Mateo 8:9 - Katɔti Ɔku Kedee

⁹ Ami lɛnɔ ndi ukyuli ɔni nkya benengu badi kalɔ, na bekpone badi lɛnɔ bakya-mi kalɔ. Si lɛ́su ɔdi nnii, ‘Teesie’ ni, uusié. Na si lɛ́su ɔdi lɛnɔ nnii ‘Bo’ ni, uubo. Na si lɛ́su mina kabla ɔblane nnii, ‘Bla ɔmɛni’ ni, ɔɔbla.”

Mateo 8:9 ပူးပေါင်းရင်းမြစ်များ

Kɔgya 119:91

Ƒula ala ediedi ƒui akya ábalɛ ku ɔmwi limeyi, ɔsika ana ƒui aabla ƒula kabla.

Kɔgya 148:8

Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó na biinú-nwu lɛdi ƒui bimwi-nwu.

Mateo 8:10

Ka Yesu únu ɔmɛni ni, ɔ́bla-nwu kalɛ kadi na ɔ́su bekyuli bani nsiaku-nwu mmɔ ɔnini, “Mɔɔsu-mii geen ka na Israelƒuɔ akɔ muedi ni, ńtanu tɔ bɔƒɔtaadi bɔmɛni udu.

Mateo 8:8

Bekpone unengu ɔmmɔ údie kenye ɔnini, “Blɔti, oowo! Ńtamanku ka ebo mina kaduli. Nsu su litemi lɛdi kani na mina kabla ɔblane ɔmmɔ ɔlɛ ɔdubɔba-nwu.

Marko 1:27

Ɔ́bla bekyuli bani nnye ƒui yaa na béye lɛlɔ banii, “Bi litemi lɛdi mɛni? Bi bɔkpa bɔwɔdi udu na bɔmɛni bɔdi? Ukyuli ɔmɛni ubo ɔyikun ɔni na ɔɔtɛmi ku ayu ekpidi na eenú-nwu litemi!”

Luka 4:39

Amu na úsie uténye-nwu kudɔ na kesii kani na ɔtɛ, na ɔ́bɔku ɔlɛ ɔmmɔ. Na kɔnakunwi ni, ɔlɛ ɔmmɔ ɔ́ba-nwu na ɔ́ta únye na úsie kalɔ ɔɔnwá teete-ma.

Luka 7:8

Ami lɛnɔ ndi unengu ɔdi ɔni na nsɔ nkya benengu betulone bamba ɔyikun kalɔ. Na mbo bekpone na bakya-mi kalɔ. Mɔɔsu ɔdi nnii, ‘Sie mɛni’ na uusié. Na mɔɔsu ɔbambadi lɛnɔ nnii, ‘Bo mɛni’ na uubo. Na mɔɔsu mina kabla ɔblane nnii, ‘Bla lɛni’ na ɔɔbla.”

Luka 9:1

Ɔmmɔ kama ni, Yesu ɔ́lɔ nwuna batɛyane leevu-inyɔ bammɔ ɔ́sala na úte-ma kuƒi ku ɔyikun ɔni na beti bagya ayu ekpidi ƒui na babwi lɛlɛ lidu lɛnɔ.

Koloseƒuɔ 3:22

Amii bekyuli bamba kabla bablane binu bina benwoti litemi na ulu biala lɛlɔ. Na bidie kayi na bɛbla kabla uwi biala kemmo, na ɔɔɔdi uwi ɔni na bakya-mii kudɔ lɛti kalɛ bakɛ-mii lɛlɔ kubiti. Mmomu bɛbla kabla ku kayi ƒui na ɔbu ɔni bibo bite Blɔti ɔsu.

Tito 2:9

Bekyuli bani mɔɔbla bekyuli bamba kabla beboku lɛlɔ kalɔ bete bana batɔlati. Na bana ablala ataada bana batɔlati ebiti na lɛla biala kemmo. Na batakyaku-ma unyeƒi.