Mateo 5:1 - Katɔti Ɔku Kedee

¹ Na ka Yesu ɔ́nu bekyuli pii bani nsiaku-nwu ni, úsie kɔbi kɔdi lili na úlie kalɔ. Mmɔ na nwuna basiakune bákpɛ béde-nwu.

Mateo 5:1 ပူးပေါင်းရင်းမြစ်များ

Mateo 13:2

Bekyuli pii bani náka bámana-nwu bebomo ɔsu ni, útéduo ɔkɔlɔ ɔdi kemmo. Na bekyuli bammɔ ama bénye ɛpu kɔtu mmɔ.

Mateo 15:29

Yesu ɔ́tɔlɔ mmɔ na ɔkɛ Galilea Ɛpu ɔmmɔ kɔtu útákɔ lɛbinkpo lɛdi na ɔ́yu úlie kalɔ.

Mateo 4:25

Bekyuli pii bási Galilea ku lɛma linengudi leevu lɛdi kemmo ku Yerusalem ku Yudea kalɔ ku Yordan Ketu ɔvi ƒui bábasiaku Yesu kama.

Mateo 5:2

Na úse kalɔ ɔɔtina bekyuli bammɔ ƒui ala ɔnini,

Marko 3:13

Nwuna kama ni, Yesu úsie kɔbi kɔdi lɛlɔ. Na mmɔ ni, ɔ́lɔ nwuna basiakune bani na ɔɔwia.

Marko 3:20

Ka Yesu ɔ́si mmɔ ni, ɔ́tɔlɔ úbo kaduli kadi. Na bekyuli pii badi básɔ bébo-ma kudɔ mmɔ. Anwuɔsu ɔ́yu Yesu ku nwuna batɛyane ɔkplu ka bakɛ kuƒi badi muedi.

Marko 4:1

Yesu ɔ́sɔ úsie Galilea Ɛpu kudɔ na úsie ɔɔtina litemi buni lɛmmɔ. Na bekyuli pii bani nábaka bámana-nwu bumomo ɔsu ni, úduo ɔkɔlɔ ɔdi nsia ntu anumi kemmo na úlie kalɔ. Na bekyuli bammɔ bébenye utubili na Yesu ɔɔtɛmiku-ma.

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Luka 6:17

Uwi ɔni na Yesu ku nwuna batɛyane báyu bási kɔbi kɔmmɔ lɛlɔ ni, bébo bébenye kesii kani nse ƒiaa. Na nwuna basiakune pii badi bakya mmɔ ku bekyuli lisu bonwu lɛni nási Yudea kalɔ lɛlɔ ƒui ku Yerusalem ku lɛma lɛni nde ɛpu kɔtu lɛni ndi Tiro ku Sidon.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Luka 9:28

Ɔ́bla aani Kwasida unwi ɔni na Yesu ɔ́su ala amɛni kama ni, útiku Petro ku Yohane ku Yakobo na bákɔ bésie kɔbi lili batákpali katɔ.

Yohane 6:15

Na ka Yesu ɔ́nu ɔ́ti ka báyɔ ka beƒie-nwu ɔkplu bɔdi bese lɛga ɔsu ni, ɔ́sɔ ɔ́kpɛ ɔ́lɛ-ma akɔ úsie abi lɛlɔ anwu lɛti.