Mateo 7:16 - Katɔti Ɔku Kedee

¹⁶ Bana udu na bɛdubuti bɛti-ma. Lɛnyɛ kɔbuli kulánwu atoo. Na liyu kugyii kulánwu kɔyaka ebi.

Mateo 7:16 ပူးပေါင်းရင်းမြစ်များ

Agba 20:11

Lɛnamu uwi ƒui na baanu bebi taati si udu ɔbuni iye ukpidi ndubo-ma bɔkya na bana udu ɔni na béti baakɔ́ kenye.

Mateo 12:33

“Ɔdi ka bɛti ka kugyii kɔbuni kɔɔnwu ebi abuni, na kugyii kɔni naaadia kɔɔnwu ebi ani naaadia. Kugyii biala ebi na beeti taanu kugyii kɔmmɔ udu taati.

Mateo 7:20

Anwuɔsu ni, ala ani na ɔkɔ banyine bani nábla lɛlɔ aani Katɔti kenye bediene baabla ndubɔya na bɛti-ma.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”

Yakobo 3:12

Mina banwani, kugyii kulátu ebeli na aƒoƒoli alánwu kugyii ebi lɛnɔ. Lɛni kani na libiɔ lɛbuni lilakana na lɛyu mma ntu.

Samuel 1 24:13

Lɛni na benengu bébo lɛgba banini, ‘Alaekpidi bablane alati ndanku bana likpidi bakɛ,’ anwuɔsu mina kɔnu kɔɔɔdubo-ɔ butuku.