Mika 6:4 - Katɔti Ɔku Kedee

⁴ Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Mika 6:4 ပူးပေါင်းရင်းမြစ်များ

Samuel 2 7:23

Na bekyuli badi lɛnɔ beeese aani ƒula kadi bekyuli Israelƒuɔ kalɛ na kalɔ kamɛni lɛlɔ. Ama kani na awɔ Katɔti étédie álɛku Egyipteƒuɔ lɛlɔ bɔdi kalɔ éte lɛlɔ na bénwini ƒula kadi bekyuli. Na ƒula lɛnyi lɛ́ƒɔ kuye na ábla ala enengudi éte-bu ku akɔla ala budie taatina ani mɔɔda bekyuli liƒu. Na ábɔku kadi bamba bekyuli ku bana baƒiɔ álɛku bana kuliekɔ na bana kalɔ kénwini abu Israelƒuɔ bati kadi.

Kɔgya 77:20

Áƒuna Mose ku Aaron na bátɔnku ƒula kadi bekyuli aani baƒonu ɔdane kalɛ ɔkɛnku ƒula ɔyikun lɛlɔ.

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Israelƒuɔ Bɔlɛ 3:10

Anwuɔsu mɔɔtala-a ɔƒɛni na eteesie Ɔga Ƒarao kudɔ. Na etédie mina bekyuli bani ndi Israelƒuɔ alɛku Egyipte kalɔ lɛlɔ.”

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Israelƒuɔ Bɔlɛ 4:16

Ɔdubɔtɛmiku bekyuli bammɔ ute-ɔ aani ƒula kenye udiene kalɛ na ɔbla aani si awɔ nénwini-nwu Katɔti ɔmmɔ.

Israelƒuɔ Bɔlɛ 6:27

Ama kani nátɛmiku Egyipteƒuɔ Ɔga Ƒarao ɔ́siku Israelƒuɔ bɔkpanku bɔlɛku Egyipte kalɔ lɛlɔ.

Yeremia 32:21

Na ábla akɔla budie taatina amɛni éti ákya Egyipteƒuɔ liƒu geen. Na awɔ ɔlati édie ƒula kɔnu na ábla ɔyikun ala na édie ƒula kadi bekyuli Israelƒuɔ na Egyipteƒuɔ enu kemmo.

Amos 2:10

“Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.

Bumomo Bɔka 12:1

Amu na Miriam ku Aaron bése kalɔ beetemi teewi Mose. Ɔsika Mose úsie útéti Etiopiani uleku ɔdi.

Bumomo Bɔka 33:1

Kalɛ na Israelƒuɔ bélie báta na bana esu esu kemmo uwi ɔni na Mose ku Aaron bátɔnku-ma na bésie ulu bási Egyipte kalɔ ndi ɔmɛni.

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Lɛkpa Ulu 15:15

Na binyimo ka amii lɛnɔ bɛ́ɛbla bekyuli kabla na Egyipte kalɔ lɛlɔ dii. Nsu bina Unwoti Katɔti úbada-mii údie lɛbibo lɛmmɔ kemmo na bɛ́kɛ bɔnwuna. Anwuɔsu na uubó-mii ɔda ɔmɛni.

Lɛkpa Ulu 24:18

Na binyimo ka dii uwi ɔdi kemmo ni, Egyipteƒuɔ bénye-mii lɛlɔ na bítaabla kabla teete-ma asa na bina Unwoti Katɔti úbaƒɔ-mii ɔ́lɛku bana enu kemmo. Ɔmɛni ɔsu na muubó-mii ɔda amɛni udu.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Lɛkpa Ulu 5:6

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Lɛkpa Ulu 7:8

Nsu Katɔti ɔ́ƒuna-mii, ɔsika ɔɔyɔ́-mii litemi na úse bina bati kuuku kenye úse ɔsu. Na ɔkɛnku nwuna ɔyikun bonwu kenye na úkpo ɔ́ƒɔ-mii ɔ́lɛku Egyipteƒuɔ ɔga enu kemmo kesii kani na nka únye-mii lɛlɔ na bɛ́kya bɛɛbla kabla teete-nwu.

Lɛkpa Ulu 9:26

Mmɔ na lɛ́kpali-nwu lívele-nwu nnii, “O Ɔyikune Ƒui Katɔti, tayila ƒula bekyuli bani na ɔkɛnku ƒula ɔyikun ku ɔlɔkplu na édie-ma álɛku Egyipte kalɔ lɛlɔ udu.

Samuel 1 12:6

Ɔmmɔ kama Samuel ɔ́sɔ ɔ́su-ma ɔnini, “Unwoti ɔlati náƒuna Mose ku Aaron ka batɔnku bula bati kuuku. Na ama nákpanku-ma bálɛku Egyipte kalɔ lɛlɔ.