Mateo 9:2 - Katɔti Ɔku Kedee

² Mmɔ na béti ɔnana ɔdi na ɔ́ƒɛ uwi kalɔ báva lɛtala lɛlɔ, na béti-nwu béboku-nwu kudɔ. Ka Yesu ɔ́nu ka báƒɔ bádi geen ɔsu ni, ɔ́su ɔlɛne ɔmmɔ ɔnini, “Ubi, kɛ kayi. Líti ƒula ekpidi lɛ́kyiɛ-ɔ.”

Mateo 9:2 ပူးပေါင်းရင်းမြစ်များ

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Mateo 14:27

Nsu Yesu útemiku-ma kɔnakunwi ɔnii, “Bɛkɛ kayi! Ami na ɔdi! Bitayia!”

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Mateo 8:10

Ka Yesu únu ɔmɛni ni, ɔ́bla-nwu kalɛ kadi na ɔ́su bekyuli bani nsiaku-nwu mmɔ ɔnini, “Mɔɔsu-mii geen ka na Israelƒuɔ akɔ muedi ni, ńtanu tɔ bɔƒɔtaadi bɔmɛni udu.

Mateo 8:16

Na useyi uwi ni, béti bekyuli pii bani na ayu ekpidi eekpóku-ma béboku Yesu. Na ɔ́su lɛlakpa linwi na ɔ́bɔku-nya ɔ́lɛku-ma lɛlɔ kemmo. Na ɔ́bwi bani muuƒi mmɔ ƒui.

Mateo 9:22

Yesu únwini na ɔ́nu uleku ɔmmɔ na ɔ́su-nwu ɔnini, “Kɛ kayi, mina ubi ulekubi! Ƒula bɔƒɔtaadi bɔ́bwi-ɔ.” Mmɔ kani ɔlɛ ɔmmɔ ɔ́ba-nwu.

Mateo 9:5

Na ɔmani bɔsu nse kpɛtɛ kpɛtɛ ntulo ka lɛsu nnii, ‘Líti ƒula ekpidi lɛ́kyiɛ-ɔ’ munuu ka lɛsu nnii, ‘Ta, na esie’?

Mateo 9:6

Ndubudie lɛtina-mii ka Ukyuli Ɔyawine Ubi ubo ɔyikun na uti ekpidi ɔkyiɛ na kayawi mɛni.” Anwuɔsu ɔ́su ukyuli ɔni náƒɛ uwi kalɔ mmɔ ɔnini, “Ta nye, na eti ƒula atɛla na eteesie kaduli.”

Marko 1:32

Ka useyi uwi údu ni, bekyuli béti balɛne pii ku bekyuli bani na ayu ekpidi asiaku-ma béboku Yesu banii ɔbwi-ma.

Marko 10:49

Amu ka Yesu únu-nwu butemi ni, údi únye na ɔ́su ɔnini, “Bɛlɔ-nwu bite-mi.” Anwuɔsu bálɔ ɔnumbwɛne ɔmɛni banini, “Kɛ kubiti! Ta pla, ɔsika ɔɔlɔ-ɔ.”

Marko 5:34

Yesu ɔ́su-nwu ɔnini, “Mina ubi ulekubi, ƒula bɔƒɔtaadi bɔ́bwi-ɔ. Teesie ku keyi buɛɛ. Na ƒula lɛbibo lɛmmɔ lɛsɔ lilebo-ɔ lɛlɔ.”

Marko 6:50

Ɔ́gyu bana ƒui ɔtɔtɔ ka bánu-nwu na ntu bɔmɛni anumi. Nsu Yesu útemiku-ma kɔnakunwi ɔnini, “Bitayia! Ami mmɔ. Bɛkɛ kayi!”

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 2:25

Anwuɔsu uláwia ka ukyuli ɔdi ɔtina-nwu lɛla lɛdi na ukyuli lɛlɔ, ɔsika anwu ɔlati ɔgyi ukyuli ɔyawine udu geen.

Yohane 21:5

Amu na ɔ́kpali-ma ɔnini, “Bakloƒu, bítedie kɔbɛ kɔdi?” Mmɔ na ama bédie kenye banii, “Oowo!”

Batalane Kabla 14:9

Úlie mmɔ uunú litemi buni lɛni na Paulo unye ɔɔsu. Na ka Paulo ɔ́nu-nwu ɔ́ti kaduɛ ka ɔ́ƒɔ ɔ́di ka nwuna ɔlɛ ɔdubɔba-nwu ɔsu ni,

Batalane Kabla 19:12

Na si béti nwuna adala adi bétuku ɔlɛne ɔdi muedi ni, aabwi-nwu, na asɔ aagyá ayu ekpidi lɛnɔ taalɛku bekyuli bani kemmo na eli.

Batalane Kabla 23:11

Amu na limeyi lɛmmɔ usientɛ ni, Blɔti úbenye Paulo kudɔ na ɔ́su-nwu ɔnini, “Paulo, kya ɔkplu. Kalɛ na ásu mina lɛlɔ litemi mɛni na Yerusalem ni, lɛni kani na adubɔsu-ni na Roma lɛnɔ.”

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”