Mika 1:1 - Katɔti Ɔku Kedee

¹ Unwoti ɔ́su Mika Moresetni kenye kadi, na ala amɛni adanku Samaria ku Yerusalem lɛma linengudi lɛmmɔ na uwi ɔni na Yuda baga Yotam ku Ahas ku Hesekia bélie bádi lɛga ɔdi biala ku nwuna uwi kemmo.

Mika 1:1 ပူးပေါင်းရင်းမြစ်များ

Baga 2 15:32

Na lɛkwa linyɔdi kemmo ka Amalia ubidi Peka ɔɔdi lɛga na Israel ni, bése Usia ubidi Yotam lɛga na Yuda.

Baga 2 15:5

Unwoti ɔ́ya ɔlɛgyie úwi ɔga ɔmmɔ, na ɔlɛ ɔmmɔ ɔ́da-nwu útédu nwuna likpimeyi, anwuɔsu kaduli bamba na ɔ́kya na ɔsɔ ulábla lɛla lɛdi. Ɔmmɔ ɔsu ubidi Yotam nélie ɔga kaduli kammɔ útaadi kalɔ kammɔ lɛlɔ.

Baga 2 16:1

Na lɛkwa leevu-maatɛdi lɛni na Remalia ubidi Peka ɔɔdi lɛga na Israel ni, bése Yotam ubidi Ahas lɛga na Yuda.

Baga 2 18:1

Na lɛkwa lɛtɛdi lɛni kemmo na Ela ubidi Hosea ɔɔdi lɛga na Israel ni, bése Ahas ubidi Hesekia lɛnɔ lɛga na Yuda.

Ala Alɛdi 2 28:1

Ahas ɔ́ƒɔ akwa aavlanyɔ asa na bése-nwu Yudaƒuɔ ɔga. Na úlie Yerusalem mmɔ ɔ́di lɛga akwa leevu-aku. Ahas ngba bulie bútasiaku nwuna nana ati Dawid bɔdi lɛlɔ na ulu biala lɛlɔ munu munu, ɔsika Ahas útasiku Unwoti kama siin.

Ala Alɛdi 2 29:1

Akwa aavlanyɔ-alɔ na Hesekia ɔ́ƒɔ asa na bése-nwu Yudaƒuɔ lɛga. Na úlie Yerusalem mmɔ ɔ́di lɛga akwa aavlanyɔ-yaalenwi. Na uni ndi Sekaria ubidi ɔni baalɔ Abiya.

Yesaia 1:1

Yesaia ɔni ndi Amos ubidi ɔ́nu kɔyu kemmo ala budie taatina adi na adanku Yuda ku Yerusalem. Útaanu ala amɛni na uwi ɔni na Usia ku Yutan ku Ahas ku Hesekia bélie bádi lɛga na ɔdi biala uwi kemmo na Yuda kalɔ lɛlɔ.

Yesaia 1:2

Binu, amii bani nkya katɔ ƒui! Na bise atu, amii kalɔ lɛlɔ bekyuli! Ɔsika Unwoti ɔ́su kenye kadi ɔnini, “Lɛ́tumini bebi na lɛ́da-ma na bábi lɛlɔ, nsu báta bénye-mi lɛlɔ.

Yesaia 7:1

Uwi ɔni na Ahas ɔni ɔti ndi Yotam, na ɔdi Usia uwɔ, ɔɔdi lɛga na Yuda ni, Aramƒuɔ Ɔga Resin ku Ramalia ubidi ɔni baalɔ Peka na ɔɔdi lɛga na Israel kalɔ lɛlɔ báta banii bebékpo Yerusalem, nsu bátakana na badi Yerusalem lɛlɔ.

Yesaia 7:9

Israel ɔma unengudi ƒui ndi Samaria. Na ɔma ɔmmɔ lɛlɔ ɔdine kani ndi Ramalia ubidi Peka. Na si eeenye mina bɔƒɔtaadi kemmo kpakplaa ni, agyi anii eeebo kenyekɔ kadi.’ ”

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Hosea 1:1

Unwoti ɔ́su Hosea, Beeri ubidi, kenye kadi uwi ɔni na Yuda baga Usia ku Yotam ku Ahas ku Hesekia bélie bádi lɛga ɔdi biala ku nwuna uwi, na Yeroboam, Yoas ubidi, lɛnɔ ɔ́di lɛga na Israel.

Hosea 4:15

“Israel, ina ka aadi kɔsɔnɔ ni, taya na Yuda ɔbla likpidi. “Na teduo Gilgal ɔma kemmo iye esie Bet Awen lɛnɔ na enye mmɔ ese kenye kadi na Unwoti ɔni nli ngba uwi ƒui lɛnyi kemmo!

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Amos 1:1

Unwoti ɔ́su Amos kenye kadi uwi ɔni na útaanu baƒonu lɛlɔ na Tekoa. Na kenye kammɔ kadanku Israel na uwi ɔni na Usia ɔɔdi lɛga na Yuda kalɔ lɛlɔ, na Yeroboam Yoas ubidi ɔɔdi lɛga na Israel kalɔ lɛlɔ akwa anyɔ kama asa na kalɔ kadubɔkunku.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Mika 1:5

Yakob kaba kemmo bebi bábla ekpidi pii ɔ́si kalɛ na Samariaƒuɔ bátɔnku-ma ɔsu. Lɛni kani na Yerusalemƒuɔ aƒiodu akpabi ani na bátu áya na Yuda ɔ́bla likpidi.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Habakuk 1:1

Unwoti údie lɛla lɛdi ɔ́tina Kenye Udiene Habakuk.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.