Mateo 5:7 - Katɔti Ɔku Kedee

⁷ Lɛlɔ litaayɔ bekyuli bani mɔɔnu bana bekyulikpana kɔnyana. Katɔti ɔdubɔnu-ma kɔnyana.

Mateo 5:7 ပူးပေါင်းရင်းမြစ်များ

Samuel 2 17:28

badanku atɛla ku akyami ku ebui avɔdi béboku. Na bada edula ebi bamba adi lɛnɔ béboku ku ɔlaaƒɔ ku ɔnta ɔgyidi ku akabi ku ana udu bamba béboku.

Samuel 2 22:26

“Bekyuli bani mɔɔbla ala ulu lɛlɔ ni, awɔ lɛnɔ aabla-nya ulu lɛlɔ teete-ma. Na bani mɔɔdi ƒula litemi lɛlɔ ni, aabla-ma lɛƒɔndia uwi ndi uwi, eedie lɛlɔ taatina-ma na beledie-ɔ bɔƒiɔ bɔdi.

Kɔgya 112:4

Na bani ƒui mɔɔbla ala ulu lɛlɔ ni, badubɔnu bukeye na kesii kani na lɛdisa lɛkya. Ɔsika baabla lɛƒɔndia na baanu bekyuli kɔnyana na bese siin.

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 18:25

Bekyuli bani mɔɔbla ala ulu lɛlɔ ni, awɔ lɛnɔ aabla-nya ulu lɛlɔ teete-ma. Na bani mɔɔdi ƒula litemi lɛlɔ ni, aabla-ma lɛƒɔndia uwi ndi uwi.

Kɔgya 37:26

Ukyuli ɔmmɔ ɔɔnu kɔnyana uwi biala. Uute ala lɛnɔ na uuvó teete bekyuli na kusɛ kusɛ ɔɔsiaku nwuna bebi.

Agba 11:17

Si aabla lɛƒɔndia ni, awɔ ɔlati ƒula kɔyu mɔɔlɛ́ lili. Nsu si aabla kalala ni, aayila lɛlɔ udu.

Agba 11:25

Bekyuli bani muute bekyuli ala ƒaa ni, ala aadianku-ma na eedú-ma ɔkwɛ. Lɛni kani na bekyuli bani muubunku bekyuli kalɛ na belie ku kayi ƒaa ni, ama alati lɛnɔ badubulie ku kayi ƒaa.

Agba 14:21

Si eekisi ƒula ɔkpana ni, likpidi lɛdi-ɔ. Kusɛ kusɛ ɔdubɔsiaku bekyuli bani muubunku bawabane.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Yesaia 57:1

Bekyuli beenye taanu na beetiku bekyuli babuni taatádu ɔni na balasu lɛla lɛdi.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Hosea 1:6

Ɔmmɔ kama ni, Goma úbawɔ ulekubi na Unwoti ɔ́su-mi ɔnini, “Sia-nwu lɛnyi anii Lo-Ruhama, na nwuna kalɔ ndi kɔnyana tanu, ɔsika nsɔ lɛɛɛdubo Israelƒuɔ kɔnyana bɔnu na liti bana ekpidi lɛkyiɛ-ma.

Hosea 2:1

“Anwuɔsu ƒula banwani bananabi ni, ya na balɔ-ma banii, ‘Mina badi,’ na aya na balɔ ƒula banwani belekubi banii, ‘Kɔnyana bɔnu.’

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Marko 11:25

Na si bíboku eli kalɔ bɛnii bɛɛkpali katɔ na bɛ́nu ka ukyuli ɔdi ɔ́ƒiɔ-mii ni, ɔlɛka biti bɛkyiɛ-nwu kalɛ na bina Ati ɔni nkya katɔ lɛnɔ weti bina ekpidi wakyiɛ-mii.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Romaƒuɔ 11:30

Na amii bani naaadi Yudaƒuɔ ni, kalɛ na bɛ́ƒiɔ Katɔti uwi ɔdi nábavi kemmo nsu ɔƒɛni Katɔti ɔ́nu-mii kɔnyana na Yudaƒuɔ atuɔkplu ɔsu ni,

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Timoteo 1 1:16

Ɔmɛni ɔsu geen na Katɔti ɔ́nu-mi kɔnyana kalɛ na ɔkɛnku ami ɔni ntulo-ma akɔ ƒui lɛlɔ ni, Kristo Yesu ɔdubɔya na bekyuli banu kalɛ na ubo bɔyɔ bɔni muuti taakyiɛ ute ekpidi bablane bani maƒɔ-nwu madi. Na ɔdubute-ma ngba bɔni nsɔ naaadubo bɔsa lɛnɔ kudii.

Hebriƒuɔ 4:16

Anwuɔsu bɛya na buti bula lɛlɔ ƒui bute-nwu na bɔkpɛ bude-nwu na nwuna lɛgaboku kudɔ ku kayi buse ka ubo lɛƒɔndia ɔsu. Na ɔkɛnku nwuna lɛƒɔndia ɔsu ni, ɔdubɔnu-bu kɔnyana na ubunku-bu uwi biala na búvele-nwu lɛla lɛdi.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.