Mika 5:5 - Katɔti Ɔku Kedee

⁵ Ɔsika anwu ɔmmɔ geen ndanku keyi buɛɛ ku atu bɔyɔ bammɔ. Si Asiriaƒuɔ békpo-bu kalɛ kalɛ na bébile-bu kalɔ ku bula baga kesii dɛ ni, abu lɛnɔ bula batɔnkune baƒunadi badi badubɔtɔnku-bu na bɔdubukpoku-ma budie kasi.

Mika 5:5 ပူးပေါင်းရင်းမြစ်များ

Hiob 5:19

“Ɔdubudie-ɔ na ɔgbankpi biala kemmo ina dɛ na lɛɛlɛ́ku-ɔ taasia kama.

Kɔgya 72:7

Ya na ala bɔbla siin bɔƒɔ kalɔ kammɔ ƒui lɛlɔ na nwuna lɛga bɔdi butu uwi. Na atu bɔyɔ ku keyi buɛɛ kaƒɔ-bu akɔ wetédu ka kɔbuli kɔ́da bɔtu teewi-bu lɛlɔ kɔ́ya.

Agba 30:18

“Na alakpa atɛ adi akya na ana lɛlɔ lɛɛbla-mi dɛye dɛye. Na ene adi anya neeenu-nya kalɔ.

Agba 30:29

“Na alakpa atɛ adi akya kayawi na bana bɔnya bɔɔtina lɛgadi. Na ene mɔɔkɛ na lɛgadi kemmo.

Agba 6:16

Alakpa aku adi akya na Unwoti ukisi geen. Na maatɛ adi eesé-nwu lɛlɔ,

Etemila 11:2

Le lɛla lɛni na ákɛ te nkyuli maatɛ ku maane ƒaa, ɔsika aaagyi limeyi lɛni na ayaki adi adububo ebeyu-ɔ atu.

Yesaia 14:25

Ndubo Asiriaƒuɔ udu bɔyila na mina kalɔ, na lɛkɔ-ma lɛbwɛ kpɛtɛ kpɛtɛ na mina kɔbi lɛlɔ, ama bani nákɔ belie mina bekyuli lɛlɔ, na lidie bana lɛbibo kɔgba kɔni nda Israelƒuɔ, na bana etila atimi mina bekyuli lɛlɔ.”

Yesaia 44:28

Ami násu nnii, ‘Kores ndubɔtɔnku mina bekyuli aani baƒonu ɔdane kalɛ na babla lɛla lɛni mɔɔyɔ́-mi kaƒɔ. Na badubɔsɔku Yerusalem ku kakpakɔ kammɔ batu.’ ”

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 65:8

Unwoti ɔnini, “Kalɛ na si kutu ɛlɛɛ úbu ɔsia kugyii lili na ubo ntu na ɔdia bɔdi na bekyuli baasu banii batada kugyii kɔmmɔ, ɔsika kutu ɔbuni ɔdi úbu ɔsia kugyii lɛlɔ ni, lɛni na ndubo bɔbla bute mina kabla bablane bani mɔɔdi mina litemi lɛlɔ na lɛɛɛdubo bekyuli bammɔ ƒui udu bɔyila bɔsalaku-ma.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Amos 1:3

Unwoti ɔnini, “Ndubo Siriaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔsika béminime ligyigba lɛni lɛlɔ na bébo kɔbwɛlɛ bálɛ bávinku Gileadƒuɔ lɛlɔ.

Amos 1:6

Unwoti ɔ́sɔ ɔ́su ɔnini, “Ndubo Gasaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane.

Sakaria 10:11

“Lɛbibo lɛdubo mina bekyuli butulo aani kalɛ na baanú teeduo ɛpu kemmo. Nsu ndubo ɛpu avlɔvɔ ammɔ kenye butile, na lɛya na Nil Ketu kakwii ketédu nwuna ligyu kalɔ kalɔ ƒui. Na lɛya na Asiriaƒuɔ lɛmɛnɛ bɔkun ku Egyipte ɔyikun ƒui ubo kalɔ na ɔyii udu.

Sakaria 10:3

“Ami, Unwoti Ɔyikune Ƒui, lɛ́kɛ kɔnyi geen lɛ́kya amii batɔnkune bammɔ na ndubo-mii kɔtu bɔni. Mina kadi bekyuli, Yudaƒuɔ, lɛlɔ libo-mi ɔlɛ geen, na ndubɔya na baƒonu lisu lɛni nkɛ mɛni benwini kekpo bapɔnkɔ bani nkɛ ku usi geen bésela kekpokɔ.

Sakaria 12:6

“Na uwi ɔmmɔ ni, ndubɔya na Yuda adua ammɔ enwini aani ogya agyabi bonwu bonwu na egyuku livongu kemmo, iye ogya ɔni mɔɔkya keti litili bonwu lɛdi kemmo. Na ndubɔya na bakya kadi bamba bekyuli bani náka bámana-ma ƒui ogya. Na bekyuli basɔ baƒɔ Yerusalem ɔma pii geen.

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Budie Taatina 19:14

Na katɔ bekpone ƒui bakya lɛwu lɛbuni lɛƒualadi lɛni nse sɛɛn, na belie bapɔnkɔ baƒualadi lɛlɔ na basiaku ukyuli ɔmmɔ kama.