Mika 5:11 - Katɔti Ɔku Kedee

¹¹ Na bina lɛma linengudi ku ɔma kɔgyumanakɔ kɔni na bɛ́tu ƒui ndubo-ku bubile.

Mika 5:11 ပူးပေါင်းရင်းမြစ်များ

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 2:6

Unwoti úni Israel kadi bekyuli, ɔsika bábla unwi ku ɔƒɛ katukɔ kadi bamba bekyuli bani na evo ala bɔbla bɔ́ƒɔ-ma lɛlɔ kemmo, na beebó like aani Ƒilistiƒuɔ kalɛ. Na baakya kadi bamba bekyuli lɛnɔ kɔgbu.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Kɔnyana Buwulo 2:2

Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Esekiel 38:11

bɛnii bɛdubɔkɛ kadi bani bekyuli nse kpɛtɛ kpɛtɛ na beli ku atu bɔyɔ mmɔ lɛlɔ kɔsia. Ɔsika beli lɛma lɛni na bátatu awodu bátamana-ni na bakya-ni ɔban kɔyakun bonwu na babala-ni.

Hosea 10:14

Kekpo kadubo bɔlɛ, na bina lɛma kɔgyumanakɔ kɔni na bɛ́tu ƒui kɔdubo bɔbwɛ. Na bina bekisine badubo-mii lɛla lɛni na Ɔga Salman ɔ́bla Bet-Arbel bɔbla. Na badubuti bebi ku bana beni ƒui baƒiɛmi atakpɛ lɛlɔ badu.

Amos 5:9

Unwoti ɔɔyila bekpone bayikune udu na ɔɔbwɛ lɛma kɔgyumanakɔ kɔni na bátu bényene.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’