Mateo 4:4 - Katɔti Ɔku Kedee

⁴ Mmɔ na Yesu údie kenye ɔnini, “Bunweni Kedee Ɔku ɔɔsu ɔnii, ‘Adila lɛti eléte ngba. Mmomu Katɔti litemi biala lɛlɔ bɔdi muute ngba geen.’ ”

Mateo 4:4 ပူးပေါင်းရင်းမြစ်များ

Israelƒuɔ Bɔlɛ 16:15

Ka Israelƒuɔ bánu lɛla lɛmmɔ ni, balati lɛla lɛni lɛdi. Amu na bakya beeye lɛlɔ banii, “Bi na ɔdi mɛni?” Amu na Mose ɔ́su-ma ɔnini, “Ɔmɛni ndi adila ani na Unwoti úte-mii ka bɛdi.

Israelƒuɔ Bɔlɛ 16:35

Na Israelƒuɔ bádi manna ɔmɛni akwa aavlene sɔɔn úti útédu ka bédu Kanaan kalɔ ɔmii lɛlɔ.

Israelƒuɔ Bɔlɛ 16:8

Amu na Mose ɔ́sɔ ɔ́su-ma ɔnini, “Bɛdubɔti ka anwu ndi Unwoti si uwi ɔni na úte-mii lɛna na bɛ́kun useyi, na úte-mii bodobodo ɔni ƒui na bɛɛwia na bɛ́di ɔtanta, ɔsika únu kalɛ na bíti kɔnyi kemmo bɛɛsu etemila teewi-nwu. Bi na abu bɔdi? Ɔɔɔdi abu na bɛɛdɔnku, mmomu Unwoti.”

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Mateo 15:11

Adila ani muuduo ukyuli kaƒɔ ni, ɔɔɔdi anya mɔɔyá na uusé lɛlɔ. Mmomu etemila ani mɔɔlɛ́ taasi-nwu kenye kemmo mɔɔyá na uusé lɛlɔ.”

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Mateo 4:7

Yesu údie kenye ɔnini, “Nsu Bunweni Kedee Ɔku ɔmmɔ ɔɔsu ɔnii, ‘Takɔku ƒula Unwoti Katɔti tanu.’ ”

Marko 7:20

Na ɔ́sɔ úsie anumi na ɔ́su ɔnini, “Lɛla lɛni nálɛ ukyuli kayi kemmo ni, ani mɔɔyá na uusé lɛlɔ.

Luka 4:12

Nsu Yesu ɔ́su-nwu ɔnini, “Bunweni Kedee Ɔku ɔmmɔ ɔɔsu ka ni, ‘Takɔku Unwoti Katɔti tanu.’ ”

Luka 4:4

Nsu Yesu ɔ́su-nwu ɔnini, “Bunweni Kedee Ɔku ɔ́su ɔnii ɔɔɔdi lɛdila lɛti pɛ muute ukyuli ngba geen.”

Luka 4:8

Amu na Yesu ɔ́su-nwu ɔnini, “Bunweni Kedee Ɔku ɔɔsu ka ni, ‘Unwoti Katɔti lɛti pɛ kani na ukyuli ɔdubumwi na ɔbla-nwu kabla.’ ”

Yohane 15:26

“Katɔti Kɔyu kɔni ndi Ubunkune ɔ́si Katɔti kudɔ ɔdubo. Na anwu muudie litemi geen lɛni ndanku Katɔti lɛlɔ taatina. Ami ndubɔtala-nwu lɛsiku Katɔti kudɔ lɛkya-mii. Na ɔdubɔsu-mii ala ɔsiku-mi lɛlɔ.

Yohane 6:63

Katɔti Kɔyu muute ngba. Na ukyuli ɔlɔna ɔɔɔdi lɛla lɛdi. Ala ani ƒui na mɔɔsu-mii ni, ndanku Katɔti Kɔyu kɔni muute ngba líboku-mii.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Eƒesoƒuɔ 6:17

Na biti bina ngba bɔƒɔ bibi lili aani kekpo kabwa na biti Katɔti litemi lɛni nse aani kewii kani na Katɔti Kɔyu kuute-mii bɛda kɔnu kɔkladi.

Lɛkpa Ulu 8:3

Anwuɔsu ɔ́ya na kɔka kɔ́da-mii na úte-mii adila ani baalɔ banii manna ɔ́siku Katɔ na bɛ́di. Na adila ammɔ udu ni, bina bati kuuku iye amii bina ɔdi útanu-nya kudii. Ɔ́bla ɔmɛni ɔ́tina-mii na biti bɛtɛya ala ka ɔɔɔdi lɛdila lɛti pɛ muute ukyuli ngba. Mmomu litemi biala na lɛ́si Katɔti kudɔ lɛlɔ bɔdi muute ngba geen bɔmmɔ.