Mateo 8:3 - Katɔti Ɔku Kedee

³ Yesu únene kɔnu útuku-nwu, na ɔ́su-nwu ɔnini, “Mɔɔyɔ́. Lɛlɔ lɛbla-a sɛɛn.” Mmɔ kani ni, ɔlɛ ɔmmɔ ɔ́ba ɔnana ɔmmɔ.

Mateo 8:3 ပူးပေါင်းရင်းမြစ်များ

Ala Kalɔ Buse 1:3

Amu na Katɔti údie lɛdi ɔnini, “Bukeye bubo,” na bukeye búbo.

Baga 2 5:11

Nsu Naaman úti kɔnyi na ɔ́tɔlɔ na ɔ́su ɔnini, “Lɛ́bu nnii ɔdubɔlɛ ubo-mi kudɔ. Na ɔkpali nwuna Unwoti Katɔti lɛnyi na udie kɔnu na ɔbɔku ɔlɛ ɔmmɔ ɔlɛku-mi lɛlɔ na lɛkɛ ɔlɔkplu.

Baga 2 5:14

Ɔmmɔ ɔsu Naaman útéduo Yordan Ketu kemmo, na ɔ́nyina lɛlɔ ɔ́kya ntu bɔmmɔ kemmo maatɛ aani kalɛ na Katɔti ukyuli ɔmmɔ ɔ́su-nwu, na nwuna ɔlɔna ɔ́sɔ únwini úbo na ɔ́bla sɛɛn aani ubiwɔ ɔdi kalɛ.

Kɔgya 33:9

Ɔsika ka údie lɛdi ni, lɛla biala lɛ́da lɛ́lɛ. Na ɔkɛnku nwuna kenye butemi kemmo na lɛla biala linye nina kenyekɔ.

Israelƒuɔ Bɔlɛ 4:7

Amu na Unwoti ɔ́sɔ ɔ́su-nwu ɔnini, “Sɔku kɔnu kɔmmɔ kya ƒula awu kemmo.” Amu ka Mose ɔ́bla lɛni na ɔ́da nwuna kɔnu údie kani kɔnu kɔmmɔ kɔ́sɔ kɔ́yu ɔkplu na kúnwini aani kalɛ na nwuna ɔlɔna use.

Mateo 12:13

Amu na ɔ́su ɔnana ɔni na kɔnu kɔ́gogolo-nwu mmɔ ɔnini, “Nene ƒula kɔnu.” Na únene-ku. Kɔnakunwi ni, kɔnu kɔmmɔ kɔ́sɔ kɔ́bla aani kalɛ na kunyɔdi kɔmmɔ kuse.

Marko 1:41

Nwuna lɛlɔ lɛ́kywi Yesu kaƒɔ, anwuɔsu únene kɔnu na útuku-nwu. Amu na ɔ́su-nwu ɔnini, “Mɔɔyɔ́. Lɛlɔ lɛbla-a sɛɛn ƒui!”

Marko 4:39

Yesu ɔ́ta únye na údie lɛdi na ɔ́su ɔnini, “Ɔƒɛƒɛɛ, da bukpo ya!” Na ɔ́sɔ ɔ́su ntu lɛnɔ ɔnini, “Ntu, bla buɛɛ.” Amu na ɔƒɛƒɛɛ ɔ́da bukpo ɔ́ya, na ntu anumi ƒui bɔ́bla kpoo.

Marko 5:41

Yesu úƒie-nwu kɔnu ɔ́da na ɔ́su-nwu ɔnini, “Talita Koumu.” Na nwuna kalɔ na lɛdi lɛmmɔ kemmo ndi ɔnii, “Ulekubi blii, mɔɔsu-ɔ nnii ta nye!”

Marko 7:34

Amu na Yesu ɔ́talaku anumi ɔ́nu katɔ na údumo geen, na ɔ́su ɔnana ɔmmɔ ɔnini, “Heƒata,” ɔni kalɔ ndi “Lɛmi!”

Marko 9:25

Amu na uwi ɔni na Yesu ɔ́nu ka bekyuli pii bammɔ baaní teede-ma ni, útemi úte kɔyu kɔmɛni ɔnini, “Kɔyu kukpidi kɔni neeenu na kulétemi, mɔɔsu-ɔ ka vi lɛ ɔnamu ɔmɛni lɛlɔ kemmo, na sɔ teduo-nwu lɛlɔ kemmo kudi kudii lɛnɔ!”

Luka 4:27

Lɛnɔ ni, bekyuli pii bákya béteeƒi ɔlɛgyie na Israel kalɔ na Katɔti Kenye Udiene Elisa uwi. Nsu ɔɔɔdi bana akɔ ɔdi na bábwi, amu ntu Naaman ɔni nási Siria kalɔ lɛlɔ lɛti pɛ.”

Luka 5:13

Yesu únene kɔnu útuku-nwu. Na ɔ́su ɔnana ɔmmɔ ɔnini, “Mɔɔyɔ́ lɛni. Anwuɔsu ɔlɛ ɔmɛni ɔba-a.” Mmɔ kani ni, ɔlɛ ɔmmɔ ɔ́ba-nwu.

Luka 7:14

Amu na Yesu úsie ɔ́vi-ma ntɛ na útétuku ukpine adaka ɔmmɔ. Amu na bekyuli bani nti ukpine ɔmmɔ bédi bénye. Mmɔ na Yesu ɔ́su ɔnini, “Okloƒu! Mɔɔsu-ɔ nnii ta nye!”

Yohane 11:43

Ka ɔ́kpali katɔ ɔ́wɔlɔ lɛni ni, ɔ́va ɔ́kpali ɔnini, “Lasaro, lɛ bo mɛni!”

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.