Mika 3:11 - Katɔti Ɔku Kedee

¹¹ Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 3:11 ပူးပေါင်းရင်းမြစ်များ

Agba 17:23

Bekyuli bekpidi baabɛ́ taaƒɔ ala bekyuli kudɔ kalɛ na batu litemi benwini.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 48:2

Bɛnii Yerusalem ndi bina ɔma na bina anu ƒui asia ami Unwoti Ɔyikune Ƒui, Israel Katɔti, lɛlɔ.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 23:17

Kenye bediene bamɛni beesié batuɔkplune bani néni banii balabla-mi kabla na benye baabla ala ani na baayɔ́ kudɔ. Na beesié taatásu-ma banini, ‘Unwoti ɔ́su úse ka lɛla biala lɛdubo bɔtɛ ɔsu lɛla lɛdi liiibo.’

Yeremia 26:7

Kenye bediene ku bakpane ku bekyuli bani ƒui nkya kakpakɔ mmɔ bénu lɛla lɛni na lɛ́su.

Yeremia 5:12

“Bana kenye bediene baanyi ɔkɔ taasu banini, ‘Unwoti ɔɔɔdubo-bu kɔtu bɔni. Na bɔdubo bulie na atu bɔyɔ kemmo na bulayaki adila lɛnɔ.’

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 7:4

Bitese lɛlɔ lisusu! Ina ka Yerusalem mɛni na mina ɔtɔ unye ni, ɔɔɔdi ɔmmɔ ɔsu na bitaakali bɛnii ndubo-mii bɔgyumana.

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Esekiel 34:2

“Esekiel, ɔyawine ubi, Israel batɔnkune bese aani baƒonu badane bani mɔɔnu mina baƒonu bani ndi Israel kadi bekyuli lɛlɔ. Nsu mɔɔwia ka lɛdu bɔtɔnkune bamɛni kɔtɔ na lɛsu-ma nnini, ‘Ami Unwoti Katɔti mɔɔsu amii Israel baƒonu badane nnii bɛdubo udu bɔyii na amii ɔdi ɔsa! Bɛɛnu amii alati lɛlɔ na bíni mina baƒonu lɛlɔ bɔnu.

Hosea 4:18

Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Hosea 4:8

Na likpidi lili buvele akpala ani na mina bekyuli baabla lɛlɔ na amii bɛɛsia teenwini balakɛne, anwuɔsu na bɛɛkya-ma ogya ka bataabla-nya teebu.

Amos 5:14

Nsu si ngba na bɛɛwia bilie bɔdi ni, ɔlɛka bɛda likpidi bɔbla bɛya na bise kalɔ bitaabla lɛbuni. Mmɔ asa na ami Unwoti Katɔti Ɔyikune Ƒui ndubɔkana na lilieku-mii aani kalɛ na amii alati bɛɛsu.

Amos 9:10

Bina badi bɛdi bekyuli bekpidi geen, na bɛɛsu bɛnii, ‘Ɔgbankpi ɔdi ɔɔɔdubo-bu bɔsiaku.’ Nsu bina ƒui bɛdubo bukpi na kuwii kenye.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Seƒania 3:4

Kenye bediene bani nkya Yerusalem baakɔliku lɛlɔ katɔ na baaadi bekyuli bani lɛlɔ na beti anu basia. Bana bakpane lɛnɔ béwi kakpakɔ kammɔ anumi kalɔ na bébile Katɔti Ɔda bubo bɔmmɔ.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Malakai 2:9

Anwuɔsu na lɛ́ya na ukyuli biala uukisi-mii na béni-mii. Ɔsika bítenu-mi litemi na bɛɛnu bekyuli anumi taatɛ etemila.”

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Bumomo Bɔka 22:7

Amu na Moabƒuɔ ku Midianƒuɔ batɔnkune báyu ulu na béti egulabi ani baaƒɔ asa na beebó like bada. Na ka beteduo Bileam kudɔ ni, básu-nwu lɛla lɛni Balak ɔ́su-ma.

Mateo 3:9

Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Tito 1:11

Ɔdi ka enye etile bana ala ammɔ udu bɔtina lɛlɔ, ɔsika ala ammɔ mɔɔyá na kɔduli bekyuli ƒui beeƒú bana bɔƒɔtaadi. Na ala batinane bammɔ lɛkɛ likpidi lɛni baawia ɔsu na baatina ala ekpidi amɛni.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.