Mika 7:14 - Katɔti Ɔku Kedee

¹⁴ Unwoti, tɔnku ƒula kadi bekyuli bani nlie lɛti na lɛku kemmo, na ada ama bani na áƒuna éte lɛlɔ aani baƒonu ɔdane kalɛ asiaku kalɔ kabuni kemmo kesii kani na badubɔkɛ livo lɛbuni na Basan ku Gilead kalɔ kemmo aani kalɛ na úse kuuku.

Mika 7:14 ပူးပေါင်းရင်းမြစ်များ

Kɔgya 100:3

Bɛnu bɛti ka Unwoti ndi Katɔti! Anwu nábla-bu na bɔdi nwuna badi bani na ɔɔnu lɛlɔ aani nwuna baƒonu kalɛ na kadikɔ.

Kɔgya 143:5

Lɛ́kali lɛ́nu uwi ɔni návi na líduo lɛlɔ kemmo lísie ɔgyu na lɛ́nu akɔla ala budie taatina ani na ƒula enu ábla.

Kɔgya 28:9

Unwoti, gyumana bekyuli bani na áƒuna na badi awɔ badi na eete-ma kusɛ kusɛ na ada-ma aani kalɛ na baƒonu ɔdane ɔɔda nwuna baƒonu ɔ́si ɔƒɛni úsela uwi ƒui.

Kɔgya 95:7

Anwu ndi bula Katɔti, na abu ndi nwuna kadi bekyuli bani na ɔɔnu lɛlɔ. Buse aani nwuna baƒonu bani na ɔɔkpanku teesienku kadikɔ. Si bínu Katɔti lɛdi ɔmwi ni,

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Lɛnu Ƒui Ɔnu 4:1

Ɔbuni, ése álɛ ligblebi geen si mɔɔnu-ɔ taavinku ƒula lɛduni lɛni mbi-ɔ anumi mmɔ kemmo. Ƒula anumi eekeye aani lɛmangbɛ. Na ƒula linwini liibó ɔƒɛƒɛɛ aani kalɛ na bese pii baasí taayu Gilead abi.

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Yesaia 35:2

Kalɔ kakwiidi kammɔ ala ƒui adubɔlɛ anwula ani mɔɔtina ka lɛlɔ lɛɛyɔ́-ka, na beteebo kudu ku lɛlɔyɔ kɔvanu. Na kalɔ kammɔ ala ƒui adubɔlɛ enye ataanwami aani Lebanon abi akumiɔ. Na eteekeye aani Karmel Kɔbi iye Saron Ɔkwalɛ. Na banu kalɛ na Unwoti Katɔti lɛgadi liikeye.

Yesaia 37:24

Átala bekyuli ákya Unwoti, na bákpila-nwu edumi. Na ásu anini, “Nkɛnku mina bapɔnkɔ kɛɛkɛ lɛlɔ na lɛ́ɛkɔ abi ani na ákuku ƒui eli lɛ́vi ku Lebanon kesii kani bene na kákuku ketulo ƒui. Na egyii kpakplaa ammɔ ƒui líkulo-nya líwi kalɔ, ku egyii abuni ani nálɛ enye salaa ƒui. Na kesii kani na kadi kabɛkɔ ƒui líduo mmɔ bene lɛ́lɛ, kesii kani na kadi lɛkumiɔ geen.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Yesaia 65:10

Na Saron ɔdubunwini bebuo kadikɔ kabuni ute bana bebuo. Na Akor Ɔkwalɛ bonwu ɔmmɔ ɔdubunwini kesii kani na bebuo bammɔ badubo butaatɛ taanwuna ute mina bekyuli bani mɔɔwia-mi kama ulu.

Yeremia 49:31

Biiibo awodu ani mɔɔgyumana-mii na biiibo badukɛne bebunkune badi lɛnɔ. Nsu use-mii aani bibo bɔƒɔ bɔdi, anwuɔsu lɛ́su-nwu nnii ukpo-mii.

Kɔnyana Buwulo 1:7

Na nwuna lɛbibo ku ala ani muukpóku-nwu kemmo ni, Yerusalem ɔɔkali taanu akɛla ani nése-nwu na uwi ɔni nábavi dii kemmo, na ɔƒɛni amu ɔkɛ kɔlɔ ƒui lɛlɔ ɔɔví. Uwi ɔni na úduo nwuna bekisine enu ni, útakɛ ukyuli ɔni nebunku-nwu na bekisine bammɔ benye baanu-nwu na beedumi-nwu taama na nwuna ɔgbankpi ɔsu.

Kɔnyana Buwulo 5:21

Sɔku-bu boku ƒula kudɔ! Na aya na lɛla biala lɛsɔ lise kalɔ ɔwɔdi.

Esekiel 36:11

Bɛdubɔwɔ bebi na bina bebuo lɛnɔ bawɔ. Na nsɔ lɛɛɛdubo-mii atu budie aani kalɛ na use ɔƒɛni. Mmomu bɛdubo bumomo geen na lɛda-mii kaduɛ litulo kudeedi ƒui na bɛnu bɛti ka ami ndi Unwoti.

Lewiƒuɔ Ɔda Bubo 27:32

Uwi ɔni na baƒonu iye ɔmantɛ bakɔ ɔdane ɔɔká nwuna bebuo otogyi ka ute nwuna lɛla lɛkpa leevudi ni, leevudi biala ɔdi Unwoti ɔdi.

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Obadia 1:19

Na Israelƒuɔ bani na beli Negev kalɔ kemmo badubuti Edomƒuɔ abi lɛlɔ kɔlɔ kɔmmɔ. Na bani na beli abi lɛlɔ lɛnɔ beti Ƒilistiƒuɔ ku Eƒraim ku Samariaƒuɔ kɔlɔ. Na Benyamin kɔdua beti Gileadƒuɔ kɔlɔ.

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Sakaria 10:10

Ndubo-ma bɔkpanku bɔsiku Egyipte ku Asiria kalɔ lɛlɔ liboku ɔma, na lɛya na belie Gilead ku Lebanon na bemomo baƒɔ kalɔ kammɔ ƒui lɛlɔ.

Sakaria 11:7

Anwuɔsu baƒonu bani na balati bédie bése ka badu mmɔ ni, línwini bana lɛlɔ ɔnune. Na ligyii inyɔ lɛni nda mɔɔkpanku-ma mmɔ ni, lɛ́sia-ni anyi. Na unwi mɔɔlɔ nnii Kɔnyana Bɔnu, na unyɔdi mɔɔlɔ nnii Unwi Bɔbla.

Malakai 3:4

Na Yudaƒuɔ ku bani nkya Yerusalem ƒui akpala adubɔƒɔ-nwu anu aani kalɛ kani na úse uwi ɔni nábavi.

Bumomo Bɔka 23:9

Na nnye atakpɛ ani nákuku lɛlɔ mɔɔnu-ma, na mɔɔnu-ma taasiku abi lɛlɔ. Na badi kadi bekyuli bani na ama lɛti nli. Na balánu lɛlɔ aani kalɛ kadi bamba bekyuli bese.

Bumomo Bɔka 32:1

Uwi ɔmmɔ kemmo ni, Gad ku Ruben kaba bekyuli bebo bebuo pii. Na kalɛ bánu Yaser ku Gilead kalɔ ka kadia kete ɔmantɛ bakɔ bɔtumini ɔsu ni,

Bumomo Bɔka 32:4

kɔlɔ kɔni Unwoti ɔ́gyu ɔ́tɔ úkpo úte Israelƒuɔ mmɔ kɔdia kute bebuo bɔtumini geen. Na ɔmɛni ɔsu bɔ́kɛ bebuo kaduɛ na kana lɛlɔ.”

Mateo 2:6

“ ‘Awɔ Betlehem, bekyuli baasu ka adi ɔma ubliidi na Yuda kalɔ lɛlɔ. Nsu uuuse lɛni! Ɔsika ƒula kemmo na ɔtɔnkune ubendi ɔdi ɔdubɔlɛ ɔsi na watɔnku mina kadi bekyuli Israelƒuɔ.’ ”

Yohane 17:16

Kalɛ kani na lɛɛɛdi kayawi kamɛni ɔdi ni, lɛni kani na ama lɛnɔ baaadi kayawi kamɛni badi.

Lɛkpa Ulu 33:28

Anwuɔsu Yakob bawɔ, bilie na atu bɔyɔ kemmo. Na bilie kpli na kalɔ kani Unwoti úti uute-mii mmɔ kaduɛ. Kalɔ kani nélie lɛmwi na edula ku adingyii ani beeti taabla ntɛ adubɔdia-ka lɛlɔ. Na Unwoti ɔɔyá na amii aasí katɔ teebewi-ka ntu.