Mika 6:13 - Katɔti Ɔku Kedee

¹³ Anwuɔsu na líse kalɔ mɔɔkyula-mii na bɛyii udu na bina ekpidi ɔsu.

Mika 6:13 ပူးပေါင်းရင်းမြစ်များ

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yeremia 14:18

Mɔɔnu kalɛ na bani bádu na kekpokɔ bewi alakpi akɔ. Na mɔɔnu kalɛ na kɔka kɔɔdú bekyuli lisu bani nkya lɛma kemmo lɛnɔ. Nsu ɔmɛni ƒui kenye bediene bammɔ ku bakpane bewi bana kabla lɛlɔ na belenu lɛla lɛdi kalɔ ɔ́si lɛla lɛni mɔɔlɛ́ lɛlɔ.”

Kɔnyana Buwulo 1:13

“Áya na ogya ɔ́si katɔ úbo na ɔɔkyula-mi teeduo-mi ekubi kemmo. Ákywɛ-mi kakpagyuɛ, na nsɔ naaakɛ́ kavikɔ. Na áya na ɔtɔtɔ ɔɔgyú-mi limeyi limodi na ɔlɛ ɔni na muunú uwi biala ɔsu.

Kɔnyana Buwulo 3:11

Na ɔ́tu úbada-mi, na ɔ́ni-mi ɔtɔlɔku ulu lɛlɔ útáduli-mi kɔkɛ kɔkɛ.

Kɔnyana Buwulo 5:16

Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Hosea 13:16

Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”

Hosea 5:9

Ami Unwoti ndubo mbani Israel kɔtu na lɛyila-ma udu ƒui. Na ɔmɛni ɔdi kenye kpakplaa kani na muusé teete Israel adua ammɔ ɔdi biala.

Lewiƒuɔ Ɔda Bubo 26:16

ala ani ndubo mɛni na ndubo-mii bɔbla. Ndubɔya na liƒu ala ada alɛ-mii lɛlɔ kɔnakunwi na lɛya na lɛlɛ buɛ lidu ku lɛlɔ ogya bɔƒɔ buteekpoku-mii na anumi abwɛ-mii na biteekpi. Bɛdubo bina edula bɔva keeke, ɔsika adubunwini bina bekisine adi.

Mika 1:9

Ɔsika Samaria ɔ́ƒɔ ɔlɛ bonwu ɔni na balakana bɔbwi. Na ulu ɔmmɔ kani lɛlɔ na Yuda lɛnɔ ɔkɛ úsela na ɔgbankpi ɔmɛni úudu ɔban kenye na Yerusalem alati.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Mika 7:13

Na ɔkɛnku ala ani na bábla-mii ɔsu ni, kɔlɔ kɔmɛni bekyuli badubo abi bubo na ɔgbankpi lidu lidu kemmo.

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.