Mika 3:12 - Katɔti Ɔku Kedee

¹² Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Mika 3:12 ပူးပေါင်းရင်းမြစ်များ

Kɔgya 107:34

Na ɔɔbla kalɔ kani mɔɔdia adila lɛnɔ na keenwíni kalɔ kagyani kani mbo mma na kaládia edula. Ɔsika kalɔ kammɔ bekyuli badi bekyuli bekpidi.

Kɔgya 79:1

O Katɔti, kadi bamba bekyuli bébo bébeduo ƒula kalɔ kemmo. Na bébile ƒula kakpakɔ kedee kammɔ ekisila na bábwɛ Yerusalem ɔma.

Yesaia 32:14

Baga kesii kadubɔƒɔ lɛlɔ kese ukpludi na ɔma ɔni kemmo na nka bekyuli báƒɔ-nwu kemmo tɛtɛɛtɛ dii ɔdubɔsa ɔbla ukpludi. Na bekpone kɔgyumakɔ kpakplaa ku lɛma kɔgyumanakɔ ƒui kɔdubunwini alakpi akɔ bebuo kaƒiakɔ na kunwini baƒonu kadikɔ.

Yeremia 17:3

Anwuɔsu ndubo bina ala ani ƒui na bibo ku bina akpabi ammɔ ƒui bɔƒɔ bute bina bekisine.

Yeremia 22:5

Nsu si bíni na bɛnii bilénu-mi litemi bɔdi ni, na muusé-mii kenye ɔkɛnku mina lɛnyi lɛlɔ ka ndubɔya na babwɛ ɔma ɔmɛni kpɛtɛ kpɛtɛ bewi kalɔ.

Yeremia 22:6

“Binu kasusu kani na lɛ́bla. Yuda ɔga kesii kammɔ keekeye aani Gilead iye Lebanon abi kangya eli katɔ katɔ ƒui. Nsu mmɔ kadubo buwi aani ɔma ɔni na ukyuli ɔdi uuubo si uwi ɔni na lɛ́wɔlɔ lɛla lɛni na nnii mɔɔblaku-nwu.

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 35:17

Ami ndi bina Unwoti Katɔti Ɔyikune Ƒui, na mɔɔsu-mii kpakplaa ka si bítenu-mi litemi na binwini kayi ni, ɔgbankpi bonwu ɔdi ɔdubo-mii lɛlɔ. Na ka bíni-mi ɔsu ni, ɔgbankpi ɔmmɔ ɔdubo-mii buyu bɔtu. Ami Unwoti násu.”

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Yeremia 52:13

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Yeremia 9:10

“Muuwulo teete bebuo kadikɔ kani na kakya abi lɛlɔ. Likpo lɛmmɔ lɛ́kwii na livo lɛbuni lɛdi lɛsɔ liiibo mmɔ, ɔsika ɔƒɛ ɔ́kyula lɛla biala na belusiene muedi basɔ balásia mmɔ. Na Ɔmantɛ bebuo ku alakpi akɔ bebuo ku baasɛ ƒui báyii na badi basɔ beeebo mmɔ.”

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 5:18

Bula ɔma ɔ́bwɛ na lɛku kemmo begidi sɔɔn náƒɔ-nwu kemmo beli.

Mika 1:6

Anwuɔsu na Unwoti ɔdubunye ɔnu na Samaria ɔyii udu na lɛla biala libie lɛbla aani kebu alakpi. Na ɔdubɔta ɔbla aani kesii kani na bálɛ adingyii. Na ɔdubugyingya nwuna lɛtɔ atabi ƒui na ɔgbala-nya utákya ɔkwalɛ na ugyingya awodu ammɔ ɔka ɔni nkya kalɔ kemmo ƒui.

Mateo 24:2

Na ɔ́su-ma ɔnini, “Bɛsia-ni anumi kaduɛ. Ɔsika mɔɔsu-mii nnii badubɔƒɛ lɛtɔ lɛmɛni ƒui, ɔni na lɛtabi lɛdi lilébu lilasia lɛkpanadi lɛlɔ muedi. Badubugyingya ana ƒui bewi kalɔ.”