Mika 4:4 - Katɔti Ɔku Kedee

⁴ Na ukyuli biala ɔdubulie nwuna adingyii kalɔ ɔkɛ bɔnwuna ƒaa na bakɛ keyi buɛɛ. Kenye kpakplaa kamɛni na Unwoti Katɔti Ɔyikune Ƒui úse nwuna bekyuli.

Mika 4:4 ပူးပေါင်းရင်းမြစ်များ

Baga 1 4:25

Na Salomo ngba bulie uwi ƒui ni, Yuda ku Israel ɔ́si Dan útédu Beer-Seba ni, bana ƒui bélie ku keyi buɛɛ na ɔdi biala ɔ́di nwuna adingyii mmo ebi ku atu bɔyɔ.

Baga 1 5:5

Anwuɔsu mɔɔyɔ́ ka lɛtu kakpakɔ lite mina Unwoti Katɔti. Lɛni na Unwoti ɔ́su mina ɔti Dawid ɔnini, ‘Ƒula ubidi ɔni ndubulie-ɔ keliekɔ na ƒula liboku lɛlɔ ni, anwu ndubo mina kakpakɔ bɔtu.’

Hiob 11:19

Adubo bɔtɛ bɔlɛɛ na lɛla lɛdi lɛsɔ lilakya-a liƒu. Na bekyuli pii badububo bebeye-ɔ kebunku.

Kɔgya 72:3

Ya na kalɔ kammɔ ƒui ku abi ammɔ adia edula ete ƒula kadi bekyuli na ɔtina kalɛ na ƒula ɔga ku bekyuli bammɔ baabla ala siin.

Agba 3:25

Tayia ɔgbankpi ɔni muuyú bekyuli taatu iye ala ani muubieku balalane.

Yesaia 1:20

Nsu si bɛ́ta bínye-mi lɛlɔ ni, bina bekisine badubo-mii bɔyila ku udu.

Yesaia 17:2

Na lɛma linengudi lɛni na nwuna amadɔ ƒui lɛdubunwini baƒonu katɛnkɔ, na ukyuli ɔdi ulabɔku-ma.

Yesaia 22:25

“Ɔƒɛni si limeyi lɛni na lɛ́su líse mmɔ lídu ni, liwele lɛni na líbo lɛ́lɛ kalɔ mmɔ lɛdubo bɔkpa na ala ani nda-nwu lɛlɔ ku kɔbuli mmɔ adubukulo alɛ-nwu lɛlɔ. Unwoti násu.”

Yesaia 26:16

Unwoti, uwi ɔni na lɛbibo lɛ́siaku-bu na bɔ́ɔnɔ na bula lɛtuni kemmo ni, bɔ́wia-a kama ulu.

Yesaia 32:17

Na ka ukyuli biala ɔdubɔbla ala ulu lɛlɔ siin ɔsu ni, keyi buɛɛ ku atu bɔyɔ bɔdubɔkya na ukyuli biala ɔƒɔ ɔkpana ɔdi.

Yesaia 36:16

“Bitenu lɛla lɛni na Hesekia ɔ́su mmɔ. Mmomu bɔsu na Asiriaƒuɔ ɔga ɔyikune ɔda ɔnini, ‘Bɛbabla na bibo bibablaku-mi unwi na buwi kenye ntu. Na bɛdubɔkɛ bɔnwuna na ɔdi biala ɔdi nwuna kemo edula ku egyiibi, na udu ntu na nwuna libiɔ kemmo ɔni,

Yesaia 40:5

Na Unwoti ɔni muukeye ni, ɔdubɔda ɔlɛ kayaa na ukyuli biala ɔdubɔnu-nwu nwaa.’ ” Lɛni na Unwoti ɔlati ɔ́su!

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Yesaia 58:14

Na bɛdubɔnu lɛlɔyɔ lɛni nkya mina bɔsiaku kemmo na lɛya na ɔbu ɔkya-mii lɛlɔ na kayawi kadi bekyuli ƒui anumi na bɛdi-ma lɛlɔ útédu abi eli ƒui. Na Unwoti ɔdubute-mii kusɛ kusɛ na bile bɛdi bina nana ati Yakob kalɔ kammɔ uwi ƒui.” Lɛni na Unwoti ɔlati ɔ́su!

Yeremia 23:4

Na muusé kenye ka ndubɔƒuna batɔnkune bani manu-ma lɛlɔ kaduɛ aani baƒonu badane babuni lite-ma. Na mina bekyuli bammɔ badubɔsa belie mmɔ na basɔ balayia lɛla lɛdi.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Esekiel 34:25

“Israel kadi bekyuli ndi mina baƒonu. Na líse kenye kpakplaa ka badubuli na atu bɔyɔ kemmo. Na ndubo eƒiebuo biala bɔbɔku bɔtɔlɔku kalɔ kakwiidi ku lɛku lɛmmɔ kemmo na basɔ baaadubo bɔyia.

Esekiel 34:28

Kadi bamba bekyuli basɔ baaadubo-ma buyu. Na beƒiebuo lɛnɔ basɔ beleƒie-ma balakun. Na basɔ baaadubo lɛla lɛdi lɛnɔ bɔyia.

Esekiel 38:11

bɛnii bɛdubɔkɛ kadi bani bekyuli nse kpɛtɛ kpɛtɛ na beli ku atu bɔyɔ mmɔ lɛlɔ kɔsia. Ɔsika beli lɛma lɛni na bátatu awodu bátamana-ni na bakya-ni ɔban kɔyakun bonwu na babala-ni.

Esekiel 39:26

Na badubo bulie ku keyi buɛɛ na ama alati kalɔ lɛlɔ. Na kɔƒa kukpo-ma si bényimo alaekpidi ani na bábla bábavi na bákya-mi kɔƒa.

Lewiƒuɔ Ɔda Bubo 26:6

“ ‘Ndubɔya na bɛkɛ atu bɔyɔ na kalɔ kammɔ kemmo na bɛtɛ bɛlɛɛ ƒaa na ɔdi ulakya-mii liƒu lɛdi. Na ndubɔbɔku bebuo bekpidi lɛlɛku kalɔ kammɔ lɛlɔ. Na kewii kadi kelékpoku-mii na kalɔ kammɔ kemmo.

Mika 5:3

Na Unwoti ɔdubudie Israel atu wetédu uwi ɔni na uleku ɔni nda kɔƒɔ ɔdubɔwɔ lɛlɔ ɔdine ɔmɛni, na nwuna badi bakladi basɔ benwini bebo Israel.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Sakaria 3:10

“Na bina akɔ ɔdi biala ɔdubɔlɔ nwuna bakpana uboku na bilie bina mmo adingyii egyii kalɔ bɛkya lɛlɔ ebiti.”