Mika 5:6 - Katɔti Ɔku Kedee

⁶ Batɔnkune bamɛni bekpone kpakplaa badubunye na badi Asiriaƒuɔ lɛlɔ na baƒɔ-bu na bana lɛkɔkɔ si bákali ka bakɔ-bu basɔ na beti-bu kalɔ.

Mika 5:6 ပူးပေါင်းရင်းမြစ်များ

Baga 2 15:29

Na uwi ɔni na Peka ɔdi ɔga na Israel ni, Asiriaƒuɔ ɔga ɔni baalɔ Tiglat-Pileser úkpo ɔ́ƒɔ Iyon ku Abel-Bet-Maaka ku Yanoa ku Kedes ku Hasor ku Gilead ku Galilea ku Naƒtali lɛma ƒui. Na úƒie bekyuli bammɔ úsienku Asiria na útákya-ma ɔtɔ.

Ala Alɛdi 1 1:10

Kus ɔ́wɔ Nimrod. Na Nimrod ɔmɛni úbenwini ukpone ɔyikune geen na kalɔ lɛlɔ.

Ala Alɛdi 2 33:11

Anwuɔsu na ɔ́ya na Asiria bekpone benengu bébekpo Yuda na béƒie Manase na béti lɛbuala lɛdi bákya-nwu enwu na bébo-nwu kɔgba na béti-nwu bésienku Babilon.

Hiob 29:22

Na sɔsɔ si lɛ́su-ma lɛla lɛdi ni, basɔ balákya unyeƒi ɔdi, mmomu baaƒɔ́-ni kpoo.

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Yesaia 14:2

Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Yesaia 14:25

Ndubo Asiriaƒuɔ udu bɔyila na mina kalɔ, na lɛkɔ-ma lɛbwɛ kpɛtɛ kpɛtɛ na mina kɔbi lɛlɔ, ama bani nákɔ belie mina bekyuli lɛlɔ, na lidie bana lɛbibo kɔgba kɔni nda Israelƒuɔ, na bana etila atimi mina bekyuli lɛlɔ.”

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 37:37

Ɔmmɔ Asiriaƒuɔ Ɔga Sanaherib ɔ́ya na báta mmɔ na bénwini bésie Niniwe na bétélie mmɔ.

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Nahum 2:11

Bi nálɛku ɔma ɔmɛni lɛni? Kuuku ni, na nka beli-nwu ƒaa betulo bagyata bayikune bani ntɛ bana atabi libu kemmo na balayia ku lɛla, ɔsika ɔdi ulakana-ma bɔni bude.

Seƒania 2:13

Unwoti ɔdubo busie butédu kalɔ kammɔ katɔ kakɛ na utábwɛ Asiria, na unwini Niniwe ɔma unengudi ɔmmɔ ubi.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.

Luka 1:71

ɔdubudie-bu ɔlɛku ekpidi bablane ku ama bani na muukisi-bu ƒui enu kemmo.

Luka 1:74

ɔdubudie-bu na bula bekisine enu kemmo, na ɔdubɔya na bɔbla-nwu kabla na liƒu lɛsɔ lɛɛɛdubo-bu bɔda.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Lɛkpa Ulu 32:2

Mina ala bɔtina adubɔyu aani kalɛ na ɔnantu ɔɔna na ubewi kalɔ aani amii. Mina etemila adubɔyu aani kalɛ na ɔnantu uuwi blii blii teewi edula ani na átalɛ tɔ lili lɛlɔ. Na adubɔyu ewi livo lɛni na ɔƒɛni na lɛɛkwɛ́ lɛlɔ blii blii.