Mika 6:6 - Katɔti Ɔku Kedee

⁶ Na bana akɔ ɔdi ɔdubɔkana na uye ɔnini, “Unwoti, bi na ndubuti liboku mbakpa awɔ ɔni na ƒula lɛnyi lɛ́kɔ katɔ kakaaka mɛni si uwi ɔni na líbo nnii mbakya-a lili kalɔ? Ɔmantɛ bakɔ bakɔdi bani náƒɔ lɛkwa linwi na bélie lɛmwi na baadia bɔnu teetulo ƒui na muuti liboku?

Mika 6:6 ပူးပေါင်းရင်းမြစ်များ

Samuel 2 21:3

Amu na Dawid úye Gibeonƒuɔ bamɛni ɔnini, “Bi na bɛɛyɔ́ ka lɛbla lite-mii? Na dɛ na ndubɔyala-mii kaƒɔ na ɔmɛni kemmo kalɛ na Unwoti kusɛ kusɛ ɔsiaku nwuna bekyuli?”

Kɔgya 116:12

Bi na ndubɔkana na lite Unwoti na ala abuni ani ƒui na ɔ́bla úte-mi ɔsu?

Kɔgya 22:29

Balakɛne bani mɔɔdi taani kalɛ kalɛ ƒui badubɔkya lili kalɔ bete Unwoti. Na bani ƒui nkɛ na baayɔ́ bekpi na basɔ balákana lɛla lɛla bɔbla bute lɛlɔ ƒui badubɔkya lili kalɔ bete-nwu.

Kɔgya 95:2

Bɛya na bɔgya-nwu enu na bumwi-nwu ku ebiti lɛnu momoomo.

Kɔgya 95:6

Bibo na bɔkya lili kalɔ bɔkpa Unwoti. Na bɔlɛ-nwu akɔnkɔ kalɔ, ɔsika anwu ndi bula Unwoti na anwu nédie-bu.

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Yesaia 40:16

Lebanon egyii ƒui étedu ka basala-nya ogya babla lɛkpa. Na bebuo bani nkya Lebanon abi lɛlɔ mmɔ ƒui bétedu ka beti-ma bakyula babla akpala bete Unwoti.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Esekiel 46:9

Nsu si mina kadi bekyuli bébo bábakpa-mi na limeyi bɔdi biala kemmo ni, ɔdi ka basia kayakun bamba batɔlɔ na ɔɔɔdi kani na básia béduo. Anwuɔsu si kayakun katɔdi na ásia éduo ni, ɔdi ka asia kadani alɛ. Na si kadani lɛnɔ na ásia éduo ni, ɔdi ka asia katɔdi alɛ.

Daniel 3:26

Amu na Nebukadnesar ɔ́ni úde ogya ɔmmɔ na ɔ́va ɔ́kpali bakloƒu ɛtɛ bammɔ ɔnini, “Sadrak ku Mesak ku Abednego, amii Unwoti Katɔti Ɔyikune Ƒui kabla bablane, bɛvi bɛlɛ mmɔ bibo ɔƒaani!” Amu na bana ɛtɛ bammɔ bávi bálɛ ogya ɔmmɔ kemmo,

Daniel 4:9

Amu na lɛ́su-nwu nnini, “Beltesasar, ɔɔɔdi anu kani na áda etulo mina kasusu bakyane ku kelisa benengu bammɔ, mmomu baƒiɔ bayikune kedee bammɔ béte-ɔ ɔyikun sɛsɛɛ ɔni na aakana na eeti taakɛ ala ani na ebo ɔkplu geen muedi kakwɛ, na aakana-nya, na eedie akɔla ala budie taatina abɛdi muedi kalɔ. Anwuɔsu se kɔtu na enu mina kɔna kɔni na lígye na edie-ku kalɔ ete-mi.

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Bumomo Bɔka 7:51

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Mateo 19:16

Na uwi bamba kemmo ni, okloƒu ɔdi úbo Yesu kudɔ na úye-nwu ɔnini, “Ɔtinane, bi ndia na ɔlɛka lɛbla asa na Katɔti ute-mi ngba bɔni nsɔ naaadubo bɔsa kudii?”

Marko 12:33

Na ɔlɛka ukyuli ɔyɔ Katɔti ɔ́siku nwuna kayi kemmo ƒui ku nwuna kasusu kemmo ƒui ku nwuna ɔyikun kemmo ƒui. Na ɔlɛka ɔyɔ nwuna ukyulikpana aani kalɛ na ɔɔyɔ́ anwu ɔlatidi nwuna lɛlɔ kalɛ. Ɔdia ka ukyuli ɔsia ɔda bubo bɔmɛni kama utulo si úti bebuo ku akpala abambadi útákpa Katɔti.”

Marko 5:7

Na ɔ́va momoomo ɔ́su ɔnini, “Yesu, katɔ ku kalɔ Ɔyikune Ƒui Ubi! Buvele, su-mi se ka aláni-mi kɔtu!”

Luka 10:25

Mmɔ na ɔda bubo ala ɔtinane ɔdi úbo ku kasusu ka ɔkɔku Yesu ɔnu. Na úye-nwu ɔnini, “Ala ɔtinane, bi na ɔlɛka lɛbla asa lɛkɛ ngba ƒui?”

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”

Batalane Kabla 16:30

Na ka ɔ́da-ma údie ɔtɔ ɔmɛni kemmo ni, úye-ma ɔnini, “Ati bene, bi na ɔlɛka lɛbla asa na lɛkɛ bɔƒɔ?”

Batalane Kabla 2:37

Amu ka bekyuli bamɛni bénu Petro etemila amɛni ni, ékpoku-ma na kayi kemmo. Anwuɔsu béye-nwu ku batalane bakladi banii, “Banwa, bi na ɔlɛka bɔbla?”

Eƒesoƒuɔ 3:14

Ɔmɛni ɔsu mɔɔlɛ akɔnkɔ teevele Katɔti.

Hebriƒuɔ 10:11

Limeyi ndi limeyi ni, Yudani ɔkpane biala uunye taabla nwuna ɔkpane kabla kani ndanku bɔkpa ulu ɔmmɔ lɛlɔ. Ɔɔbla akpala ammɔ udu kani limeyi ndi limeyi ani naaadubo bɔkana na udie likpidi na ukyuli lɛlɔ kudii.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.