Mika 6:16 - Katɔti Ɔku Kedee

¹⁶ “Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Mika 6:16 ပူးပေါင်းရင်းမြစ်များ

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Baga 1 9:8

Na ina ka ɔtɔ ɔmɛni úbomo na ɔɔdia bɔnu lɛni ɔƒɛni ni, uwi ɔdi ɔdubo na ɔtɔ ɔmɛni ɔdubunwini lɛmala ute ukyuli biala ɔni mavi mɛni, na badubɔma na bapii basu banini, ‘Bi ɔsu na Unwoti ɔ́bla lɛla lɛmɛni udu na kalɔ kamɛni ku kakpakɔ kamɛni lɛlɔ lɛni?’

Baga 2 16:3

Na ɔ́siaku Israelƒuɔ baga bedeedi ɔbladu ukpidi kama na úti ubidi muedi ɔ́kyula ɔ́kpa úte baƒiɔ, na ɔkɛ ɔsiaku kadi bekyuli bekpidi bani na Unwoti ɔ́bɔku ɔ́lɛku-ma anumi mmɔ ɔbladu kama.

Baga 2 21:3

Na ɔti Hesekia akpabi ani na úbo ɔ́ƒɛ ni, ɔ́sɔku-nya ɔ́tu. Na ɔ́tu akpabi úte Baal baƒiɔ bɔkpa. Na ɔ́sɔ ɔ́sɔku Asera baƒiɔ ɔ́tu aani kalɛ na Ɔga Ahab ɔ́bla ɔ́vi. Na Ɔga Manase lɛnɔ ɔ́kpa ayabi.

Ala Alɛdi 2 22:4

Geen na ɔti kukpi kama ni, Ahasia ɔ́bla likpidi ɔ́ƒiɔ Unwoti na uwi ɔni na útáƒuna Ahab lɛlɔ bekyuli ka benwini-nwu kasusu bakyane. Na ɔkɛnku kasusu kani na baakya-nwu ɔsu na úbo kalɔ.

Ala Alɛdi 2 34:25

Yuda ku Israel bekyuli ƒui béni-mi. Na bábla akpala béte kadi bamba baƒiɔ ku ala ani na ama alati bávɔ béte lɛlɔ. Na nsɔ lɛɛɛdubo bɔkana bunye bɔnu ɔmɛni gyɔlɔɔ, ɔsika livo liiƒí-mi geen.

Kɔgya 1:1

Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Kɔgya 44:13

Áya na bula liku bekyuli baatɛmi teewi-bu na beedumi-bu lɛnɔ ɔni na bɔ́sɔ bútaƒɔ kuye kɔdi na bana anumi.

Kɔgya 44:14

Búnwini lɛmala búte baƒɔ na bapii-bu.

Yesaia 25:8

Ɔdubɔyila kukpi aani kalɛ na beebweli lɛla lɛdi na kɔsɔ kulakya lɛnɔ kudii. Unwoti Katɔti ɔdubuni imii udie ukyuli biala anumi na kɔƒa kɔni muukpó nwuna bekyuli kɔdubukeli ƒui kede kede na kayawi kemodi kammɔ kemmo, ɔsika Unwoti ɔlati násu ɔmɛni úse.

Yesaia 9:16

Batɔnkune bamɛni baatɔnku-ma taatáyila, na bani batɔnku mmɔ lɛnɔ baayii ulu.

Yeremia 19:8

Ndubɔya na ɔma unengudi ɔmmɔ únwini aani kebu alakpi ku lɛmala na ɔbla bekyuli bammɔ kalɛ kadi na ukyuli biala ɔni násia mmɔ ɔɔví ɔpii-mii na udumi-mii lɛnɔ na bina ɔgbankpi ɔsu.

Yeremia 25:18

Na líse kalɔ lɛ́si Yerusalem lɛlɔ ku lɛma lɛni na Yuda kalɔ lɛlɔ. Na sɔsɔ békpeli baga bammɔ ku bana lɛku batine ƒui bébo kalɔ ɔ́siku bana kunyekɔ ku agaboku lɛlɔ ku kɔƒa. Na ukyuli biala ɔda-ma lɛnyi ku lɛma na kesi kesii na beeti-ma anyi teewida bekyuli ka bana ɔgbankpi ɔmmɔ udu ɔdubɔlɛku bekyuli bani na beeyuda mmɔ.

Yeremia 25:9

Na ɔƒaani ni, ndubo bɔya na kadi bekyuli bani nási kalɔ kammɔ katɔ kakɛ bebékpo-mii na ɔni ntulo ƒui ndi mina kabla ɔblane Nebukadnesar ɔni ndi Babilonƒuɔ ɔga. Amii ku bina liku bekyuli kɔlɔ lɛlɔ bekyuli ƒui bɛdubo bukpi na bina lɛma ku kɔlɔ ƒui kɔdubɔsɔ kuwi ukpludi na lɛla biala lɛyii udu. Na ɔtɔtɔ bonwu ɔdubɔgyu ukyuli biala manu ɔmɛni, nsu ɔmmɔ ƒui kama bɔma kani na badubo-mii na beteedumi-mii.

Yeremia 51:51

“Kɔƒa kuukpó-mii na bɛɛnu bɛnii bina anumi éwi kalɔ ka baƒɔ béduo mina kakpakɔ kedee ɔsu.

Yeremia 7:24

Nsu bina bati kuuku béni na bétenu-mi litemi. Bábla atuɔkplu. Na si ami líti-ma mɔɔsiaku ulu ɔdi ni, na ama beti ɔbambadi.

Kɔnyana Buwulo 5:1

O bula Unwoti, tayiƒala bula lɛbibo ku kalɛ na béwi-bu anumi kalɔ.

Esekiel 39:26

Na badubo bulie ku keyi buɛɛ na ama alati kalɔ lɛlɔ. Na kɔƒa kukpo-ma si bényimo alaekpidi ani na bábla bábavi na bákya-mi kɔƒa.

Daniel 9:16

Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Hosea 12:14

Nsu bɛ́kya-mi kɔnyi na bɛ́nu-mi anumi, anwuɔsu ndubo-mii kɔtu bɔni na bina ekpidi bonwu ani na bɛ́bla ɔsu.”

Hosea 5:11

Baƒiɔ bani na Israel kadi bekyuli basiaku baakpá nénwini kɔtɔ bɔdu úte-ma, anwuɔsu na ala enye eekpóku-ma na beesusu-ma lɛni uwi biala.

Mika 2:6

Na si mɔɔsu-mii lɛla lɛdi ni, bɛsɔ bitasu bɛnii lɛsa na mɔɔkɔ́ teewi-mii ndubɔya na kɔƒa kukpo-mii. Bitasu bɛnii Katɔti uláya na kɔƒa kukpo-mii.

Mika 6:13

Anwuɔsu na líse kalɔ mɔɔkyula-mii na bɛyii udu na bina ekpidi ɔsu.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.