Mika 7:12 - Katɔti Ɔku Kedee

¹² Bekyuli badubɔta na bana limomo kemmo basi Asiria ku Egyipte ku Babilon kɔlɔ lɛlɔ ku kesii bamba ƒui bebo-mii kudɔ.

Mika 7:12 ပူးပေါင်းရင်းမြစ်များ

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.

Yesaia 11:16

Na Unwoti ɔdubɔya na ulu bɛbɛɛbɛ ɔdi ɔsia mmɔ ɔvi ute nwuna kadi bekyuli bani na bébu bakya Asiria, aani kalɛ na ɔ́bla úte-ma uwi ɔni na bávi baalɛ́ Egyipte kalɔ lɛlɔ.

Yesaia 43:6

Na ndubɔsu kɔlɔ kɔni na katɔ ku kada kakɛ bekyuli nnini, ‘Bɛnyonu mina bebi bananabi ku belekubi na benwini basi kalɔ ɔgyu ɔgyu mmɔ bebo.

Yesaia 49:12

Mina kadi bekyuli badubɔsi ɔlɔgyu na katɔ kakɛ ku ɔƒɛ kanukɔ bebo na basi Siniƒuɔ kalɛkɛ lɛlɔ lɛnɔ bebo.”

Yeremia 23:3

“Ndubɔkpanku mina kadi bekyuli bakladi bani nébu bɔsiku kɔlɔ kɔni na lígyingya-ma lɛ́kya buboku ɔma na basɔ benwini kadi bekyuli bayikune bonwu.

Yeremia 3:18

Na Yudaƒuɔ ku Israelƒuɔ badubɔsɔ basala babla unwi na kalɔ kani lɛlɔ na bésie bakya na katɔ kakɛ mmɔ. Na basiaku lɛlɔ benwini bebo kalɔ kani líti líte bana bati kuuku mmɔ lɛlɔ.’

Yeremia 31:8

Ami Unwoti ndubɔsɔku mina bekyuli lɛsiku Babilon ku kalɔ kadi bekyuli ƒui akɔ liboku ɔma. Na banumbwɛne ku bekpulone ƒui badubɔkya mmɔ. Na baƒɔndane ku bani na uwi úudu-ma ka bawɔ ƒui badubɔkya kasala kammɔ kemmo.

Yeremia 46:27

“Limeyi lɛdi ni, ndubo-mii bɔkpanku bɔsiku baƒɔ kɔlɔ kɔni lɛlɔ na bɛkya búboku ɔma. Na amii ku bina bebi ku bawɔ ƒui bilie na atu bɔyɔ kemmo ɔni na bɛsɔ bilayia lɛla lɛdi.

Esekiel 29:21

“Esekiel, si uwi ɔni na lɛ́ya na bádi Egyipte kalɔ lɛlɔ báwɔlɔ ni, ndubɔya na Israelƒuɔ bakɛ ɔyikun na lɛya na ndubute-ɔ ɔyikun ɔni na atɛmi ete-ma. Na ɔmmɔ ɔdubɔya na bati ka ami Unwoti nábla ala amɛni.”

Esekiel 37:21

na asu-ma anii, ‘Ami Unwoti Katɔti ndubo Israel bekyuli bɔsala na lɛkpanku-ma baƒɔ kɔlɔ lɛlɔ kesii kani na belie ɔƒɛni liboku ɔma.

Hosea 11:11

Na badubɔsi Egyipte bebo aani baasɛ bani muuveyi ku usi, na bakɛ ligeen aani babloduma bani nási Asiria na lɛsɔku-ma liboku bana kesii. Ami Unwoti násu lɛni!”