Mateo 4:3 - Katɔti Ɔku Kedee

³ Amu na ukisine ɔmmɔ úbo-nwu kudɔ na ɔ́su-nwu ɔnini, “Si Katɔti ubidi na adi ni, su atabi amɛni na enwini adila.”

Mateo 4:3 ပူးပေါင်းရင်းမြစ်များ

Israelƒuɔ Bɔlɛ 16:3

“Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Mateo 14:33

Amu na batɛyane bammɔ bábu-nwu geen. Na básu-nwu banini, “Katɔti Ubidi geen na adi!”

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Marko 1:1

Ɔmɛni ndi litemi buni lɛni nkɛnku Yesu Kristo lɛlɔ ɔni ndi Katɔti ɔlati ubidi.

Marko 3:11

Bekyuli badi bakya bani na ayu ekpidi eli-ma lɛlɔ. Si bánya bánu Yesu ni, beeboku lɛlɔ kalɔ na baava taasu banii, “Awɔ ndi Katɔti Ubi!”

Marko 5:7

Na ɔ́va momoomo ɔ́su ɔnini, “Yesu, katɔ ku kalɔ Ɔyikune Ƒui Ubi! Buvele, su-mi se ka aláni-mi kɔtu!”

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Luka 22:70

Amu na bana ƒui béye-nwu banini, “Amu ni, Katɔti Ubidi na adi?” Amu na údie kenye ɔnini, “Amii alati mɔɔsu bɛnii anwu na ndi.”

Luka 4:3

Amu na Satan ɔ́su-nwu ɔnini, “Si Katɔti ubi na adi ni, na asu lɛtabi lɛmɛni na linwini adila.”

Luka 4:41

Ayu ekpidi lidu pii lɛnɔ lɛ́vi lɛ́lɛ bekyuli kemmo na baava taasu banii, “Awɔ ndi Katɔti Ubidi!” Nsu Yesu ɔ́bala ayu ekpidi ammɔ na útete-ma ulu ka basu lɛla lɛdi, ɔsika báti ka anwu ndi Ukyuli Ɔƒunadi ɔmmɔ.

Luka 4:9

Nwuna kama ni, Satan útiku Yesu úsienku Yerusalem na Yudaƒuɔ kakpakɔ ɔtɔ katɔ ƒui, na ɔ́su-nwu ɔnini, “Si Katɔti ubi na adi ni, da lɛlɔ nyonu siku mɛni na atáƒiɛmi kalɔ.

Yohane 1:34

Na lɛ́nu ka ɔ́lɛ lɛni na ukyuli ɔmɛni lɛlɔ. Na mɔɔsu-mii geen ka anwu ndi Katɔti Ubidi ɔmmɔ.”

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 9:35

Ka Yesu únu ka bábɔku-nwu bédie mmɔ ni, ɔ́wia ɔnana ɔmmɔ ɔ́nu. Na úye-nwu ɔnini, “Áƒɔ Ukyuli Ɔyawine Ubi ádi?”

Batalane Kabla 9:20

Na uwi ɔmmɔ kani na úsie Yudaƒuɔ kɔsakɔ útásu Yesu lɛlɔ litemi ka Katɔti Ubidi na ɔdi.

Korintoƒuɔ 2 1:19

Katɔti Ubidi Yesu Kristo ɔni lɛlɔ litemi lɛsa na ami ku Silivano ku Timoteo bɔɔkɔ́ teete-mii ni, ɔɔɔdi ɛɛn ku oowo ukyuli. Mmomu ɔdi ukyuli ɔni litemi ndi ɛɛn uwi biala.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Tesalonikaƒuɔ 1 3:5

Ala amɛni ɔsu na lɛ́tala Timoteo nnii ubanu si bɛmu bɛda bɔƒɔtaadi bɔmmɔ kpakplaa. Ɔsika litemi lɛmɛni liléte-mi bɔlɛɛ. Na mɔɔyia ka ɔƒɛni kalɛ ukisine ɔmmɔ úbo úbeƒu-mii kasusu na bula lɛbibo ƒui lɛ́bla keeke.

Hebriƒuɔ 12:16

Bɛnu kaduɛ kalɛ na lɛyalɛ ala elebile ɔdi kasusu iye ɔsɔ ulayia Katɔti aani kalɛ na Esau útayia ɔsu na úti nwuna linengu kadikɔ úye ɔ́vumanaku adila bɔdi kunwi pɛ.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Hebriƒuɔ 7:3

Na bétenweni lɛla lɛdi bátasiku ɔti iye uni, iye kaba lɛlɔ, iye nwuna bɔwɔ iye kukpi lɛlɔ. Na Katɔti ɔ́ya na use aani anwu Katɔti Ubidi, ɔsika ɔdi ɔkpane ute uwi ƒui.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.