Mika 4:8 - Katɔti Ɔku Kedee

⁸ Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.

Mika 4:8 ပူးပေါင်းရင်းမြစ်များ

Ala Kalɔ Buse 35:21

Amu ka bésie anumi blii ni, Yakob ɔni lɛnɔ na basɔ baalɔ Israel ni, ɔ́sɔ ɔ́tu nvo bɔdi na kesii kani baalɔ Migdal Eder kama kakɛ blii.

Samuel 2 5:7

Nsu ina ka básu lɛni ni, Dawid ku nwuna bekpone bádi-ma lɛlɔ na béƒie ɔma ɔni na bátu awodu bámana na baalɔ-nwu Sion mmɔ báƒɔ. Na básia mmɔ lɛnyi banii Dawid Ɔma.

Nehemia 3:25

Na Usai ubidi Palal nábla kabla na ɔga kaduli na kesii kani katutaasia gyɔlɔɔ ɔtɔ ɔlɛ. Na ɔni nsɔ nsia ni, Paros ubidi Pedaia lɛnɔ ɔ́tu.

Kɔgya 24:7

Bidi kuuku uwi kɔyakun kɔmmɔ bɛlɛmi biwi na Ɔga Unengudi ɔni muukeye mmɔ ubeduo.

Kɔgya 48:3

Katɔti ɔ́tina ka nwuna kaduli kadi katamikɔ kabuni geen kesii kani na ɔdubɔgyumana-bu.

Kɔgya 61:3

Adi mina kabɛkɔ na ese aani katu taasia kagyumanakɔ ɔtɔ kpakplaa éte-mi, kesii kani na muunye taanu mina bekisine eli.

Lɛnu Ƒui Ɔnu 4:4

Ƒula limɔ lɛ́lɛ sɛsɛɛ ku aka ku bɔdia aani Salomo katutaasia kagyumanakɔ kani na ɔ́tu. Na agyumanala ani mɔɔgyumana bekpone mpim mpim ada-a limɔ.

Yesaia 1:26

Na ɔmmɔ kama ni, ndubute-mii litemi batɛne babuni ku kasusu betine aani bani nákya-mii akɔ kuuku. Na bekyuli badubɔsɔ balɔ Yerusalem banii Ɔma unengudi ɔni kemmo baatɛ litemi geen ku Ɔma unengudi ɔni bekyuli mɔɔdi etemila lɛlɔ.’ ”

Yesaia 10:32

Ɔmwi ni, bekisine bammɔ badubɔƒɔ lɛlɔ bakya Nob ɔma na bataadu anyi teekene lɛvu taayila Sion teemene kɔbi kɔmmɔ na Yerusalem.

Yesaia 5:2

Ɔ́tu kalɔ kammɔ únwini na údie atabi ammɔ ƒui. Na ɔ́va adingyii ebi abuni ani ndia geen. Na ɔ́tu bagyumanane kenyekɔ únyene-ka ntɛ. Na údie egyiibi ammɔ ntu kewikɔ ubu. Na unye ɔgya egyiibi ammɔ bugyie na bede. Nsu ebi ani na adingyii ammɔ ánwu ni, ana ntu ese nyanyaanya na aaadia.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 7:18

Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”

Obadia 1:21

Na bani Unwoti ɔ́ƒɔ mmɔ badubɔkya Sion Kɔbi lɛlɔ na badi Edom lɛlɔ. Na lɛga kadikɔ kammɔ ƒui kenwini Unwoti kadi.

Mika 2:12

“Ami Unwoti lise kenye ka ndubɔkpanku Israelƒuɔ bani nébu liboku mbasala aani kalɛ na baƒonu ɔdane ɔɔsála nwuna baƒonu na beemomo.

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Sakaria 9:12

na lɛya na bɛsɔ bɛkɛ lɛnunsia. Binwini bisie bina kagyumanakɔ kpakplaa kammɔ. Ɔsika ɔmwi ni, ndubo-mii kayu bɔƒɔ akpa anyɔ na kabla ala ani nése-mii dii ɔsu.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Bumomo Bɔka 24:19

Lɛlɔ ɔdine ɔdubɔlɛ bɔsiku Yakob kaba kemmo, na ɔyila bekyuli bani nébu ɔma unengudi udu.”

Mateo 21:33

“Binu lɛgba lɛbambadi lɛdi. Ukyuli ɔdi ɔ́kya dii ɔni mbo adingyii kemo kani na ɔ́tu awodu ɔ́mana. Ɔ́bla ntɛ kebulokɔ na ɔ́tu ɔgyumanane keliekɔ. Amu na úti kemo kamɛni úte bekyuli badi ɔnii bataanu-ka lɛlɔ, na ɔ́tɔlɔ úsie ulu.

Marko 12:1

Amu na Yesu úbo-ma lɛgba ɔnini, “Dii ni, ɔnana ɔdi úse adingyii kemo kadi. Na ɔ́gyi ɔba ɔ́mana-ka. Na úku ubu na kalɔ kammɔ ntɛ kesii kani na ɔdubo ebi ammɔ ntu butaamana teewi. Na ɔ́tu kesii kani nákuku kalɛ na benye mmɔ bataagyumana kemo kammɔ. Amu na úti kemo kammɔ úte kabla bablane badi ɔnii bataanu-ka lɛlɔ, na anwu ku-ma beti lɛla lɛni bákɛ mmɔ bele. Amu na ɔ́tɔlɔ úsie ulu.

Eƒesoƒuɔ 1:21

Mmɔ na Kristo ulie ɔɔdi bayikune ku kenyekɔ biala ku kɔyu ɔyikun ku bagadine ƒui lɛlɔ. Na nwuna lɛnyi litulo lɛga bɔdi ɔyikun lɛnyi biala na kayawi kamɛni ku kani mebo lɛnɔ ƒui kemmo.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.