Mika 6:8 - Katɔti Ɔku Kedee

⁸ Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Mika 6:8 ပူးပေါင်းရင်းမြစ်များ

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Ala Kalɔ Buse 5:22

Na Metusala bɔwɔ kama ni, Henok ɔ́siaku Katɔti kama geen akwa eti aku (300) na ɔ́wɔ bebi bananabi ku belekubi bamba.

Ala Alɛdi 2 30:11

Nkyuli ɛlɛɛ badi kani nási Aser ku Manase kakɛ kani nésie ɔƒɛ kanukɔ ku Sebulon adua kemmo béboku lɛlɔ kalɔ na bébo Yerusalem.

Ala Alɛdi 2 32:26

Na kama ƒui ni, bekyuli bamɛni bánu ka báƒiɔ na békpi kɔtɔ na bévele Unwoti banii uti ɔkyiɛ-ma. Anwuɔsu Unwoti ɔ́sɔ útani-ma kɔtu uwi ɔni ƒui na Hesekia ɔ́sɔ úlie utaadi lɛga mmɔ.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Nehemia 9:13

“Na awɔ náyu ébelie Sinai Kɔbi lili, na étemi éte-ma. Na éte-ma ɔda bubo lidu lidu bɔni ndia na buse siin.

Kɔgya 101:1

O Unwoti! Ndubudie ɔnu limwi-ɔ na kalɛ na aayɔ́-bu uwi ndi uwi na aatɛ litemi ulu siin lɛlɔ ɔsu.

Kɔgya 112:4

Na bani ƒui mɔɔbla ala ulu lɛlɔ ni, badubɔnu bukeye na kesii kani na lɛdisa lɛkya. Ɔsika baabla lɛƒɔndia na baanu bekyuli kɔnyana na bese siin.

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 37:26

Ukyuli ɔmmɔ ɔɔnu kɔnyana uwi biala. Uute ala lɛnɔ na uuvó teete bekyuli na kusɛ kusɛ ɔɔsiaku nwuna bebi.

Kɔgya 73:28

Nsu ami ni, ɔdia ute-mi geen ka lɛ́ni líde Katɔti. Na ndubɔkɛ katamikukɔ na Ɔyikune Ƒui Katɔti kudɔ. Na libo ala ani ƒui na ɔ́bla kudu lite bekyuli.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Etemila 12:13

Ala ani ƒui na bátina-a ni, akana na asala-nya akya etemila klo klo amɛni kemmo anini, “Di Katɔti litemi lɛlɔ na abu-nwu. Lɛla lɛni ƒui na ngba bumodi bɔmmɔ bɔdanku kani na lɛdi mmɔ.”

Yesaia 56:1

“Bɛbla ala bɛsiaku ulu geen ɔmmɔ lɛlɔ, ɔsika ndubo uwi klukwii mbaƒɔ-mii ngba. Na bekyuli ƒui badubɔnu mina ɔyikun ɔni na mbo na lɛƒɔ ukyuli ngba na kalɔ kamɛni lɛlɔ kesi kesii.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yeremia 22:16

Na lɛla lɛni mɔɔtina geen ka ukyuli ɔgyi-mi na lɛdi mmɔ. Ɔmmɔ ɔsu na úlie ngba ku atu bɔyɔ na ubo ala na édu-nwu na ɔdi na ɔni lɛnɔ uwi biala.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Kɔnyana Buwulo 3:26

Ɔdia geen ka bɔkɛ kayi na bunye butaanu Unwoti anumi na udie-bu.

Esekiel 16:63

Ndubuti lɛla biala lɛkyiɛ-ɔ, nsu adubɔkali ala ani na ábla anu na kɔƒa kukpo-ɔ kɔvili ka asu lɛla lɛdi muedi. Ami Unwoti násu.’ ”

Esekiel 33:14

“Biti-nwu bɛnii líbo balalane ɔda ka badubo bukpi na bana ekpidi ani na baabla ɔsu na báda-nya bɔbla báya na baabla lɛbuni.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Lewiƒuɔ Ɔda Bubo 26:41

ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Amos 5:24

Mmomu bɛya na litemi lɛlɔ bɔdi ku ala bɔbla ulu lɛlɔ siin unwini aani ketu na kataagba na bina keliela kemmo na kasɔ katakwii kudii.

Mika 6:9

Bise atu na binu, ɔsika Unwoti ɔɔtɛmiku amii bani ƒui na bɛkya ɔma unengudi ɔmmɔ kemmo na ubo ɔyikun ɔni na ɔni bekyuli kɔtu. Na bekyuli bani mɔɔyia awɔ Unwoti ni, bebo lɛnunda.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Mateo 5:7

Lɛlɔ litaayɔ bekyuli bani mɔɔnu bana bekyulikpana kɔnyana. Katɔti ɔdubɔnu-ma kɔnyana.

Luka 10:42

Nsu lɛlakpa linwi kani námanku ka bawia. Na lɛbuni lɛmmɔ na Maria ɔ́ƒuna. Na basɔ baláƒɔ-ni na nwuna kudɔ.”

Luka 11:42

“Bɔbuɛ muute amii Ƒarisiƒuɔ! Biiti bina edula lɛkpa leevudi ku kevoma kutu akyala ƒɛƒɛɛ aani evete lidu lidu teete Katɔti. Nsu biiní ka utalɛka bɛnu bekyuli anumi bɛbla ala, na bilayɔ Katɔti lɛnɔ. Amɛni na ɔdi ka bɛbla bibunku ala ani na bɛdaku, na ɔɔɔdi ka bɛda ɔdi bise.

Luka 12:14

Amu na Yesu údie kenye ɔnini, “Ɔnana, ɔma néte-mi kuƒi ɔnii nle ala iye ntɛ litemi na bina inyɔ ntɛ?”

Luka 6:36

Bitaanu kɔnyana aani kalɛ kani na bina Katɔti ɔɔnu kɔnyana.

Romaƒuɔ 7:16

Na si ala ani na naaayɔ ka lɛbla na mɔɔbla ni, na ɔɔtina ka lɛ́tuna ka ɔda bubo bɔmmɔ bɔdia.

Romaƒuɔ 9:20

Na awɔ ndi ɔma geen na eetemi asiaku Katɔti? Libwi liléye ukyuli ɔni návɔ-ni ɔnini, “Bi ɔsu na ávɔ-mi lɛni?”

Korintoƒuɔ 1 7:16

Anwuɔsu awɔ uleku ɔƒɔtaadine si élieku ƒ'ɔgyani lɛni ni, ɔƒaalɛ adubudie-nwu alɛku ekpidi kemmo. Lɛni kani na awɔ ɔnana ɔƒɔtaadine lɛnɔ ni, si awɔ ku ƒ'ulekudi bílie lɛni ni, ɔƒaalɛ adubudie-nwu alɛku ekpidi kemmo. Lie ngba ku kuƒi kɔni na ebo asa na Katɔti úte-ɔ ƒula uleku.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Lɛkpa Ulu 27:10

Anwuɔsu binu-nwu litemi na bɛdi nwuna ɔda bubo bɔni ƒui na úti uute-mii ɔmwi mɛni lɛlɔ.”

Lɛkpa Ulu 30:15

Na ɔmwi limeyi lɛmɛni lɛlɔ ni, lɛ́da ala adi mɔɔvá-mii anumi na bɛƒuna lɛni na bɛɛyɔ́. Na anya ndi ngba ku lɛkɛ, kukpi ku udu bɔyii. Bi na bɛɛwia, ngba munuu kukpi?

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Yakobo 2:20

Ɔdɔlɔdi! Bɔtina na nsɔ ndubo-ɔ bɔtina nnii bɔƒɔtaadi bɔni lɛlɔ na kabla keeebunku ni, bɔdi bɔƒɔtaadi bukpludi?

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Samuel 1 12:23

“Na ami geen ni, uwi ɔdi uuubo na basu banii ndubɔda Unwoti bɔkpali bɔya na bina lili, na unwini-mi likpidi. Na ndubɔtina-mii lɛla lɛni ndi lɛbuni na lɛdia ka bitaabla.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.