Mika 3:9 - Katɔti Ɔku Kedee

⁹ Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Mika 3:9 ပူးပေါင်းရင်းမြစ်များ

Nehemia 13:17

Amu na lɛ́dɔnku Yudaƒuɔ benengu bammɔ. Na lɛ́su-ma nnii, “Bi likyulikpi ala benye baabla mɛni? Na bɛɛyá na lɛnwunameyi lɛmɛni lɛɛlɛ́ ɔbu?

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Agba 17:15

Unwoti ulayɔ bekyuli bani mɔɔyá na baanyonu bekyuli bani litemi neeebo ubo na baadú bekyuli babuni kɔtɔ.

Agba 17:23

Bekyuli bekpidi baabɛ́ taaƒɔ ala bekyuli kudɔ kalɛ na batu litemi benwini.

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Agba 21:7

Ka belikplune balayɔ ka babla ala ulu lɛlɔ ɔsu ni, bana likyulikpi ala adubo-ma buyu bɔtu na ayila-ma udu.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Esekiel 44:23

“Ɔdi ka bakpane bammɔ batina bekyuli kavumana kani nkya ala ani nse kedee ku ala keeke ntɛ. Na batina-ma ala ani nse sɛɛn ku ani neeese sɛɛn ntɛ.

Hosea 5:1

“Amii bakpane binu! Amii bani ndi Israel kadi bekyuli ƒui bibimi atu na binu! Amii bani na bɛ́si ɔga kesii! Ami mɔɔtɛ litemi lɛmɛni lɛdu kɔtɔ. Bínwini kakpagyuɛ bíte Mispa ɔma bekyuli na lɛni kani na bise na Tabor Kɔbi lili.

Lewiƒuɔ Ɔda Bubo 26:15

iye bíni mina ɔda bubo na biikisi mina bunyimi na bɛ́ta bínye-mu lɛlɔ na bínwini kama bɛ́kya-mu ni,

Amos 5:7

Amii bani mɔɔtu litemi geen teenwini na biiƒú ala taakya na bilábla ala ulu lɛlɔ siin ni, amii ɔdi ɔ́sa.

Mika 1:1

Unwoti ɔ́su Mika Moresetni kenye kadi, na ala amɛni adanku Samaria ku Yerusalem lɛma linengudi lɛmmɔ na uwi ɔni na Yuda baga Yotam ku Ahas ku Hesekia bélie bádi lɛga ɔdi biala ku nwuna uwi kemmo.

Mika 3:1

Binu amii Israelƒuɔ batɔnkune! Ɔlɛka bɛti likpidi ku lɛbuni kavumana.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’