Mika 2:1 - Katɔti Ɔku Kedee

¹ Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Mika 2:1 ပူးပေါင်းရင်းမြစ်များ

Ala Kalɔ Buse 31:29

Mbo ɔyikun ɔni na lɛbla-a kalala. Nsu kamaadi Unwoti Katɔti ɔni ndi ƒula ɔti Katɔti ɔ́su-mi na kɔna kemmo usientɛ ɔnini, ‘Nu lɛlɔ kemmo kaduɛ na alasu Yakob lɛla lɛdi. Likpidi o-o, lɛbuni o-o, tasu-nwu lɛla lɛdi.’

Baga 1 21:7

Amu na Isebel ɔ́su ɔgyani ɔnini, “Lɛni na ɔlɛka awɔ Israelƒuɔ ɔga abla ala avinku? Ta na adi na akɛ ebiti. Na ndubɔƒɔ Yesreelni Nabot kalɔ kammɔ lite-ɔ.”

Ester 3:8

Amu na Haman útásu Ɔga Ahasweros ɔnini, “Kadi bekyuli badi básala bakya ƒula kɔlɔ kɔni lɛlɔ na aadi bekyuli ƒui akɔ. Na bebo ɔdi ɔdi na baabla na ɔ́vumanaku bekyuli bakladi ƒui ɔdi, na baládi ƒula ɔda bubo lɛnɔ lɛlɔ. Na lɛla lɛmɛni lɛɛɛdububoku kɔsia biala na ƒula lɛga kadikɔ. Anwuɔsu ɔlɛka bɔyila-ma udu kalɛ na lɛga kadikɔ kammɔ kenye kaduɛ.

Ester 5:14

Haman ulekudi ku bakpana bákya-nwu kasusu banini, “Tu atabi akpa ku ɔta bonwu kangyaa ɔdi na ɔkuku lɛgba aavlanyɔ-inyɔ. Na kɔnaadi ɔtanta ni, na asu ɔga na bakya Mordekai ɔbuli limɔ baƒala mmɔ na ukpi. Nwuna kama asa na bisie kadikɔ kammɔ, na bitádi na bɛni na bɛkɛ ebiti.” Haman ɔ́ƒɔ litemi lɛmmɔ aani kasusu kabuni na béte-nwu. Anwuɔsu usi na ɔkɛ, na ɔ́ya na bátu akpa ku ɔta bonwu ɔmmɔ.

Ester 9:25

Nsu uwi ɔni na Yudaƒuɔ lɛlɔ kelisa kekpidi kamɛni litemi líbeduo Ɔga Ahasweros kɔtu kemmo ɔkɛnku Beleku Ɔga Ester lɛlɔ ni, ɔ́ya na bénweni ɔku bamba bébile Haman lɛla lɛni na únyimi kemmo, na likpidi lɛmmɔ línwini líbo Haman ku nwuna bebi lɛlɔ mmomu ɔni na bákya-ma ɔbuli limɔ anwu ku nwuna bebi na báƒala-ma.

Hiob 15:35

Ɔsika likpidi kasusu kani na beelie teeti, na likpidi lɛmmɔ kani na badubo bɔwɔ ka nina kaƒɔ na bada ɔsu.”

Hiob 24:14

Ɔƒɛ bɔnu kani na benye bagya, na badu bawabane ku bani ƒui mɔɔyaki ala. Na usien ɔmmɔ kani na beeyú ala lɛnɔ.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 36:5

Unwoti, ƒula bɔyɔ bɔni naaavumana kudii ku kalɛ na aadi ƒula litemi lɛlɔ ulu lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 58:3

Bekyuli bekpidi ni, likpidi kani na beelie taabla uwi biala. Na baanyi ɔkɔ lɛnɔ ɔ́si bana bɔwɔ uwi ƒui.

Agba 12:2

Lɛlɔ lɛɛyɔ́ Unwoti na bekyuli babuni lɛlɔ. Nsu ulátunaku balalane kɔkwɛ kukpidi kɔni na baakya.

Agba 14:22

Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.

Agba 3:27

Teni lɛbuni bɔbla bute ukyuli ɔni mɔɔwia-a kebunku si ánu ka ébo ɔyikun ɔmmɔ.

Agba 4:16

Ɔsika bekyuli bekpidi balátuna bɔtɛ talɛɛ útédu ka bábla likpidi. Likyulikpi bɔbla liiyú-ma lɛlɛlɛ wetédu ka bebile ukyuli ɔdi ngba.

Yesaia 29:20

Na balalane ku belikplune ƒui badubo udu bɔyii. Na bani mɔɔsa lili likpidi na lɛsɛ ala bɔbla lɛlɔ badubo bɔyii kɔnakunwi.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Yesaia 59:3

Bina ɔkɔ bɔnyi ku bekyuli bɔdu ku bekyuli lɛlɔ bɔta teenye ɔ́ya na bɛ́dɔli ku ekpidi ammɔ na Unwoti anumi.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Esekiel 11:2

Mmɔ na Unwoti ɔ́su-mi ɔnini, “Esekiel, ɔyawine ubi, bekyuli bamɛni bakya beeti kasusu kekpidi na baakya Yerusalemƒuɔ kasusu kekpidi kammɔ.

Esekiel 33:26

Na kalala ala bɔbla bɔ́ƒɔ kalɔ kammɔ ƒui kemmo na bagya ku bele baalɛ́ lɛlɔ kama muedi. Nsu ɔmɛni ƒui kama biitú kɔnu kayi bɛnii kalɔ kammɔ kadi amii kadi!

Esekiel 38:10

“ ‘Si limeyi lɛmmɔ lídu ni, ngyi ka bɛdubo kasusu kekpidi bɔbla

Esekiel 46:18

“Ɔtɔnkune ɔdi utetile mina bekyuli bana kalɔ lɛlati bɔdi kuƒi na uƒie-ma kalɔ ɔƒɔ. Na kalɔ biala na ɔdubute ubidi ni, ɔti nwaa ka anwu ɔlati kadi na kadi ɔ́si kukuuku.”

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Nahum 1:11

Asiria, bina batɔnkune akɔ unwi ɔ́ya na bása lili bábla kasusu kekpidi na Unwoti lɛlɔ.

Sakaria 7:10

Bɛsɔ bitabla bekpinele iye bekpinebi iye baƒɔ iye bawabane ulikplu. Na bɛsɔ bitelie bitataakya likpidi bɔbla kɔkwɛ na bina bakpana lɛlɔ ka bɛbla-ma kalala.

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Luka 20:19

Ɔda bubo ala batinane ku Katɔti bakpane benengu bákya ɔkplu banii beeƒie Yesu na mmɔ, ɔsika bánu báti ka bana lɛlɔ geen ɔsu na úbo lɛgba lɛmmɔ. Nsu baayia bekyuli bammɔ.

Yohane 19:11

Mmɔ ni, Yesu údie kenye ɔnini, “Nka alákɛ ɔyikun ɔdi na mina lɛlɔ si ɔɔɔdi Katɔti néte-ɔ kuƒi kɔmmɔ. Anwuɔsu ukyuli ɔni néti-mi ɔ́kya-a kɔnu kemmo ni, ɔ́bla likpidi útulo-ɔ.”

Batalane Kabla 23:12

Amu ka kadi kégye ni, Yudaƒuɔ badi bése kenye béte lɛlɔ ka ama baladi na baláni si bátadu Paulo!

Batalane Kabla 23:15

Anwuɔsu amii ku litemi batɛne bɛsu bekpone ɔtɔnkune na ɔsɔ utédie Paulo uboku kasalakɔ mɛni. Bɛbla aani si bɛɛwia ka biye-nwu etemila adi bibu. Na si béti-nwu badububoku ni, na bɔdubɔdu-nwu na ulu.”

Romaƒuɔ 1:30

Na beetemi enyekpi na bana bakpana lɛlɔ. Badi bekyuli bani muukisi Katɔti. Beedumi lɛlɔ, na baatina lɛlɔ, na baakun lɛmɛnɛ. Na baawia likpidi lilu lɛbambadi pii. Na balábu bana bawɔne.

Lɛkpa Ulu 28:32

Bekyuli bani naaadi Yudaƒuɔ badubo bebeti bina bebi bananabi ku belekubi batɔlɔku na bina anumi na batátaabla-ma kabla. Na limeyi ndi limeyi ni, bɛdubɔnu-ma anumi ka benwini bebo, nsu keeke.