Mika 2:2 - Katɔti Ɔku Kedee

² Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Mika 2:2 ပူးပေါင်းရင်းမြစ်များ

Baga 1 21:1

Uwi ɔdi kama ni, ɔnana ɔdi baalɔ-nwu banii Nabot na ɔ́si Yesreel ubo kevoma kemo kadi. Na kemo kamɛni kede Ɔga Ahab kaduli na Yesreel mmɔ.

Baga 2 9:26

‘Kaama ni, lɛ́nu ukyuli ɔni nádu Nabot ku nwuna bebi ubugya. Na lɛ́su líse ka ndubɔni-ma kɔtu na kalɔ kamɛni kani lɛlɔ.’ ” Ɔmmɔ ɔsu Yehu ɔ́su nwuna kɛɛkɛ ɔkane ɔnini, “Gyu Yoram ukpine na etéƒwimi-nwu ava Nabot kalɔ lɛlɔ kalɛ na Unwoti litemi lɛni na ɔ́su úse mmɔ ubo-nwu kemmo.”

Hiob 31:38

“Na mina kalɔ kani lɛlɔ na mɔɔtuma ni, keléwulo taakya-mi ka buƒie na líƒie-ka lɛ́ƒɔ ukyuli ɔdi kudɔ.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Yeremia 22:17

Nsu awɔ ƒula kasusu kani ndi kalɛ na abla na anya bekyuli akya iye akɛ-ma lɛlɔ kɔsia kɔdi iye adu bekyuli bani na bátabla-a lɛla lɛdi.

Esekiel 18:12

Na ɔɔnya bawabane taakya, na uuyú bekyuli. Ɔƒɛni lɛnɔ ni, ala ani na bekyuli béti bése lɛlɔ kama béte-nwu ni, ulásɔku teete-ma. Na ɔɔkpá baƒiɔ, na ɔɔbla ala ani muusé lɛlɔ.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:13

“ ‘Ndubo mina ɔvu ɔni na líkene buƒwimi bɔkya kayaa bɔtina kalɛ na líti kɔnyi lɛ́kya bina kalala ala ani na bɛɛbla ɔsu.

Esekiel 33:26

Na kalala ala bɔbla bɔ́ƒɔ kalɔ kammɔ ƒui kemmo na bagya ku bele baalɛ́ lɛlɔ kama muedi. Nsu ɔmɛni ƒui kama biitú kɔnu kayi bɛnii kalɔ kammɔ kadi amii kadi!

Esekiel 45:9

Unwoti Katɔti ɔnini, “Amii Israel batɔnkune, bíiyu na bɛ́nya mina kadi bekyuli bɛ́kya uwi útu! Na mɔɔwia ka bɛda ekpidi bɔbla bɛya na bise kalɔ bitaabla ala siin taasiaku ulu lɛlɔ. Na ɔ́sɔ útalɛka binye mina bekyuli lɛlɔ na bɛbɔku-ma na bavi balɛ bana kalɔ lɛlɔ. Ami Unwoti násu.

Esekiel 46:18

“Ɔtɔnkune ɔdi utetile mina bekyuli bana kalɔ lɛlati bɔdi kuƒi na uƒie-ma kalɔ ɔƒɔ. Na kalɔ biala na ɔdubute ubidi ni, ɔti nwaa ka anwu ɔlati kadi na kadi ɔ́si kukuuku.”

Esekiel 8:17

Mmɔ na Katɔti ɔ́su-mi ɔnini, “Ɔdi likpidi geen ka Yuda kadi bekyuli benye baabla ala ani muuƒí livo mɛni udu. Na ɔɔɔdi amɛni lɛti mmomu etemila tatɛ ulu lɛlɔ ku kalala káaƒɔ Israel kalɔ kemodi kammɔ lɛlɔ ƒui kesi kesii na bákya-mi kɔnyi geen. Na ulu ukpidi ƒui ɔni lɛlɔ na badubɔsia na bakya-mi kɔƒa na bedumi-mi na ɔdi mɛni.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 8:4

Ɔ́sɔ ɔ́su lɛnɔ ɔnini, “Amii bani mɔɔkɔ́ taanya bekyuli bani mɔɔyaki ala lili na bɛɛyila bawabane udu na kalɔ kammɔ kemmo ni, binu.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Timoteo 1 6:10

Ɔsika sika lɛnungyie kemmo na ekpidi lidu lidu lɛɛkwɛ́ taasi. Ɔmɛni ɔsu na bekyuli badi báyila bɔƒɔtaadi ulu geen ɔmmɔ. Na bana ngba ƒui búduo lɛbibo kemmo.