Mika 1:6 - Katɔti Ɔku Kedee

⁶ Anwuɔsu na Unwoti ɔdubunye ɔnu na Samaria ɔyii udu na lɛla biala libie lɛbla aani kebu alakpi. Na ɔdubɔta ɔbla aani kesii kani na bálɛ adingyii. Na ɔdubugyingya nwuna lɛtɔ atabi ƒui na ɔgbala-nya utákya ɔkwalɛ na ugyingya awodu ammɔ ɔka ɔni nkya kalɔ kemmo ƒui.

Mika 1:6 ပူးပေါင်းရင်းမြစ်များ

Samuel 2 17:13

Na si ɔma unengudi ɔdi na wekeli wetéduo ni, Israelƒuɔ bammɔ ƒui badubuti abuli beboku na bɔni ɔma ɔmmɔ butéwi ɔkwalɛ kemmo na nwuna kakɛ kadi muedi kasɔ kelébu.”

Baga 2 18:10

Na lɛkwa lɛtɛdi lɛni na ɔ́ka Samaria ɔ́kya mmɔ ni, bádi Samariaƒuɔ lɛlɔ na Hesekia lɛga bɔdi lɛkwa lɛkundi kemmo. Na ɔdi lɛkwa yaalenwidi ka Israelƒuɔ Ɔga Hosea ɔɔdi lɛga.

Baga 2 18:9

Na lɛkwa linedi lɛlɔ ɔni na Hesekia ɔɔdi lɛga na ɔdi lɛkwa maatɛdi ka Israelƒuɔ Ɔga Hosea lɛnɔ ɔɔdi lɛga ni, Asiria Ɔga Salmaneser útékpo úduo Israel kalɔ lɛlɔ na ɔ́ka Samaria ɔma ɔ́kya.

Baga 2 19:25

“ ‘Bunu na étenu ɔmɛni kudii? Ami nábla ala amɛni líse kukuuku. Na lɛ́tina kalɛ na adubo buse na uwi ɔni návi ƒui kemmo. Na ɔƒɛni lɛ́ya na ébo-nwu kemmo. Na ákana na énwini lɛma linengudi lɛni na bátu bámana ábla aani atabi ani na bála básala lisu.

Yesaia 17:1

Damasko lɛlɔ kɔtɛ. “Bɛnu! Damasko ɔma unengudi ɔdubɔyii udu na ɔƒaamu ɔdubunwini alakpi kebu bonwu kadi.

Yesaia 25:12

Na ɔdubɔƒɔ bana awodu ani na bátu bámana bana kalɔ na atɛ kalɔ na utu-nya ɔ́bwɛ kpɛtɛ kpɛtɛ unwini ɔtumu.

Yesaia 25:2

Na awɔ nábwɛ ɔma unengudi ɔni na bátu awodu bámana mmɔ na ásala-nwu lisu álɛ aani kebu. Ɔma ɔni na kemmo na báƒɔ béyi-nwu mmɔ ni, awɔ nábwɛ-nwu na ɔsɔ ɔɔɔdi ɔma na ɔdi ɔnu ɔti ka ɔ́kya dii. Na basɔ balakana-nwu bɔsɔku bɔtu lɛnɔ kudii.

Yeremia 31:5

Bɛdubusie adingyii mmo na Samaria abi lɛlɔ. Na bɛdubɔdi egyiibi ammɔ ku lɛlɔyɔ.

Yeremia 51:25

Bɛ́yila kadi bekyuli pii udu na kalɛ na bɛɛnu lɛlɔ ka bibo ɔyikun aani kɔbi ɔsu. Nsu ami nénwini bina ukisine ɔƒaamu. Na lɛkana na liƒie-mii na libo-mii lɛsiku atakpɛ lili mbaƒiɛmi kalɔ. Na si uwi ɔni na lɛ́wɔlɔ ala ani ƒui na nnii mɔɔbla ni, bɛdubunwini aani atimbɔ ani na bébo béwi na ɔƒɛ úƒi-nya.

Yeremia 51:37

Babilon ɔdubunwini kebu alakpi ɔlɛ lisu kesii kani na beƒukutu kani ndubo mmɔ bulie. Bekyuli badubo-ma bɔma, nsu badubo bɔyia lɛnɔ ka besie bavi kebu alakpi ammɔ kemmo.

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 4:1

Bébile sika ugyiedi ɔni náƒɔ kuye útulo ƒui na ɔsɔ ulékeye kalɛ na uukeye. Na bégyingya Katɔti kakpakɔ asɛɛ ebi ani náƒɔ kuye mmɔ béwi kuyeya na lɛblɔnu lɛlɔ.

Esekiel 13:14

Ɔkɔ kenye bediene bammɔ baakya ɔkplu ka beti ala bebi ekpidi ani nkya Yerusalem, nsu ndubo ɔma ɔmmɔ bubo bɔbwɛ butálɛ ɔka ɔni a bákya ɔma ɔmmɔ kalɔ muedi. Na si uwi ɔni na ɔma ɔmmɔ ɔ́bwɛ ɔ́wɔlɔ ni, kenye bediene bammɔ bekyuli ƒui badubɔti ka ami nábla ala ammɔ.

Hosea 13:16

Ndubo Samaria kɔtu bɔni geen na ɔni na ɔ́ta únye-mi lɛlɔ ɔsu. Na bayila-nwu udu na kekpokɔ. Na bebo-nwu bebi baƒiɛmi atakpɛ lɛlɔ na bekpi. Na bawawa bana baƒɔndane.”

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Amos 6:8

Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Habakuk 3:13

kalɛ na etékpo aƒɔ ƒula ɔga ɔƒunadi ɔmmɔ. Na kalɔ kani bekyuli mbo kalala mmɔ ni, ádu bana ɔtɔnkune na égyiile-nwu lɛlɔ ala éwi ɔ́si lili úbedu lɛgba.

Mateo 24:2

Na ɔ́su-ma ɔnini, “Bɛsia-ni anumi kaduɛ. Ɔsika mɔɔsu-mii nnii badubɔƒɛ lɛtɔ lɛmɛni ƒui, ɔni na lɛtabi lɛdi lilébu lilasia lɛkpanadi lɛlɔ muedi. Badubugyingya ana ƒui bewi kalɔ.”