Mika 3:2 - Katɔti Ɔku Kedee

² Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Mika 3:2 ပူးပေါင်းရင်းမြစ်များ

Baga 1 21:20

Amu na Ahab ɔ́su Elia ɔnini, “Bi? Bɔnu na awɔ mina ukisine ánu-mi?” Amu na Elia údie kenye ɔnini, “Lɛ́nu-ɔ, ɔsika éti lɛlɔ éye éte likpidi na Unwoti anumi.

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Kɔgya 53:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Yesaia 3:15

Unwoti Ɔyikune Ƒui ɔnini, “Ulu ɔmani udu na bɛ́kɛ, na bɛɛkɔ́ mina bekyuli bawabane kpɛtɛ kpɛtɛ lɛni binwini ɔtumu?”

Yesaia 5:20

Bɔbuɛ beete bekyuli bani mɔɔnu likpidi banii lɛbuni na lɛbuni banii likpidi lɛdi, ku bani mɔɔnu lɛla suu banii bukeye, na si bánu bukeye banii lise suu, ku bani mɔɔnu ɔdu banii emini na si bánu emini banii ɔdu na ɔdi.

Yesaia 57:12

Bɛɛkali ka bɛdaku lɛla lɛbuni lɛdi bɔbla taagya, nsu ndubo-mii keyi budie ku bina ablala na bɛnu bina kenyekɔ bɛti.

Esekiel 11:7

“Sɔsɔ na ɔdi ka ɔma unengudi ɔmɛni ɔdi libui, nsu bekyuli bani na bɛ́du ɔlɔna ndi lɛna lɛmmɔ. Anwuɔsu ndubo-mii lɛlɔ bunye na lɛbɔku-mii lɛlɛku Yerusalem.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Esekiel 24:4

Na biti baƒonu babuni ƒui ebuli ku anu bɛkya libui lɛmmɔ kemmo ubunku ekubi ani mbo lɛmwi na ese kpɛtɛ kpɛtɛ.

Esekiel 34:3

Bɛɛní bana anyi ntu na biiti bana linwini teedi adi teete lɛlɔ. Na bɛɛdú babuni bani nélie lɛmwi taakun, nsu bíni na bilanu baƒonu lisu lɛmmɔ lɛlɔ!

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Mika 2:8

Unwoti ɔnini, “Bɛ́da mina bekyuli aani bekisine kalɛ. Na bɛɛbla ala aani si bibo ɔyikun ka bɛbla lɛla biala. Na use aani ama bani nási kekpokɔ na bédie-ma adala ani na bakya ɔni na baaagyi beeese.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Yohane 18:40

Amu na bana ƒui báva básu banini, “Oowo! Ɔɔɔdi anwu, mmomu Baraba!” Na Baraba ɔmɛni ɔdi bekyuli ɔdune.

Yohane 7:7

Kayawi kalakana amii bukisi. Nsu keekisi ami, ɔsika muudie taasu kede kede ka bayawine ablala adi likpidi.

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Timoteo 2 3:3

Badi bekyuli bani na ukyuli bamba lɛlɔ lilakywi-ma kaƒɔ, ku bani naaanu kɔnyana. Badi bekyuli bani mɔɔnyi ɔkɔ taada litemi taasia bekyuli lɛlɔ, ku bekyuli bani mbo kalala. Na bana anumi eeese buɛɛ. Na badi bekyuli bani nkisi lɛla lɛbuni.