Mika 3:7 - Katɔti Ɔku Kedee

⁷ Amii kenye bediene ku like bebone ƒui ni, kɔƒa kɔdubo-mii bukpo na bɛsɔ bɛɛɛdubo kenye kadi bunu bɔsiku-mi kudɔ.”

Mika 3:7 ပူးပေါင်းရင်းမြစ်များ

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Israelƒuɔ Bɔlɛ 9:11

Ƒarao bevone básɔ bátakana na benye Mose anumi na eƒula ani náƒɔ-ma lɛlɔ mmɔ ku Egyipteƒuɔ bakladi ƒui lɛlɔ ɔsu.

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Esekiel 24:17

Wulo kɔnyana na ƒula kayi kemmo kani na tabla tatina na bekyuli banu ɔmɛni bati na ƒula anumi lɛlɔ ka eewulo kɔnyana kɔdi. Tada ƒula lɛduni lɛni mma-a lili tamana iye edie ƒula lɛgbanvuo lɛni na akya na akɛ lɛgbakplu. Na teti lɛla lɛni lɛnɔ tebi ƒula anumi atina ka lɛla lɛdi lɛɛbla-a. Na tadi adila ani na kɔnyana bewulone lɛnɔ baadi aani kalɛ na ɔtɛ use na bekyuli baabla.”

Esekiel 24:22

Na mmɔ ni, bɛdubo lɛla lɛni na bɛ́nu ka mɔɔbla mɛni bɔbla amii lɛnɔ. Na bɛɛɛdubo lɛla lɛdi buti bubi bina anumi na bini na biladi adila ani na kɔnyana bewulone baadi lɛnɔ bɔdi.

Lewiƒuɔ Ɔda Bubo 13:45

“Na ukyuli ɔni na ɔlɛ ɔmmɔ udu ɔda ni, ɔlɛka ɔda adala ani nábwɛ na ulegyeli nwuna kuli linwini na uti lɛla lɛdi ubi nwuna anumi na utaava momoomo taasu ɔnini, ‘Lɛ́sɔ o-o, lɛ́sɔ na liiise sɛɛn!’

Amos 8:11

Unwoti ɔnini, “Emeyi adubo ani na kɔka kpakplaa geen kɔdubo na kalɔ kammɔ lɛlɔ ƒui. Nsu ɔɔɔdi adila iye ntu kɔka. Mmomu mina litemi bunu kɔka, ɔsika bɛdubɔwia kpakplaa ka binu kenye kadi bɛsiku-mi kudɔ, nsu bilénu lɛla lɛdi.

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Mika 7:16

Kadi bamba bekyuli badubo ɔmɛni bɔnu na beti enu bebi kenye na betile bana atuƒi ku kɔƒa geen, ɔsika bana bekpone badi balakana lɛla lɛni udu na lise lɛni bɔbla.”

Sakaria 13:4

“Na kɔƒa kɔdubukpo kenye bediene bammɔ na bana ɔkɔ kɔyu kemmo ala ani na ama alati banii baanu ɔsu, na basɔ balakya bana adala na batɔlɔ ka badi kenye bediene badi.

Samuel 1 14:37

Ɔmmɔ ɔsu Saul úye Katɔti ɔnini, “Nkpoku Ƒilistiƒuɔ bamɛni na lɛbɔku-ma? Na adubɔya na bɔdi-ma lɛlɔ?” Nsu Katɔti útakpete Saul limeyi lɛmmɔ.

Samuel 1 28:15

Amu na Samuel úye-ma ɔnini, “Bi ɔsu na biléte-mi bɔtɛ kpoo na bɛɛkpali-mi lɛni?” Mmɔ na Saul ɔnini, “Ala eekpóku-mi geen ɔni na ɔɔɔdia. Ƒilistiƒuɔ báta banii bebekpoku-mi, nsu Unwoti únwini kama ɔ́kya-mi ɔni na ɔsɔ ulakpete-mi ɔkɛnku nwuna Kenye Udiene ɔdi lɛlɔ iye ina kɔna bugye kemmo muedi. Anwuɔsu na lɛ́kɔ-ɔ lɛlɔ na atina-mi kalɛ na lɛbla.”

Samuel 1 28:6

Anwuɔsu úye Unwoti lɛla lɛni na ɔlɛka ɔbla, nsu Unwoti útakpete-nwu na udie lɛla lɛdi ɔtina-nwu na kɔna kemmo iye ɔsia ɔkpane ɔdi lɛlɔ iye kenye udiene ɔdi lɛlɔ na ɔsu-nwu lɛla lɛdi.

Samuel 1 9:9

Na kuuku uwi na Israel ni, si ukyuli ɔdi ɔ́su-ɔ ɔnii ya bisie bitéye lɛla lɛdi binu na Katɔti kudɔ ni, bɔsu na ɔɔsu ɔnii ya na bisie ukyuli ɔni mɔɔnu ala taasu kudɔ. Na bekyuli bammɔ bɔɔlɔ Katɔti kenye bediene ɔmwi limeyi.