Mika 1:12 - Katɔti Ɔku Kedee

¹² Marotƒuɔ benye bagya Unwoti anumi momoomo ka bakɛ bɔƒɔ bɔdi, ɔsika ɔgbankpi ɔmmɔ úudu Yerusalem kabanye suɛlɛ suɛlɛ.

Mika 1:12 ပူးပေါင်းရင်းမြစ်များ

Hiob 30:26

Nsu ka ami muuvele kebunku na lɛkɛ bɔnwuna ni, ɔgbankpi kani na lɛ́siaku na ɔƒɛ ɔ́sa ɔ́kya-mi na mina ulu lɛlɔ.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Yeremia 14:19

Unwoti, buni na éni Yuda? Na eekisi Yerusalem? Bi ɔsu na ébo Yuda áva kalɔ na áya na ɔ́ƒɔ ɔlɛ bonwu lɛni? Bula lɛnunsia ndi ka badubɔkɛ keyi buɛɛ na abwi-bu, nsu liƒu bonwu lɛmɛni na áya na líbo-bu lɛlɔ.

Yeremia 8:15

Bula anu asia ka bɔdubɔkɛ keyi buɛɛ na bɔnwanya bɔsiku lɛlɛ lɛni na buuƒi kudɔ. Nsu liƒu ku agyala kani mɔɔsiáku-bu.

Amos 3:6

Lɛlɔ lɛɛtɔ́ ukyuli biala na ɔma kemmo si bávwi kekpo lise. Na ɔgbankpi ulalɛ na ɔma ɔdi kemmo si Unwoti útatuna.

Mika 1:9

Ɔsika Samaria ɔ́ƒɔ ɔlɛ bonwu ɔni na balakana bɔbwi. Na ulu ɔmmɔ kani lɛlɔ na Yuda lɛnɔ ɔkɛ úsela na ɔgbankpi ɔmɛni úudu ɔban kenye na Yerusalem alati.

Rut Keliela Ɔku 1:20

Amu na Naomi ɔ́su-ma ɔnini, “Bitalɔ-mi Naomi. Mmomu bɛlɔ-mi Mara, ɔsika Katɔti útaya na keyi kayɔku-mi.

Samuel 1 4:13

Na ka ɔ́da úbalɛ ni, Eli uli nwuna liboku lɛlɔ na ulu kɔtu ɔɔnu ulu, ɔsika Katɔti Bunyimi Adaka ɔmmɔ lɛlɔ kani na nwuna anu asia. Ɔƒɛni ka ɔnana ɔmmɔ úduo ɔma kemmo na ɔ́su bekyuli lɛla lɛni nálɛ ni, ɔma ɔmmɔ ƒui lɛsɛ ku kɔvanu kani nda.