɔɔdi bekyuli lɛlɔ na baanya-ma taakya badubo-ɔ lili kalɔ butaakya na ƒula ɔyikun bonwu ɔsu.

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 60:14

Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’

Yesaia 64:2

Na lɛla biala lɛbla aani kalɛ na baatu ogya taakya alakpi na aada. Na aya na ntu ƒui buteeƒuƒuo. Yu bo na aya na ƒula bekisine ƒui banu kalɛ na ƒula lɛnyi lɛɛda liƒu. Na aya na kadi bekyuli ƒui bayia-a, na benye-ɔ anumi bataatɔ kpakpaakpa!

Yesaia 65:25

Begidi ku baƒonubi badubɔdi basala na bagyata ku bakɔ ƒui badubɔkun keti. Na balakpi badubɔkun lɛti kani! Na baladu iye babla ɔdi lɛla lɛdi na mina kɔbi kedee lɛlɔ mmɔ. Lɛni na ami Unwoti mɔɔsu!”

Yesaia 7:19

Badububo na babaƒɔ bina awɛ ƒui kemmo ku atakpɛ libu ku ana kɔka ƒui kemmo ku liyu akunkpo ku abiɔ ƒui kemmo.

Yeremia 16:16

“Nsu ɔƒaani ni, ndubuti bekisine bani ndubo-mii buƒie limene-mii na beƒie-mii aani kɔbɛ na ketu na babwi-mii na badu-mii aani alakpi akɔ bebuo na abi eli ku atakpɛ libu kemmo.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Kɔnyana Buwulo 3:29

Si éboku lɛlɔ kalɔ buɛɛ ni, adubɔkɛ lɛla lɛni na asia anu.

Sakaria 14:5

Na bɛdubukeli bɛsia kɔwɛ kɔmmɔ kemmo útédu Asal. Na bɛdubɔwia kasiakɔ kesii biala aani kalɛ na ɔ́bla uwi ɔni na kalɔ kákunku na Yudaƒuɔ Ɔga Usia uwi. Na ɔmmɔ kama ni, Unwoti Katɔti ɔdubɔda ɔlɛ ku nwuna batu.

Lɛkpa Ulu 32:24

Na kɔka ku lɛlɔ bɔbi ɔdubo-ma bɔdu. Na lɛlɛ lidu lidu lɛdubo-ma bɔdu. Na ndubɔya na beƒiebuo bebekpoku-ma na balakpi bani mbo ugyulo ukpidi ɔdu-ma.

Yosua 9:24

Amu na Gibeonƒuɔ bammɔ bédie kenye banini, “Ati! Lɛla lɛni ɔsu bɔ́nyi ɔkɔ ɔmmɔ udu ndi ka búnu na ɔdi sɔsɔ ka bina Unwoti Katɔti úbo nwuna kabla ɔblane Mose ɔda ka ɔdubo kalɔ kani ƒui nkya mɛni buti bute-mii. Na ɔdubɔya na bɛdu bekyuli bani ƒui nkya-ka kemmo uwi ɔni na bikpo bisela anumi mɛni. Ɔƒɛni lɛnɔ bɔbla lɛni, ɔsika bɔɔyia-mii geen na bɔgyi ka bula ngba bɔkya ɔgbankpi kemmo.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Samuel 1 14:11

Ɔmmɔ ɔsu ni, bana inyɔ ƒui bédie lɛlɔ na Ƒilistiƒuɔ bammɔ baanu-ma básiku bana keliekɔ mmɔ. Na Ƒilistiƒuɔ bammɔ básu banini, “Bɛnu! Hebriƒuɔ bamɛni bási baalɛ́ bana libu lɛni kemmo na bábɛ bakya.”