Mika 4:7 - Katɔti Ɔku Kedee

⁷ Na bekyuli bani nébu mɛni na badi balɛne na bani na béƒie bátɔlɔku mɛni kemmo ni, badubunwini mina bekyuli na lɛya na benwini kadi bani na bebo ɔkplu. Na ami Unwoti ndubo Sion Kɔbi lɛlɔ mmɔ bulie na Yerusalem, na ntaadi-ma lɛlɔ úsela uwi ƒui.

Mika 4:7 ပူးပေါင်းရင်းမြစ်များ

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Yesaia 16:5

Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yesaia 24:23

Na kadi ƒui Unwoti ɔdubɔdi lɛga na Sion Kɔbi lɛlɔ ku Yerusalem ku bana benengu ƒui anumi na udie nwuna lɛgadi bukeye keyi. Na nwuna bukeye bɔya na kɔbuli ku ɔƒɛ bukeye bɔbla suu aani kalɛ na kɔƒa kuukpó ukyuli.

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Yesaia 60:22

Kaduli kani bekyuli nse blii suɛ ƒui muedi badubunwini kadi bekyuli bani mbo ɔyikun geen. Ami ndi Unwoti na ndubo ala amɛni ƒui bɔbla kɔnakunwi si uwi na ana ɔblawi údu.”

Yesaia 66:8

Ɔma na ɔnii anwu únu lɛni dii iye ɔbla kasusu ka ɔlɛ lɛni? Baawɔ kadi ƒui bekyuli limeyi linwi iye anumi bubo kunwi kemmo? Nsu Yerusalem anwu ni, útenu tɔ kawɔƒɔ bɔdu asa na ɔ́wɔ nwuna bebi.

Esekiel 43:7

“Esekiel, ɔyawine ubi, kakpakɔ kamɛni ndi mina lɛgaboku lɛni lɛlɔ na nli na kalɔ lɛlɔ mɛni. Na mɛni na ndubo bulie na mina kadi bekyuli Israelƒuɔ akɔ úti úsela uwi ƒui. Na ama ku bana baga basɔ balakya-mi kɔƒa na basɔ batátaakpa baƒiɔ badi.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Yoel 2:32

Uwi ɔmmɔ kemmo ni, ukyuli biala ɔni makpali Blɔti na wevele-nwu kɔnyana bɔnu ni, ɔdubɔkɛ ngba. Unwoti úse kenye úse ka badi badubo bubu bulie ngba na Sion ku Yerusalem na nwuna bekyuli baƒunadi badubɔkya-ma akɔ.”

Yoel 3:17

“Ami ndi Unwoti bina Katɔti na bɛdubo bɔnu bɔti ka nli Sion Kɔbi kedee lɛlɔ. Na baƒɔ bekpone badi basɔ baaadubo Yerusalem butuku, ɔsika use kedee.

Obadia 1:21

Na bani Unwoti ɔ́ƒɔ mmɔ badubɔkya Sion Kɔbi lɛlɔ na badi Edom lɛlɔ. Na lɛga kadikɔ kammɔ ƒui kenwini Unwoti kadi.

Mika 2:12

“Ami Unwoti lise kenye ka ndubɔkpanku Israelƒuɔ bani nébu liboku mbasala aani kalɛ na baƒonu ɔdane ɔɔsála nwuna baƒonu na beemomo.

Mika 2:13

Ndubo kayakun kammɔ bubo bɔbwɛ na lɛkpanku-ma lɛlɛku na linwini-ma ɔga.”

Mika 5:3

Na Unwoti ɔdubudie Israel atu wetédu uwi ɔni na uleku ɔni nda kɔƒɔ ɔdubɔwɔ lɛlɔ ɔdine ɔmɛni, na nwuna badi bakladi basɔ benwini bebo Israel.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Seƒania 3:20

Na uwi ɔni na ndubo-mii bɔsala mmɔ ni, ndubɔsɔku-mii liboku ɔma na lɛya na bɛƒɔ lɛnyi, na lɛsɔku bina lɛkɛ lite-mii na anumi ku anumi. Lɛni na Unwoti ɔ́su.”

Luka 1:33

Na ɔdubo lɛga bɔdi na Yakob kaba kemmo uwi ƒui. Na nwuna lɛga kadikɔ kalása kudii.”

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”