Mika 2:6 - Katɔti Ɔku Kedee

⁶ Na si mɔɔsu-mii lɛla lɛdi ni, bɛsɔ bitasu bɛnii lɛsa na mɔɔkɔ́ teewi-mii ndubɔya na kɔƒa kukpo-mii. Bitasu bɛnii Katɔti uláya na kɔƒa kukpo-mii.

Mika 2:6 ပူးပေါင်းရင်းမြစ်များ

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Yesaia 30:10

Amii mɔɔsu Katɔti kenye bediene ku nwuna batalane bɛnii, “Bitakɔ litemi buni lɛdi lɛsa bitete-bu, na bitasu-bu kenye kabuni kadi kani na Unwoti úbo-mii ɔda ɔnii bɛsu-bu lɛnɔ. Mmomu bɛsu-bu bula kayi lɛyɔla ku ala abuni ani ana na buugyé.

Esekiel 20:46

“Esekiel, ɔyawine ubi, nwini anumi tina kada kakɛ na ete aku ani nwi mmɔ bɔti kpakplaa

Esekiel 21:2

“Esekiel, ɔyawine ubi, tɛmiku Israelƒuɔ ƒui kpakplaa na adu-ma kukpi kɔtɔ ka ekpo ani ƒui na bekyuli baakpá na Yerusalem kátamanku.

Esekiel 3:26

Na ndubo bɔya na alakana bɔtɛmi iye alɛ bekyuli bani náta benye-mi lɛlɔ mmɔ.

Amos 2:12

Nsu bítile kenye bediene bammɔ kuƒi ka batasu mina kenye. Na bínye Nasareƒuɔ bammɔ lɛlɔ ka bataani ntɛ bɔni na lítile-ma kuƒi ka batani.

Amos 7:13

Sɔ tasu ƒula kenye kadi na mɛni, ɔsika mɛni kadi kakpakɔ ute ɔga ku nwuna lɛga kadikɔ bekyuli bammɔ ƒui.”

Amos 7:16

“Na ɔƒaani ni, nu lɛla lɛni na Unwoti ɔɔsu ina ka awɔ eebó-mi ɔda anii nda kenye budi nya na lɛda Unwoti litemi bɔsu taadɔnku Israelƒuɔ lɛya.

Mika 3:6

Ɔƒɛ ɔdubo-mii bɔsa bɔkya na bɛsɔ bilanu bukeye iye binu kenye kadi bɛsiku-mi kudɔ lɛnɔ.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Batalane Kabla 4:17

Mmomu bɛya bubo-ma ɔda na bada litemi lɛmɛni bugyingya baya kalɛ na basɔ balasu ukyuli ɔdi litemi lɛdi na Yesu lɛnyi kemmo.”

Batalane Kabla 5:28

ɔkpane unengudi úye-ma ɔnini, “Bútasu-mii bɔnii bɛsɔ bitasu litemi lɛdi bitasiku Yesu ɔmɛni lɛlɔ iye? Nsu bíigyingya etemila amɛni bíyile Yerusalem ƒui. Na bɛɛwia ka biti nwuna kukpi kɔtu bɔni bɛsia-bu lɛlɔ!”

Batalane Kabla 5:40

Na kasalakɔ bekyuli bammɔ báƒɔ Gamaliel litemi lɛmɛni. Anwuɔsu ni, bálɔ batalane bamɛni béboku bana akɔ, na bébo-ma. Na básu-ma banii basɔ batasu litemi biala batasiku Yesu lɛlɔ kudii. Amu na bányonu-ma.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.