Mika 1:8 - Katɔti Ɔku Kedee

⁸ Ɔgbankpi ɔmɛni ɔsu na nkɛ lɛgbakplu ku kasɔngya. Na biinú mina kɔvanu aani ebuoƒuala ɔni nkɛ mɔɔkwanyi ku keku kani muuwulo teedumo aani likuku.

Mika 1:8 ပူးပေါင်းရင်းမြစ်များ

Baga 2 18:13

Na lɛkwa leevu-linedi kemmo ɔni na Hesekia ɔɔdi lɛga ni, Asiriaƒuɔ Ɔga Sanaherib útékpoku Yuda lɛma linengudi lɛni na bátu awodu bámana ƒui na úƒie-ni ɔ́ƒɔ.

Ester 4:1

Ka Mordekai únu ɔku ɔmmɔ kenye ni, ɔ́ni nwuna awu ɔni na ɔkya ɔ́bwɛ, na úti adikpi ɔ́sabla, na ɔ́kpi ntɔ anumi, na ɔkɛ uuwulo momoomo taavi na Susa ɔma ɔmmɔ ƒui kemmo.

Hiob 30:29

Na muuwulo kɔnyana keku aani beƒukutu iye bekuku.

Kɔgya 102:6

Lɛ́ta lɛ́bla aani aasɛ ɔni nkɛ anwu lɛti na lɛku kemmo. Na bédie-mi atu aani likuku nkya kalɔ kakwiidi kemmo.

Yesaia 13:21

Bakumbuo kani ndubɔƒɔ mmɔ belie ku bekuku ku baasɛ bonwu lidu.

Yesaia 13:22

Na bebuoƒuala ndubo adi buteebo na bana ala abuni kesekɔ, na beƒukutu bataatɛ bana kuliekɔ kɔbuni kɔni baaƒɔ́ baƒɔ. Na uwi ɔmmɔ úude geen, na ɔsɔ ulésie kama lɛnɔ.

Yesaia 16:9

Ɔmmɔ ɔsu na muuwulo ku Yaser, na egyiibi ani náyii udu na Sibma ɔsu. O Hesbon, muuwulo teete awɔ ku Eleale ƒui. Ɔsika bɛsɔ bɛɛɛdubo egyiibi bɔkɛ bude ana udewi na ebiti ada-mii ku lɛlɔyɔ.

Yesaia 21:3

Lɛla lɛmɛni lɛ́ya na mina kaƒɔna kádu-mi momoomo aani uleku ɔni ntɛ kɔwɔ, na ɔ́bla-mi aani bɔyila na nda ka línu lɛla lɛni na Katɔti ɔɔwia ka ɔbla. Lɛni na anumi ábla-mi suu na ɔ́bla-mi dɛye dɛye.

Yesaia 22:4

Ɔmmɔ ɔsu na lɛ́su nnini, “Bɛkpɛ bɛlɛ-mi lɛlɔ na liwulo, na ɔdi utasia-mi kɔnu na mina bekyuli bani náyii udu ɔsu.”

Yesaia 32:11

Amii beleku bani na bulie kani na bilie na bilábla kasusu taasiku lɛla lɛdi lɛlɔ ni, bɛya na lɛlɔ litaatɔ-mii kpakpaakpa ku liƒu! Bidie bina adala bise na binyimi ala ani mɔɔtina ka biiwulo kɔnyana.

Yeremia 4:19

Naaakana lɛbibo lɛmɛni kenye bunye! Mina utu uubó momoomo geen, na muususu lɛlɔ ku kɔnyana bonwu. Muunú ka bekisine bekpone baavwi kekpo kati bute lise na naaakana kenye bubile bɔsɔ bulie kpoo.

Yeremia 9:1

Si bunwini na mina anumi enwini imii ku libiɔ na nteewulo usien ku ɔƒɛ na mina bekyuli bani na bádu ɔsu nka ɔdia-mi.

Yeremia 9:10

“Muuwulo teete bebuo kadikɔ kani na kakya abi lɛlɔ. Likpo lɛmmɔ lɛ́kwii na livo lɛbuni lɛdi lɛsɔ liiibo mmɔ, ɔsika ɔƒɛ ɔ́kyula lɛla biala na belusiene muedi basɔ balásia mmɔ. Na Ɔmantɛ bebuo ku alakpi akɔ bebuo ku baasɛ ƒui báyii na badi basɔ beeebo mmɔ.”

Yeremia 9:19

Bɛya na abu bani nkya Sion buteewulo momoomo na bɔsu bɔnii, ‘Bɔ́yii udu ɔƒaamu! Na bulakana kɔƒa kɔmɛni udu kenye bunye. Ɔsika bábwɛ-bu kɔduli ƒui na bábɔku-bu bálɛku bula kalɔ lɛlɔ.’ ”

Esekiel 32:18

“Esekiel, ɔyawine ubi, teewulo kɔnyana na Egyipteƒuɔ ɔsu. Na adu-ma kukpi kɔtɔ na edie-ma atu na betéduo kekpine kesii kani na badubɔva ama lɛnɔ bebunku kadi bamba bekyuli bani lɛnɔ mbo ɔyikun ɔmmɔ udu.

Mika 2:4

Si uwi ɔni na ala amɛni álɛ ni, bekyuli badubo-mii kenye bunye na batu kɔnyana ɔnu ɔmɛni basiku-mii lɛlɔ banini, ‘Bɔ́yii udu! Bɔ́yii udu kede kede! Unwoti ɔ́ƒɔ-bu kalɔ úte bula bekisine.’ ”

Samuel 1 19:24

Mmɔ ni, ɔ́da nwuna adala údie úwi na uudie Katɔti uubó kudu kɔmmɔ na Samuel anumi muedi. Na limeyi lɛmmɔ lɛlɔ ƒui ni, bɔtɛ kani na Saul ɔtɛ kalɔ mmɔ ku kasɔngya. Na ɔ́si litemi lɛmɛni ɔsu ni, lɛsugba lɛdi lɛkya na baayɔ́ buye banini, “Saul lɛnɔ únwini Katɔti Kenye Udiene yoo?”