Mika 1:7 - Katɔti Ɔku Kedee

⁷ Badubo Samaria baƒiɔ ƒui bubo bɔbwɛ. Na ogya ɔkyula ala ani na bákɛ básiku bana kakpakɔ na nwuna bayalɛ kabla kammɔ kudɔ. Na baƒɔ bani nse aani bana kalɛ kani bebeti bana akɛla ammɔ ƒui na beti betéte bana lɛƒiɔkpa bayalɛ, ɔsika bayalɛ kudɔ na ala ammɔ ási.

Mika 1:7 ပူးပေါင်းရင်းမြစ်များ

Ala Alɛdi 2 31:1

Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

Yesaia 2:18

Na Unwoti ɔdubɔyila baƒiɔ biala udu.

Yesaia 23:17

Na akwa liti ku aavlanyɔ ammɔ kama ni, Katɔti ɔdubɔbla ku Tiro lɛla lɛni na ɔɔyɔ́ na ɔya na basɔ benwini besie bana kabla kuuku kudɔ, na badi ku kayawi bekyuli ƒui kuye.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Esekiel 6:6

Na Israel lɛma ƒui lɛdubo bɔbwɛ na lɛnu ka bana baƒiɔ bammɔ ku baƒiɔ lɛtɔ ku abi ammɔ ku ala avɔdi ku anwidi ammɔ ƒui áyii udu.

Hosea 2:12

Uleku ɔmɛni ɔ́su ɔnini, ‘Mina basɔnɔ néte-mi adingyii mmo bɔni na mbo ka lɛ́ya na ami ku-ma bɔ́tɛ ɔsu.’ Nsu ni, ami Unwoti ndubo-mu bubile ƒui na lɛya na bɔta bunwini lɛku na bebuo bakun ala ammɔ bebile ƒui.

Hosea 2:14

“Anwuɔsu ɔƒaani ni, ndubo-nwu bɔtɔlɔ buɛɛ buɛɛ butákya kalɔ kakwiidi kemmo na lɛdɔdɔ-nwu.

Hosea 2:5

Bina uni útada udu buni. Útaalɛ-mi kama, na ɔ́su ɔnini, ‘Ndubɔsiaku mina basɔnɔ kama, ɔsika ama muute-mi adila ku ntu ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’

Hosea 8:5

Na líti kɔnyi lɛ́kya awɔ Samaria ɔma unengudi ɔmmɔ na ƒula baƒiɔ bani na ávɔ na ɔmantɛ akɔ ubi udu kenye mmɔ ɔsu. Uwi ɔmani na aakali ka adubɔsɔ abla sɛɛn na mina anumi?

Hosea 8:6

Na Israelni ɔdi nébo úbavɔ baƒiɔ bammɔ úte-ɔ. Nsu ami kani ndi Katɔti unwi ɔmmɔ, anwuɔsu baƒiɔ bammɔ badubo bɔbwɛ bugyingya.

Yoel 3:3

na bátu akunkpa bánu bana ɔni meti mina bekyuli menwini anwu badi. Na béti bananabi bávumanaku bayalɛ na béti belekubi béye báƒɔ ntɛ báni.

Lewiƒuɔ Ɔda Bubo 26:30

Na bina kɔkpakɔ kɔni nkya abi ƒui eli ndubɔyila-ku udu na ligyingya bina oloƒui akpabi ammɔ na lɛsala bina bekpine liwi ala ekuku ani neeebo ngba mmɔ lɛlɔ na lini-mii ƒui kede kede.

Lɛkpa Ulu 23:18

Ɔƒɛni egulabi biala na ukyuli ɔmɛni udu ɔdubɔkɛ na kabla kani na ɔɔbla mɛni kemmo ni, uteti egulabi ammɔ adi uteboku bina Unwoti Katɔti kakpakɔ ɔnii ubedie lili na kenye kani na úse ɔsu. Ɔsika Katɔti bayalɛ beesé Katɔti lɛlɔ.

Lɛkpa Ulu 9:21

Amu na líti lɛla likpidi lɛni bɛ́vɔ mmɔ aani ɔmantɛ akɔ ɔgyani ɔkɔdi na líƒwimi lɛ́kya ogya kemmo. Na lídie-nwu na lɛ́ƒɛ-nwu eku eku, na lɛ́kɔ-nwu na únwini ntɔ, na líbo ntɔ bɔmmɔ líwi ketu kani mɔɔgbá taayu kɔbi kɔmmɔ lɛlɔ.

Budie Taatina 18:3

Ɔsika Kayawi bekyuli ƒui báni ɔma ɔmmɔ alaekpidi bɔbla békpi aani ntɛ. Na ɔ́tɔlɔ-ma aani kalɛ na ɔyalɛ ɔɔtɔ́lɔ bekyuli taatákya likpidi kemmo. Kalɔ lɛlɔ baga ƒui beesié ɔma ɔmmɔ teebo aani kalɛ na banana beesié ɔyalɛ kudɔ. Na kalɔ ƒui beyedine benengudi bénwini balakɛne ɔkɛnku bana liyedi na ɔma ɔmmɔ ɔni néyi ku akɛla ani ndanku adikpi bɔdi.”

Budie Taatina 18:9

“Na kalɔ lɛlɔ baga bani muusié ɔma ɔmmɔ teebo taabla ekpidi na békeli basiaku adikpi bɔdi akɛla kama na mmɔ ni, badubo keku ku kɔnyana buwulo na ɔma ɔmmɔ lili si bánu uyɔ ka ɔɔkɔ́ katɔ uwi ɔni na ɔɔkywí.

Samuel 1 5:4

Nsu ka kadi bamba kégye ni, banu ka lɛtabi lɛmmɔ lɛ́sɔ lɛ́lɛ líbo, na nina anumi ebi kalɔ na Bunyimi Adaka ɔmmɔ anumi aani kudeedi kalɛ kani. Nsu ɔƒaani ni, bánu ka nwuna lili ku enu áƒɛ álɛ-nwu lɛlɔ. Na lili ku enuku ammɔ ewi kalɔ na atabi akɔ na kayakun.