Mika 3:5 - Katɔti Ɔku Kedee

⁵ “Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Mika 3:5 ပူးပေါင်းရင်းမြစ်များ

Agba 28:21

Bekyuli anumi bɔnu taatu ala teenwini ɔɔɔdia munu munu. Nsu badi baaadaku-ni ka baƒɔ bodobodo kakɛ blii suɛ na batuna babla likpidi.

Yesaia 3:12

Bekyuli bani ablala nse aani banamu mɔɔnya mina bekyuli taakya, na beleku baadi-ma lɛlɔ. O mina kadi bekyuli, bina batɔnkune bákpanku-mii bésela batáyila. Bákpanku-mii bálɛku ulu geen ɔmmɔ lɛlɔ.

Yeremia 23:27

Baasu lɛlɔ ana ani na bégye na baada bekyuli kasusu teedie-mi lɛlɔ kalɛ na beni-mi aani kalɛ kani na bana bati kuuku béni-mi na bésie baakpá Baal baƒiɔ.

Yeremia 6:14

Na kayi kekpludi kani na beesé mina bekyuli bani muunú ɔlɛ geen ka keyi kadubɔyɔku-ma.

Yeremia 6:4

“Na baga bammɔ badubɔsu bana bekpone banini, ‘Si búduo Yerusalem ɔtanta ni, na ɔƒiiwi na bɔdubo-ma bukpo. Na si bɔ́kpɛ kama asa na bútéduo ni,

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Esekiel 13:9

Ndubɔta linye-ma lɛlɔ na nsɔ lɛɛɛdubo bɔya na babla mina bekyuli lɛnɔ. Na basɔ baaadubo lɛnyi bɔdi muedi banii Israelƒuɔ lɛnɔ iye bakya kalɔ kammɔ lɛlɔ muedi. Na badubɔnu bati ka ami ndi Unwoti Katɔti.

Hosea 4:5

Na amii ku kenye bediene bammɔ ƒui bɛdubo butaabla gyuma gyuma usien ku ɔƒɛ. Na ndubo bina beni udu bɔyila.

Yoel 3:9

Bɛkɔ ɔmɛni lɛsa bite kadi bekyuli ƒui. Na bɛklibi lɛlɔ bite kekpo! Bitiku bekpone benengudi bammɔ na bebo bebékpo na benye basiaku-mi!

Mika 2:11

Kenye Udiene ɔni kani na bɛɛwia ndi ɔkɔ ɔnyine ɔni masu-mii ɔnii bɛdi na bɛni ntɛ bikpi!

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Malakai 2:8

Nsu bínwini kama bɛ́kya-mi. Na bina ala ani bɛɛtina mmomu mɔɔkpanku bekyuli na beesié taatábla ala ekpidi. Na bíbile bunyimi bɔni na línyimiku bina ati kuuku Lewi.

Mateo 15:14

Anwuɔsu bitakpete-ma. Bese aani banumbwɛne bani mɔɔtɔnku banumbwɛne bamba. Na si ɔnumbwɛne ɔtɔnku nwuna ɔkpana ɔnumbwɛne ni, bana inyɔ ƒui badubɔnu beduo ubu kemmo.”

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.