Mika 3:8 - Katɔti Ɔku Kedee

⁸ Nsu ami ni, Katɔti Kɔyu kɔ́ƒɔ-mi lɛlɔ kemmo ƒui na úte-mi ɔyikun ka lɛtɛmi lɛsiku litemi geen lɛlɔ bɔdi ulu lɛlɔ siin. Na lidie lɛtina amii Israelƒuɔ kalɛ na bina ekpidi ese.

Mika 3:8 ပူးပေါင်းရင်းမြစ်များ

Hiob 32:18

Etemila emomo-mi kenye na lɛsu, na Katɔti Kɔyu néti ala amɛni ɔ́kya-mi kenye. Na unye-mi lɛlɔ uudí-mi ka lɛsu-nya lɛlɛku.

Yesaia 58:1

“Kɔ litemi lɛmmɔ lɛsa na tebile kenye tasɔ telie. Na asu mina kadi bekyuli Israelƒuɔ bana ekpidi ku kalɛ na báta bénye-mi lɛlɔ.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 61:2

Lɛkwa lɛmɛni na Unwoti Katɔti úse ka wabla-bu lɛƒɔndia, na ɔni bula bekisine kɔtu, na lɛsia bani muuwulo kɔnyana kɔnu.

Yeremia 1:18

Ɔmwi ni, lɛ́gyi ɔban lɛ́kya-a aani ɔma unengudi kagyumanakɔ kpakplaa. Na lɛ́bla-a aani lɛbuala lɛkpa ku abuala egyiedi kowodu kalɛ na enye asiaku Yudaƒuɔ ku bana baga ku batɔnkune ku bakpane ku bekyuli bammɔ ƒui.

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Yeremia 6:11

Ƒula kɔnyi kɔni na ákɛku Yudaƒuɔ ɔ́ya na mina lɛlɔ kemmo kaada aani ogya, na nsɔ naaakana ɔkplu bɔkya, na ɔmmɔ ɔsɔ ɔkya-mi lɛlɔ kemmo lɛni.” Unwoti ɔnini, “Tetile-mi kɔnyi ulu! Ya na kubo bekyuli ƒui lɛlɔ, banamu bani nli kaƒiakɔ ku benengu ku bakɔdi ƒui lɛlɔ.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Esekiel 16:2

“Esekiel, ɔyawine ubi, nyimene Yerusalemƒuɔ bana ekpidi ani na baabla na eesé-mi lɛlɔ mmɔ.

Esekiel 20:4

“Esekiel, énu kalɔ ka esie atálɛ-ma kpakplaa? Amu ya na benyimo bana bati kukuuku ekpidi ani na bábla na eesé-mi lɛlɔ mmɔ.

Esekiel 22:2

“Esekiel, ɔyawine ubi, enye kagyumana ka esie atádu Yerusalemƒuɔ kɔtɔ? Bekyuli badune sɔɔn néyi ɔma ɔmmɔ kemmo, anwuɔsu tényimene-ma bana likyulikpi ala ani na baabla

Esekiel 23:36

Unwoti ɔnini, “Esekiel, ɔyawine ubi, uwi údu ka aya na Ohola ku Oholiba bati ka báƒiɔ na enyimene-ma bana ngba bukpidi bɔni na belie!

Esekiel 3:14

Ɔmmɔ kama Kɔyu kɔmmɔ kúti-mi kɔ́tɔlɔku. Na Unwoti ɔyikun ɔ́ƒɔ-mi lɛlɔ kemmo ƒui na líti kɔnyi na livo lɛnɔ liiƒí-mi geen.

Esekiel 43:10

Ɔlɛka kɔƒa kukpo Israelƒuɔ na bebo abi na bana ekpidi ani na bábla ɔsu. Anwuɔsu tɛmiku-ma siku mina kakpakɔ lɛlɔ.

Mateo 7:29

Kalɛ na ɔ́tina ala uuuse aani ɔda bubo ala batinane bani na bɔtɛya na bátɛya-nya kalɛ. Mmomu ɔ́tina ala ku ɔyikun aani ukyuli ɔni ndanku litemi lɛmmɔ úboku kalɛ.

Korintoƒuɔ 1 2:4

Na bɛdubɔnu ka mina ala ani na lɛ́tina ƒui ni, eeese aani ukyuli ɔni na kenye káda-nwu na úbo lɛnunda. Mmomu mina etemila bɔsu búdie bɔ́tina geen kalɛ na Katɔti Kɔyu ɔyikun use.