Mika 5:7 - Katɔti Ɔku Kedee

⁷ Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Mika 5:7 ပူးပေါင်းရင်းမြစ်များ

Samuel 2 17:12

Na bɔdubɔkana na bukpoku-nwu kesii biala na bɔ́siaku-nwu na bulie-nwu lɛlɔ aani kalɛ na amii aayu teewi kalɔ. Na anwu iye nwuna basiakune ɔdi ulébu ulakya ngba.

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Yesaia 32:15

Uwi ɔni na Unwoti ɔdubɔsɔku nwuna kɔyu ute-bu ɔsiku katɔ ni, kɔlɔ kɔkwiidi ƒui kɔdubunwini adingyii mmo bɔni adingyii ndubɔlɛ lili abla aani aku, na kalɔ kammɔ kadia geen.

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Yesaia 55:10

Ɔnantu ku etubankɛ aana taasi kayaa taayu kalɔ. Na ɔdi ulásɔ teenwini taakɔ katɔ na ulete kalɔ kammɔ bɔba na ɔya na bɛkɛ edula ebi pii ani na bɛkya na bɛkɛ adila bɛdi bimo.

Yesaia 66:19

“Ndubo akɔla budie taatina ala bɔbla na lɛtina-ma mina ɔyikun ɔni na mbo na bani nébu beli na bana akɔ ni, ndubuti-ma limene Tarsis ku Pul ku Lud ku Mesek ku Tubal ku Yavan ku ntuntɛ kalɔ na ɔgyu kakaaka na lɛya na besie batákɔ lɛsa bete kadi bani bekyuli nétenu-mi tɔ kɔku kalɛ na muukeye.

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Esekiel 14:22

Na bani na bétekpi na ɔgbankpi ɔmmɔ kemmo ni, ndubo bɔya na bakpanku-ma batɔlɔku mmɔ aani bekyuli beƒiedi beboku Babilon kalɔ lɛlɔ mɛni. Na awɔ Esekiel ɔlati adubɔnu ati lɛla lɛni ɔsu na lɛ́bla Yerusalem ala amɛni ƒui si banii ánu alaekpidi ani udu na baabla taaƒiɔ-mi.

Esekiel 47:1

Ɔnana ɔmmɔ ɔ́sɔ ɔ́kpanku-mi na búnwini búsie kakpakɔ kemmo mmɔ. Na mmɔ na lɛ́nu ketu blii kadi ka kaagbá taasi kayakun kammɔ kalɔ. Kése kalɔ kási kakpakɔ kammɔ kada kakɛ na ɔ́gba ɔkɛ lɛkpabi lɛmmɔ kudɔ na ɔ́gba ɔkɛ kaduli kammɔ kemmo úsela ɔƒɛ kanukɔ kakɛ.

Esekiel 5:5

“Ami ndi Unwoti Katɔti na lɛ́bla na Yerusalem ɔdi ɔma ɔni na ɔ́ƒɔ kuye geen utulo ƒui na kayawi ku kadi bamba kɔlɔ ƒui akɔ na ɔɔda bekyuli kubiti.

Daniel 11:32

Ɔga ɔmmɔ ɔdubuti kenyemini ku katɔlɔ ɔkpanku bekyuli bani naaasiaku Katɔti kama siin ute lɛlɔ. Nsu bani ngyi Katɔti geen ni, badubɔta benye-nwu lɛlɔ kpakplaa.

Hosea 14:5

Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Yoel 2:32

Uwi ɔmmɔ kemmo ni, ukyuli biala ɔni makpali Blɔti na wevele-nwu kɔnyana bɔnu ni, ɔdubɔkɛ ngba. Unwoti úse kenye úse ka badi badubo bubu bulie ngba na Sion ku Yerusalem na nwuna bekyuli baƒunadi badubɔkya-ma akɔ.”

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Mika 2:12

“Ami Unwoti lise kenye ka ndubɔkpanku Israelƒuɔ bani nébu liboku mbasala aani kalɛ na baƒonu ɔdane ɔɔsála nwuna baƒonu na beemomo.

Mika 4:13

“Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”

Mika 4:7

Na bekyuli bani nébu mɛni na badi balɛne na bani na béƒie bátɔlɔku mɛni kemmo ni, badubunwini mina bekyuli na lɛya na benwini kadi bani na bebo ɔkplu. Na ami Unwoti ndubo Sion Kɔbi lɛlɔ mmɔ bulie na Yerusalem, na ntaadi-ma lɛlɔ úsela uwi ƒui.

Mika 5:3

Na Unwoti ɔdubudie Israel atu wetédu uwi ɔni na uleku ɔni nda kɔƒɔ ɔdubɔwɔ lɛlɔ ɔdine ɔmɛni, na nwuna badi bakladi basɔ benwini bebo Israel.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Sakaria 14:8

Na liwulu uwi ku kɔyɔ uwi ƒui ni, ntukpa bɔni mbo ntu buni bɔdubo butaagba taasi Yerusalem, na kakɛ kenwi kadubusie ketéduo Ɛpugyie kemmo na ɔƒɛ katukɔ na kakɛ kenwi ketéduo Mediterenia Ɛpu kemmo na ɔƒɛ kanukɔ.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Batalane Kabla 11:15

“Na ɔmɛni kama ni, líse kalɔ mɔɔsu-ma litemi buni lɛmɛni. Nsu asa na meduo litemi buni lɛmɛni ɔlati kemmo ni, Katɔti Kɔyu kúbo na kɔ́ƒɔ-ma lɛlɔ kemmo ƒui aani kalɛ na kɔ́ƒɔ abu lɛnɔ lɛlɔ kemmo ƒui na kalɔ kesekɔ!

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Batalane Kabla 16:9

Usien ɔmmɔ ni, Paulo ɔ́nu budie bɔtina bɔdi na kɔna kemmo. Na kɔna kɔmɛni kemmo ni, ɔ́nu ɔnana ɔdi ɔni nási Makedonia na unye uuvele-nwu ɔnini, “Via bo Makedonia mɛni na ebebunku-bu o-o!”

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 10:20

Na Yesaia úse kayi na ɔ́su-ma nwaa ka Katɔti ɔ́su ɔnini, “Bekyuli bani na nka baláwia-mi ni, ɔƒɛni bánu-mi. Na lídie lɛlɔ lɛ́tina bekyuli bani néteye-mi lɛlɔ.”

Romaƒuɔ 11:12

Yudaƒuɔ likpidi ɔsu na Katɔti ɔ́ya na kayawi ƒui bákɛ nwuna ala abuni. Na ɔni na Yudaƒuɔ báyila kɔyu kemmo ala abuni ɔsu ni, bani naaadi Yudaƒuɔ bálɛ lili na bákɛ Katɔti kusɛ kusɛ geen. Na si bana bɔƒiɔ bɔdanku kusɛ kusɛ ɔmɛni udu búboku kayawi ni, si uwi ɔni na Yudaƒuɔ bakladi bábasalaku Katɔti badi ƒui ni, nwuna kusɛ kusɛ ɔmmɔ ɔdubo bumomo geen bubu!

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Lɛkpa Ulu 32:2

Mina ala bɔtina adubɔyu aani kalɛ na ɔnantu ɔɔna na ubewi kalɔ aani amii. Mina etemila adubɔyu aani kalɛ na ɔnantu uuwi blii blii teewi edula ani na átalɛ tɔ lili lɛlɔ. Na adubɔyu ewi livo lɛni na ɔƒɛni na lɛɛkwɛ́ lɛlɔ blii blii.

Litemi Batɛne 6:36

Amu na Gideon ɔ́su Unwoti ɔnini, “Si sɔsɔ na ásu ka adubɔƒɔ Israel ngba asiaku mina lɛlɔ ni,