Mika 6:5 - Katɔti Ɔku Kedee

⁵ “Bitayiƒala kasusu kekpidi kani na Moabƒuɔ Ɔga Balak ɔ́bla ɔ́siku-mii lɛlɔ iye lɛla lɛni na Beor ubidi Bileam ɔ́su-nwu ku kalɛ na údie kenye. Na binyimo akɔla ala budie taatina ala ani na ami Unwoti lɛ́bla ɔ́si bina keliekɔ na Sitim mmɔ úsie Gilgal.”

Mika 6:5 ပူးပေါင်းရင်းမြစ်များ

Kɔgya 111:4

Na kalɛ na nwuna ablala ammɔ ébomo ɔsu ni, ɔ́ya na bulayiƒala-nya kudii. Unwoti ubo lɛƒɔndia na ɔɔnu kɔnyana lɛnɔ.

Kɔgya 143:11

O Unwoti, die-mi lɛku mina lɛbibo kemmo ɔkɛnku ƒula lɛnyi kedee lɛlɔ ku ƒula ɔyikun ɔsu na lɛkɛ ngba bɔƒɔ.

Kɔgya 36:10

Unwoti, buuvele-ɔ bɔnii taatina bekyuli bani ngyi-ɔ ƒula bɔyɔ bɔni naaavumana kudii mmɔ. Na eteete bani ƒui mɔɔbla ƒula lɛƒɔyɔ ku kayi sɛɛn ala abuni.

Kɔgya 71:19

Na banu bati kalɛ na ébomo na ese siin aani kalɛ na baanu ka kayaa kébomo kalɛ. Ábla ala ebendi, na ɔdi ɔsɔ uuubo ƒula kalɛ.

Yesaia 1:27

Ka Unwoti Katɔti ɔɔtɛ litemi ulu lɛlɔ na use siin ɔsu ni, alaekpidi bablane bani nkya Sion na bana ekpidi éduo-ma na bénwini kayi, badubɔkɛ bɔƒɔ.

Bumomo Bɔka 22:41

Na kadi kégye ɔtanta ni, Balak útiku Bileam na bákɔ bésie Bamot-Baal Kɔbi lili. Na mmɔ na ɔ́nu Israelƒuɔ badi úmene.

Bumomo Bɔka 23:27

Amu na Balak ɔ́su Bileam ɔnini, “Bo na bɔsɔ busie kesii bamba. Ɔƒɛni kakɛ ɔdubɔda Katɔti kubiti na ɔya na ewida Israelƒuɔ bamɛni ete-mi na kesii kani búsela mmɔ.”

Bumomo Bɔka 25:1

Uwi ɔni na Israelƒuɔ bákya Sitim ni, na ama ku Moab belekubi bése kalɔ baatɛ.

Bumomo Bɔka 25:2

Na ɔkɛnku ɔmmɔ ɔsu beleku bamɛni baakpanku banana bammɔ teesienku bana lɛƒiɔkpa emeyi bɔdi kalɔ. Na Israelƒuɔ baadi adila ani béti bákpa béte baƒiɔ na baalɛ-ma akɔnkɔ kalɔ.

Bumomo Bɔka 31:16

Ɔɔɔdi beleku bamɛni násiaku Bileam kasusu kama na Peor? Na ɔmɛni ɔ́ya na Israelƒuɔ báta bénye Unwoti ɔda bubo lɛlɔ na ɔlɛ úbasiaku Unwoti bebi?

Bumomo Bɔka 31:8

Na bádu Midianƒuɔ baga ɛlɔ na bani bádu mmɔ ndi Ewi ku Rekem ku Sur ku Hur ku Reba. Na bádu Beor ubidi Bileam lɛnɔ.

Bumomo Bɔka 33:49

Na báda keliekɔ na Yordan Ketu ɔ́si Bet-Yesimot útédu Abel-Sitim na Moab kalɔ ƒiaa lɛlɔ.

Eƒesoƒuɔ 2:11

Binyimo ka uwi ɔdi návi ni, báwɔ-mii aani bekyuli bani naaagyi Katɔti. Na Yudaƒuɔ bani nékulo lego ni, baalɔ-mii banii kadi kani bekyuli nétekulo ago. Nsu geen ni, bani nábla ɔlɔna bukulo ɔdi ɔmɛni ni, ɔlɔna lɛlɔ kabla kani na ɔdi. Na uuubo kɔsia kɔdi na kɔyu kemmo na Katɔti anumi.

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.

Lɛkpa Ulu 23:6

Na bitabla unwi ku Arnonƒuɔ ku Moabƒuɔ bamɛni na bitawia-ma bɔdia lɛnɔ kudii.

Lɛkpa Ulu 8:18

Mmomu binyimo ka bina Unwoti Katɔti néte-mii ɔyikun ɔmmɔ asa na bɛ́bla akɛla ammɔ na úti ɔɔtina ka ɔ́di kenye kani na úse ku bina bati kuuku úse lɛlɔ aani kalɛ na use ɔmwi mɛni.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Lɛkpa Ulu 9:7

Bitayiƒala kalɛ na bɛ́ya na Unwoti úti kɔnyi ɔ́kya-mii na kalɔ kakwiidi kemmo. Úti ɔ́si limeyi lɛni lɛlɔ na bɛ́ta Egyipte kalɔ úti úbedu limeyi lɛni bíbeduo mɛni ni, lɛni kani na bɛkya bɛɛta teenye Unwoti lɛlɔ.

Yosua 2:1

Ɔmmɔ kama ni, Nun ubidi Yosua ɔ́tala batu inyɔ badi ɔ́siku Sitim kesii kani bákya. Na ɔ́su-ma ɔnini, “Bɛbɛ bitánu Kanaan kalɔ kammɔ. Ɔni ntulo ƒui ndi ka biduo bana ɔma unengudi ɔni baalɔ banii Yeriko na bɛnu mmɔ kalɛ na use.” Amu ka bétéduo Yeriko ni, bésie bétéduo uleku ɔyalɛ ɔni baalɔ banii Rahab kaduli na bátɛ mmɔ.

Yosua 3:1

Amu na kadi kégye ɔtanta tutuutu ni, Yosua ku Israelƒuɔ ƒui báta Sitim na bátɔlɔ bétélie Yordan Ketudɔ kesii kani na badubulie asa na bavia ketu kammɔ.

Yosua 4:19

Na bekyuli bammɔ ƒui bávia Yordan Ketu kammɔ báwɔlɔ na kɔbuli kudeedi limeyi leevudi lɛlɔ. Na bételie ɔma ɔni baalɔ banii Gilgal na Yeriko ɔƒɛ katukɔ kakɛ.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Litemi Batɛne 11:25

Munuu aakali ka áƒɔ kuye etulo Moab Ɔga Balak, Sipor ubidi? Bɔkya na anwu ku Israel bákya unyeƒi iye ɔ́ta úkpoku-ma dii?

Litemi Batɛne 5:11

Na kɔgya bediene básala na abiɔ atu na beedie kɔgya taasu kalɛ na Unwoti ɔ́di lɛlɔ úte Israelƒuɔ ku bekpone bammɔ kabla. “Mmɔ na Unwoti bekyuli báyu bésie bana ɔma unengudi ɔban kayakun kenye.

Samuel 1 12:7

Na ɔƒaani ni, bibimi bina atu na binu kaduɛ ka bɛ́ƒiɔ Unwoti ɔni na nka anwu mɔɔtɔnku-mii na bíti bina anu ƒui bɛ́sia-nwu lɛlɔ. Na bitaakali taanu ala abuni ani na ɔ́bla úte amii ku bina bati kuuku.