Mateo 6:2 - Katɔti Ɔku Kedee

² Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Mateo 6:2 ပူးပေါင်းရင်းမြစ်များ

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 37:21

Balalane beevó ala na balásɔku teesienku. Nsu bekyuli bani nse siin baanu kɔnyana na beete taasia kama.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 20:6

Bakpana pii baasu ka badi bakpana buni bani naaalɛ bana bakpana kama, nsu ɛlɛɛ na badubɔnu na bana akɔ ka baadi bana litemi lɛlɔ sɔsɔ.

Etemila 11:2

Le lɛla lɛni na ákɛ te nkyuli maatɛ ku maane ƒaa, ɔsika aaagyi limeyi lɛni na ayaki adi adububo ebeyu-ɔ atu.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Hosea 8:1

“Vwi kakpɛɛ na ebo Israelƒuɔ ɔda na ete-ma bɔti anii bekisine bakɛ bana eli baatú-ma na badubo bebéyu-ma batu aani kasangbii ka bébile mina bunyimi na báta bénye mina ɔda bubo lɛlɔ ɔsu.

Mateo 15:7

Amii anumi lɛlɔ bekyuli! Lɛla lɛni na Katɔti Kenye Udiene Yesaia ɔ́su úse líbo líte lɛni na bina lɛlɔ geen.

Mateo 16:3

Na ɔtanta tutuutu si ɔƒɛ ɔ́tu ɔdubo na kadi kese suu ni, bɛɛsu bɛnii ɔnantu ɔdubo bɔna. Bɛɛkana na bɛɛtí kalɛ na kadi kadubo buse si bɛ́nu kayaa. Nsu bilákana na bɛnu ala ani mɔɔtina uwi ɔni na Ukyuli Ɔƒunadi ɔmmɔ ɔdububo bɛti!

Mateo 22:18

Nsu Yesu ɔ́ɔnu bana lɛkwɛ likpidi ɔ́ti ɔsu na ɔ́su-ma ɔnini, “Amii anumi lɛlɔ bekyuli! Bi ɔsu na bɛwia-mi litemi?

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Mateo 23:6

Baayɔ́ kuliekɔ kɔbuni bulie na emeyi kadikɔ ku kuliekɔ kunengudi bulie na Yudaƒuɔ kɔsakɔ.

Mateo 24:51

Na unwoti ɔmmɔ ɔdubɔni kabla ɔblane ɔmmɔ kɔtu geen. Na nwuna kɔtu bɔni kɔdubɔyu ɔkplu aani anumi lɛlɔ bekyuli bɔdi kalɛ! Mmɔ na keku ku animi bɔdu bɔdubɔkya!”

Mateo 5:18

Na mɔɔyá na bɛti geen ka ni, na katɔ ku kalɔ anumi ni, balada lɛla linwi ina dɛ na lise blii suɛ muedi beledie na ɔda bubo bɔmmɔ kemmo wetédu ka ala ani na ɔda bubo bɔmmɔ bɔɔtina búbo búte lɛni.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:3

Anwuɔsu si eebunku ukyuli ɔdi ni, bunku-nwu kalɛ na ƒula ɔkpana ɔbuni ƒui muedi uláti lɛla lɛni na ábla.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Mateo 7:5

Awɔ, anumi lɛlɔ ukyuli, ka ligyuku lɛni nkya-a lɛnumi budie na ɔbla-a nwaa. Na anu edie alakpi ani nkya ƒula ɔnwani lɛnumi.

Marko 12:39

Ama mɔɔwia ka belie kuliekɔ kunengudi na kasalakɔ ku emeyi kadikɔ.

Marko 7:6

Yesu údie kenye ɔnini, “Anumi lɛlɔ bekyuli bɛdi! Yesaia únweni ɔ́su ala ɔ́siku-mii lɛlɔ na úbo lɛni sɔsɔ! Ɔ́su-bu ka Katɔti ɔ́su ɔnii, “ ‘Bekyuli bamɛni bada bana kenye kani baabu-mi, nsu balayɔ-mi na bana kayi kemmo.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Luka 11:43

“Bɔbuɛ muute amii Ƒarisiƒuɔ! Ɔsika bɛɛwia ka bilie kuliekɔ kunengudi na bina kasalakɔ. Na bɛɛwia ka bekyuli bataakya-mii kenye ku ɔbu na kuyeya.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Luka 12:56

Anumi lɛlɔ bekyuli, ka bɛɛnu kalɔ ku kayaa na bɛɛtí uwi taatina ni, bi ɔsu na bilenu uwi ɔmɛni anwu kalɔ?

Luka 13:15

Mmɔ na Blɔti údie kenye na ɔ́su-nwu ɔnini, “Amii, anumi lɛlɔ bekyuli, biidie bebuo bani mɔɔbla-mii kabla iye beeti-mii ala lɛbuli na bɛɛkpanku-ma teesienku ntu kanikɔ.

Luka 20:46

“Binye kagyumana bite lɛlɔ kaduɛ na ɔda bubo ala batinane lɛlɔ. Bekyuli bamɛni baayɔ́ busie taavi na bakya bana lɛwu bonwu bonwu. Na baayɔ́ ka bekyuli beteebo kalɔ teegyele-ma na kuyeya. Ama mɔɔyɔ́ kuliekɔ kunengudi bulie na Yudaƒuɔ kasalakɔ ku kuliekɔ kɔbuni na emeyi kadikɔ.

Luka 6:24

“Nsu bɔbuɛ muute amii balakɛne, ɔsika bɛ́ɛkɛ bina ngba ebiti mɛni!

Luka 6:42

Dɛ na ɔ́bla na aasu ƒula ukyulikpana anii, ‘Buvele, ya na lidie-ɔ lɛlakpi lɛnumi.’ Na átakana na anu kegyiikɛ kani nsia-a lɛnumi? Anumi lɛlɔ ukyuli na adi! Ka kegyiikɛ kani nsia-a lɛnumi bɔtimi asa na anu nwaa na edie ƒ'ɔnwani lɛlakpi lɛnumi.

Yohane 13:29

Na ka Yuda ɔmɛni nda bana kavumi ɔsu ni, batɛyane bammɔ badi bákali ka bɔsu na Yesu ɔ́ɔsu-nwu ɔnii utéye ala ani na badubuti badi limeyi uboku iye utéte bawabane ala adi.

Yohane 5:41

“Naaawia bekyuli bayawine bumwi.

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Batalane Kabla 10:2

Ɔdi ukyuli ɔbuni, na anwu ku nwuna kaduli bekyuli ƒui beeti ɔbu teete Katɔti. Ukyuli ɔmɛni úteete bekyuli ala ku nwuna kayi ƒui, na ɔɔyɔ́ katɔ bɔkpali lɛnɔ.

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Batalane Kabla 10:4

Amu ka Kornelio ɔ́nu-nwu ni, liƒu lɛ́da-nwu geen. Amu na úye-nwu ɔnini, “Ati, bi na aawia?” Amu na Katɔti ɔtu ɔmɛni ɔ́su-nwu ɔnini, “Ƒula bekyuli ala bute ku ƒula katɔ bɔkpali ni, búduo Katɔti kudɔ.

Batalane Kabla 11:29

Anwuɔsu baƒɔtaadine bamɛni bábla kasusu ka beyi ala bemene banwa bani nkya Yudea. Na bana akɔ ɔdi biala úte kalɛ na wakana.

Batalane Kabla 24:17

“Akwa pii mɛni ni, liiibo Yerusalem. Na ɔƒɛni lísie nnii muuti bawabane etela lite mina badi na lɛbla akpala lɛnɔ lite Katɔti.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Korintoƒuɔ 1 13:3

Na si ina líti mina ala ani nse-mi ƒui líte bawabane na lɛ́ya na bekyuli muedi bakyula-mi nsu naaayɔ bekyuli ni, lɛɛɛdi lɛla lɛdi.

Galatiƒuɔ 2:10

Na lɛla lɛni básu-bu ndi ka bunyimo na butaanu bawabane kɔnyana. Na ɔmɛni ndi lɛla lɛni na lɛ́sia anu na mɔɔbla geen.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Tesalonikaƒuɔ 1 2:6

Bútawia bumwi bútasiku amii iye bekyuli bamba kudɔ. Ina ka bubo kuƒi aani Kristo batalane kalɛ na bula lɛlɔ bɔnu bunwini etila bɔsia-mii lɛlɔ muedi ni,

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Ƒilemon 1:7

Ɔnwa, lɛlɔ lɛ́yɔ-mi geen na ákya-mi ogya na ƒula bekyuli bɔyɔ ɔsu. Ɔsika ánu Katɔti bekyuli lɛlɔ.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Samuel 1 15:30

Mmɔ na Saul ɔnini, “Lɛ́bla likpidi sɔsɔ, nsu te-mi ɔbu na mina bekpone ku Israel kadi bekyuli bammɔ ƒui anumi, na abasiaku-mi na lɛsɔ ntákya lili kalɔ lite Unwoti, ƒula Katɔti.”