Mika 4:13 - Katɔti Ɔku Kedee

¹³ “Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”

Mika 4:13 ပူးပေါင်းရင်းမြစ်များ

Kɔgya 24:1

Kalɔ ku kana ala ani nkya-nya kemmo ƒui ni, adi Unwoti adi. Na kalɔ lɛlɔ bekyuli ƒui badi anwu badi.

Kɔgya 68:29

Na édie-nwu keyi ásiku ƒula kakpakɔ kedee, kesii kani na baga beeti etela teeboku-ɔ.

Kɔgya 72:10

Tarsis ɔga ku ntuntɛ kɔlɔ baga ƒui bataaƒɔ lɛlɔ bɔdi kayu teete ƒula ɔga. Na Sieba ku Seba baga lɛnɔ beti etela beboku ɔga ɔmmɔ.

Yesaia 18:7

Na uwi ɔmmɔ kemmo ni, bekyuli bani nákuku ku ɔlɔna suɛlɛ suɛlɛ mɛni, na bana lɛlɔ libo liƒu úsie ɔgyu ɔ́mana mmɔ, na bana kɔnyi ku kalala kani na baabla bekyuli ɔsu, na ntukpa búle-ma kalɔ kemmo bɔ́vi ƒui, badubuti etela beboku Unwoti Ɔyikune Ƒui. Na etela ammɔ adubuse Sion Kɔbi lɛlɔ kesii kani na baakpá Unwoti Ɔyikune Ƒui.

Yesaia 21:10

O amii, mina bekyuli, bésusu-mii aani kalɛ na beewiile edula ebi teewi kakpa, na mɔɔsu-mii lɛla lɛni na Unwoti Ɔyikune Ƒui, Israel Katɔti, ɔ́su-mi ɔnii mbasu-mii.

Yesaia 23:18

Nsu na kawɔlɔkɔ ni, kɔsia kɔni na Tiro kadi bekyuli bamɛni bákɛ na bana kuye bɔdi kemmo ni, belému-nya belése lɛlɔ kani. Mmomu badubudie-ku bese sɛsɛɛ bete Unwoti na beti babla kabla na beye adala ku adila abuni bete bekyuli bani mɔɔbla Katɔti kabla.

Yesaia 5:28

Bana atula inye bubo ɔbi yayaaya, na báni bana kɔtaminta benye bete kekpo. Na bana bapɔnkɔ lɛgbanvuo libo ɔkplu litulo abuala na bana kɛɛkɛ kagba kuunwíni teetulo ɔƒɛƒɛɛ ɔni mɔɔkya ligede.

Yeremia 51:20

Unwoti ɔnini, “Babilon, awɔ na lɛ́da aani lɛbuala lɛni na muubó ala, na awɔ na líti ńtaawɔ kadi ƒui bekyuli na lɛ́bwɛ lɛga kɔdikɔ.

Yeremia 51:33

“Ami ndi Unwoti Ɔyikune Ƒui, Israel Katɔti, na ami muusé kenye kamɛni nnii uwi ɔsɔ uletu asa na badubutu Babilon babwɛ bewi kalɔ kpɛtɛ kpɛtɛ na mmɔ kabla tataata aani kakpa kesii kani na beewiile kamu teewi.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Hosea 10:11

“Uwi ɔdi kemmo ni, na nka Israelƒuɔ bese aani ɔmantɛ akɔ ɔkɔdi ɔni nse buɛɛ na uunú kalɔ taabla mina kabla kpɛtɛ kpɛtɛ. Nsu ɔƒɛni amu ndubo anwu ku Yudaƒuɔ ƒui amɔ bunyimi bɔda anwami bonwu lɛlɔ na bataabla kabla kpakplaa.

Mika 5:7

Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Habakuk 3:12

Na ánya kadi bekyuli ƒui ábwɛ ávi na kɔnyi kemmo

Sakaria 12:3

Nsu ndubo Yerusalem bɔbla na unwini lɛtabi bonwu lɛni na ukyuli biala makali ɔnii ɔɔgyú-ni ni, lɛdubɔyu-nwu na ukpi.

Sakaria 12:6

“Na uwi ɔmmɔ ni, ndubɔya na Yuda adua ammɔ enwini aani ogya agyabi bonwu bonwu na egyuku livongu kemmo, iye ogya ɔni mɔɔkya keti litili bonwu lɛdi kemmo. Na ndubɔya na bakya kadi bamba bekyuli bani náka bámana-ma ƒui ogya. Na bekyuli basɔ baƒɔ Yerusalem ɔma pii geen.

Sakaria 4:14

Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”

Sakaria 6:5

Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Lɛkpa Ulu 33:25

Na beti abuala ani mbo ɔkplu geen bagyumana bina lɛma kɔyakun. Na ɔyikun ɔkya bina bekyuli akɔ.

Yosua 6:19

Na sika ugyiedi iye ɔƒualadi ku ala ani ƒui béti abuala udu ɔdi bábla énwini Unwoti adi. Na si ɔdi ɔ́nu adi ni, uti ubakya Unwoti kavumi kemmo.”