Mateo 5:5 - Katɔti Ɔku Kedee

⁵ Lɛlɔ litaayɔ bekyuli bani muuboku lɛlɔ kalɔ. Ama badubɔdi kayawi lɛlɔ ala aani kalɛ na Katɔti ɔ́su úse.

Mateo 5:5 ပူးပေါင်းရင်းမြစ်များ

Kɔgya 37:11

Nsu bekyuli bani néboku lɛlɔ kalɔ ama badubɔdi kalɔ kammɔ lɛlɔ ala na bana keyi kayɔ buɛɛ.

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yakobo 3:13

Si ukyuli ɔdi ɔɔnu lɛlɔ aani ɔnundane na bina akɔ ni, ɔlɛka uboku lɛlɔ kalɔ na ɔbla ala buni uti ɔtina ka ɔ́da anu.

Kɔgya 149:4

Ɔsika lɛlɔ lɛɛyɔ́ Unwoti Katɔti na nwuna bekyuli lɛlɔ. Na ɔdubɔya na bani nse buɛɛ ƒui balɛ lili, ɔsika ɔdubɔƒɔ-ma.

Galatiƒuɔ 5:23

ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.

Kɔgya 25:9

Na ɔɔtɔnku bekyuli bani muuboku lɛlɔ kalɔ taasiaku ulu geen ɔmmɔ lɛlɔ na ɔɔtina-ma kalɛ na babla nwuna lɛƒɔyɔ.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Eƒesoƒuɔ 4:2

Biteeboku lɛlɔ kalɔ uwi biala kemmo na bɛda lɛlɔ buɛɛ na bɛyala lɛkɔ na biteebunku lɛlɔ biti bɛtina ka bɛɛyɔ́ lɛlɔ sɔsɔ.

Petro 1 3:15

Mmomu bitaabu Kristo aani Blɔti. Na si ukyuli ɔdi uuye-mii lɛla lɛni lɛlɔ na bɛsia anu lɛni ni, binye kagyumana na bidie lɛlɔ kenye. Nsu bɛbla ɔmɛni ku udu buɛɛ ku lɛlɔ kalɔ buboku.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Kɔgya 37:22

Ɔsika bekyuli bani na Unwoti Katɔti úte kusɛ kusɛ ni, ama badubɔdi kalɔ kammɔ lɛlɔ ala. Na bani na úwida ama ni, ɔdubɔyila-ma udu na ngba bɔmmɔ kemmo.

Kɔgya 37:9

Ɔsika likpidi bablane ƒui ni, Unwoti Katɔti ɔdubo-ma ngba udu bɔyila. Nsu bekyuli bani néti bana anu básia Unwoti lɛlɔ ni, ama ndubo kalɔ kammɔ ala bɔdi.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Kɔgya 25:13

Na badubo ngba bulie ku keyi buɛɛ. Na bana kaba kemmo bebi badubɔdi kayawi kamɛni lɛlɔ ala.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Kɔgya 69:32

Na si bekyuli bani muubó abi na bekyuli enu kemmo bánu ɔmɛni ni, kubiti kɔdubɔda-ma.

Kɔgya 37:29

Bekyuli bani nsiaku Unwoti kama siin badubulie kalɔ lɛlɔ na badi-ka ala uwi ƒui.

Kɔgya 37:34

Taanu Unwoti anumi uwi ndi uwi na asia nwuna ulu lɛlɔ. Ɔdubɔkɔliku-ɔ katɔ na adi kalɔ kammɔ ala. Na uwi ɔni na baayila bekyuli bekpidi udu ni, adubunye anu.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Romaƒuɔ 4:13

Katɔti úse kenye úte Abraham ku nwuna bawɔ ka badubɔdi kayawi kamɛni ala. Nwuna kenye kani na úse mɛni kaaakɛnku kalɛ na Abraham ɔ́siaku ɔda bubo bɔdi kama ɔsu. Mmomu ni, úse-nwu kenye kamɛni ɔsika ɔ́ƒɔ Abraham ka use siin ɔkɛnku nwuna bɔƒɔtaadi ɔsu.

Kɔgya 147:6

Unwoti Katɔti ɔɔkɔliku bekyuli bani muubo-ku lɛlɔ kalɔ katɔ. Na bekyuli bani mɔɔkɔliku lɛlɔ katɔ ni, uuboku-ma kalɔ.

Mateo 21:5

“Bɛsu Sion bekyuli bɛnii, ‘Bɛnu! Bina ɔga ɔdubo-mii kudɔ. Úboku lɛlɔ kalɔ na ulie ebuo ala utine ubi lɛlɔ ɔdubo.’ ”

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.