Mika 2:3 - Katɔti Ɔku Kedee

³ Nsu Unwoti ɔ́lɛ ugyii ka ɔbla lɛla lɛdi, na ɔ́su ɔnini, “Lɛ́klibi ɔgbankpi líse-mii. Na ɔbuli ɔdubo-mii amɔ bɔda, na bɔdi kɔƒa ɔgbankpi uwi ɔmɛni kemmo.

Mika 2:3 ပူးပေါင်းရင်းမြစ်များ

Yesaia 29:20

Na balalane ku belikplune ƒui badubo udu bɔyii. Na bani mɔɔsa lili likpidi na lɛsɛ ala bɔbla lɛlɔ badubo bɔyii kɔnakunwi.

Yesaia 3:16

Unwoti ɔnini, “Yerusalem beleku balábu. Bákpa bana amɔ bakɛ beesé anumi teete banana, na bana enwu eti kayaa, na ala ani nda-ma akɔnkɔ ku anikpo aabla kɔku na beebó lɛlɔ kudu. Katɔti ɔdubɔni-ma kɔtu.

Yesaia 5:19

Amii bani mɔɔpii Israel Unwoti Kedee bɛnini, “Babla na abla lɛla lɛdi bɔnu! Bo lɛlɔ na atina-bu lɛla lɛni na adubɔkana bɔbla.”

Yeremia 18:11

Anwuɔsu na mɔɔsu amii Yudaƒuɔ ku Yerusalemƒuɔ nnii binu-mi lɛdi! Lɛ́ɛbla kasusu ka lɛya na ɔgbankpi ɔdi ɔsiaku-mii momoomo na nsɔ lɛɛɛdubo mina kasusu bunwini amu ntu bínwini bina kasusu na bíse kalɔ bɛɛbla ala abuni.

Yeremia 27:12

Kama ɔni na lɛ́tɛmiku benengu bani nási amadɔ mmɔ lɛ́wɔlɔ ni, lɛ́tɔlɔ lísie Ɔga Sedekaia kudɔ na ńtásɔku lɛla lɛmmɔ kani lɛ́su-nwu anwu lɛnɔ nnini, “Sedekaia, si awɔ ku Yudaƒuɔ ƒui bɛɛwia ka bilie ngba ni, binu Ɔga Nebukadnesar ku Babilonƒuɔ litemi.

Yeremia 34:17

“Ka bítete bina kabla bablane bɔnwuna ɔsu ni, bítadi mina litemi lɛlɔ. Anwuɔsu ami ndubute-mii bɔnwuna ƒaa na bɛƒuna ka bikpi na kekpokɔ iye ɔlɛ ukpidi ubo-mii iye kɔka kɔdu-mii. Na ndubɔya na binwini lɛla lɛni muusé lɛlɔ na kadi bekyuli ƒui anumi na kalɔ lɛlɔ mɛni.

Yeremia 36:23

Nsu uwi biala na Yehudi ɔ́wɔlɔ bɔka likuku lɛdi ɔ́wɔlɔ ni, na ɔga ɔsu-nwu ɔnii uti nwuna kewii blii kani na ɔda na ukulo mmɔ udie na uti ubo ɔkya ogya kemmo. Na Elnatan ku Delaia ku Gemaria bévele ɔga banii ɔda kakunkɛ kammɔ bɔkyula lɛni ɔya, nsu útaƒɔ-ma kasusu kani na baakya-nwu mmɔ. Anwuɔsu kawɔlɔkɔ ni, kakunkɛ kammɔ lɛla lɛdi lɛ́sɔ lítebu na ukyuli ɔnu.

Yeremia 43:2

Nsu Hosaia ubidi Asaria ku Karea ubidi Yohanan ku batuɔkplune bamba básu-mi banini, “Ɔkɔ na aanyi! Unwoti ɔdi útasu-ɔ ɔnii su-bu anii butesie Egyipte.

Yeremia 8:3

“Amii Yudaƒuɔ kadi bekyuli badi bɛdubo bubu bulie ngba, nsu ndubunye-mii lɛlɔ na beƒie-mii besienku baƒɔ kalɔ lɛlɔ. Na ami Unwoti Ɔyikune Ƒui násu kenye kamɛni.”

Kɔnyana Buwulo 1:14

“Ébo mina ekpidi áda-mi ɔkwɛ, na aayu-mi unu, na mina ɔyikun ɔ́sa. Áya na mina bekisine bákɛ ɔyikun na mina lɛlɔ, na bákɔ-mi básɔ ɔni na bebo ɔyikun bétulo-mi.

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Kɔnyana Buwulo 5:5

Na baabla-bu kalala taasia kama ɔni na bula ɔyikun ɔ́sa, na buuubo bɔnwuna bɔdi.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Amos 2:14

Ina dɛ na bina lɛgba lɛɛta ni, bilakana bukeli. Na ina dɛ na bibo ɔlɔkplu ni, ndubutile-mii ala na libile-mii ɔlɔkplu ɔmmɔ na bikpi muedi, na ina dɛ na adi ukpone ni, alakana lɛlɔ budie.

Amos 3:1

“Israelƒuɔ, ami nékpo na lɛ́ƒɔ-mii lɛ́siku Egyipteƒuɔ enu kemmo. Nsu bise atu na binu bɔdɔnku bɔni na mɔɔdɔnku-mii.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Amos 5:13

Likpidi líse lɛ́ƒɔ uwi ɔmmɔ geen ɔni na ukyuli ɔni na ubo lɛbuni bɔbla kasusu dɛ muedi ɔlɛka ubile kenye na ɔsɔ ulie kpoo.

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Romaƒuɔ 16:4

Bénye kagyumana ka bekpi na mina lili muedi. Na ɔɔɔdi ami lɛti mɔɔgyá-ma enu, mmomu ku bekyuli bani naaadi Yudaƒuɔ baƒɔtaadine akpa ammɔ ƒui.

Eƒesoƒuɔ 5:16

Bɛda bina lɛlɔ kaduɛ, ɔsika likyulikpi ala bɔbla bɔ́ƒɔ uwi ɔni kemmo bɔkya mɛni.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.