Mateo 5:9 - Katɔti Ɔku Kedee

⁹ Lɛlɔ litaayɔ bekyuli bani mɔɔklibi bekyuli ntɛ. Katɔti ɔdubɔlɔ-ma ɔnii nwuna bebi geen.

Mateo 5:9 ပူးပေါင်းရင်းမြစ်များ

Ala Alɛdi 1 12:17

Amu na Dawid úsie útásiaku-ma na ɔ́su-ma ɔnini, “Si atubɔyɔ kemmo na bɛkɛ bibo ka bibebunku-mi ni, nnye kagyumana ka lɛƒɔ-mii libunku lɛlɔ. Nsu si bubo na bíbo bɛnii bibedie-mi bite mina bekisine ɔni na mina enu ese sɛɛn na ńtabla likpidi lɛdi bɔdi ni, na muuvele bula bati Katɔti nnii, ɔtɛku-mii litemi lɛmmɔ.”

Kɔgya 120:6

Bekyuli bani naaayɔ keyi buɛɛ akɔ na líti mina lɛlɔ ḿbakya.

Kɔgya 34:12

Si ukyuli ɔdi ɔɔwia ka ulie ngba gyɔlɔɔ na keyi kayɔku-nwu ni,

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Luka 20:36

Badubuse aani kalɛ na Katɔti batu bese, na basɔ belekpi lɛnɔ. Badi Katɔti bebi ɔsika báta bálɛ kekpine.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Batalane Kabla 7:26

Amu ka kadi kégye ni, ɔ́sɔ úsie-ma kudɔ na útánu Israelƒuɔ inyɔ ka bakya beekpó. Úsie útáda-ma na ɔ́su-ma ɔnini, ‘Ati bene, banwani na bɛdi, anwuɔsu útalɛka biteekpoku lɛlɔ.’

Romaƒuɔ 12:18

Bɛsia ulu biala lɛlɔ na bɛya na keyi buɛɛ kakya amii ku bekyuli ƒui ntɛ.

Romaƒuɔ 8:14

Ɔsika bekyuli bani na Katɔti Kɔyu kɔtɔnku ni, ama ndi Katɔti bebi.

Romaƒuɔ 8:16

Katɔti Kɔyu ku bula ayu ƒui eedie ɔmɛni kenye taatina ka bɔdi Katɔti bebi.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Korintoƒuɔ 1 6:6

Nsu ɔnwa ɔƒɔtaadine uuti ɔkpanadi teesienku bekyuli bani naaadi baƒɔtaadine kudɔ banii batɛ bana etemila.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Ƒilipiƒuɔ 4:2

Muuvele Euodia ku Sinteke lɛnɔ ka benu lɛlɔ kalɔ na basɔ belie aani banwa belekubi na Blɔti kemmo.

Koloseƒuɔ 3:13

Na biteebunku lɛlɔ. Na si ɔdi ɔ́ƒiɔ ɔdi ni, uti ɔkyiɛ-nwu aani kalɛ na Blɔti úti ɔ́kyiɛ-mii.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.