Mateo 3:7 - Katɔti Ɔku Kedee

⁷ Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Mateo 3:7 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Yesaia 59:5

Bina ablala eevuo balakpi bekpidi avala, na ɔdi biala makun bina avala ammɔ ɔdubo bukpi. Na kakwɛ biala na bɛdubudie keyi aani avala akladi ani nébu buvuo ni, balakpi bekpidi bammɔ kani ndubo bɔlɛ pii.

Yeremia 51:6

Bɛvi bɛlɛ Babilon! Na bɛƒɔ bina lili ngba! Nsu si bɛ́ƒɔ lɛlɔ bɛkya mɛni bɔdi ni, bɛdubo bukpi si uwi ɔni na muudie ɔma ɔmmɔ kasi na mɔɔní-nwu kɔtu na nwuna ekpidi ani na ɔ́bla ɔsu.

Yeremia 6:10

“Ami Unwoti lɛ́ɛsu bekyuli bamɛni ka ndubo-ma kɔtu bɔni, nsu bɔma kani na baamá-mi, na bébulo banii belenu-mi litemi na badi-ni lɛlɔ.

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Mateo 12:34

Bɛdi bekyuli bekpidi geen aani balakpi! Na ala abuni adi alalɛ-mii kenye! Ala ani nkya ukyuli kasusu kemmo kani na uudie keyi.

Mateo 15:12

Amu na nwuna batɛyane bammɔ bébo-nwu kudɔ na bábasu-nwu banini, “Agyi ka ala ani na ásu mɛni éduo Ƒarisiƒuɔ bammɔ geen?”

Mateo 16:1

Ƒarisiƒuɔ ku Sadukiƒuɔ badi bésie Yesu kudɔ banii betéwi-nwu kenye benu. Anwuɔsu básu-nwu banii, “Bla akɔla adi na bɔnu bɔti nwaa ka Katɔti kudɔ na ási sɔsɔ.”

Mateo 16:6

Mmɔ na Yesu ɔ́su-ma ɔnini, “Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ.”

Mateo 22:15

Ƒarisiƒuɔ badi bátása na bábla kasusu banii betéwi Yesu kenye benu na bawia-nwu litemi.

Mateo 22:23

Na limeyi lɛmmɔ kani lɛlɔ ni, Sadukiƒuɔ bani mɔɔsu banii bekpine basɔ baláta bébo Yesu kudɔ.

Mateo 22:34

Uwi ɔni na Ƒarisiƒuɔ bammɔ bénu ka Yesu ala kenye budie bɔ́ya na Sadukiƒuɔ bammɔ básɔ bátakana na beye lɛla lɛdi ni, bábasala.

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 5:20

Anwuɔsu mɔɔsu-mii nwaa nnii asa na bɛdubɔkana na biduo Katɔ Ɔga Ɔma ni, ɔdi ka bilie siin kalɛ na Katɔti ɔɔwia bitulo ɔda bubo ala batinane ku Ƒarisiƒuɔ.

Marko 12:13

Kama ni, bátala Ƒarisiƒuɔ badi ku Herode kama basiakune badi, na bésie Yesu kudɔ banii beesié na betéwi-nwu kenye benu.

Marko 12:18

Amu na Sadukiƒuɔ bani mɔɔsu ka si ukyuli úkpi ni, ɔsɔ uláta teelie ngba badi bébo Yesu kudɔ, na bébeye-nwu litemi lɛdi.

Marko 8:15

Amu na Yesu ɔ́su-ma ɔnini, “Binye kagyumana na bɛnu kaduɛ na Ɔga Herode ku Ƒarisiƒuɔ bɔnyii bɔni na baakya bodobodo kemmo na uuƒu lɛlɔ.”

Luka 16:14

Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Luka 18:11

Ƒarisini ɔmmɔ ɔ́ta anwu lɛti na útákpali katɔ ɔnini, ‘Katɔti mɔɔgyá-a enu, ɔsika liiibo egulabi lɛnungyie, na liiibo likyulikpi, na naaadi kɔsɔnɔ aani bekyuli bakladi kalɛ. Na mɔɔgyá-a enu lɛnɔ, ɔsika liiise aani kuyi ɔƒɔne ɔni ngye lɛnɔ kalɛ.

Luka 7:30

Nsu Ƒarisiƒuɔ ku ɔda bubo ala batinane béni lɛla lɛni ndi Katɔti lɛyɔla, na bátatuna ka Yohane ɔkpila-ma ntu.

Yohane 1:24

Na bekyuli bani na bátala mɛni ni, bási Yudaƒuɔ lɛkpa lɛni baalɔ banii Ƒarisiƒuɔ kemmo.

Yohane 8:44

Bina ɔti ndi ukisine ɔmmɔ, na bɛwia ka bɛbla nwuna lɛƒɔyɔ. Bekyuli ɔdune kani na ɔdi ɔ́si kalɔ kesekɔ ƒui. Na ulayɔ litemi geen lɛmmɔ, ɔsika ulasu lɛla siin lɛdi kudii. Si ɔ́nyi ɔkɔ ni, nwuna udu na uudie taatina na bɔtɛmi kemmo. Ɔsika ɔkɔ ɔnyine na ɔdi, na anwu ndi ɔkɔ bɔnyi ƒui ɔti.

Yohane 9:40

Ka Ƒarisiƒuɔ bani nkya-ma akɔ bénu lɛla lɛni na Yesu ɔ́su ni, béye-nwu banini, “Bi na aasu? Abu lɛnɔ banumbwɛne na bɔdi?”

Batalane Kabla 15:5

Nsu ni, Ƒarisiƒuɔ lɛkpa lɛni nénwini kayi mmɔ badi báta bénye-ma akɔ na básu banii, “Ɔlɛka banwa bani naaadi Yudaƒuɔ na bakya-bu akɔ mɛni lɛnɔ bekulo lego na basiaku Mose ɔda bubo kama.”

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Batalane Kabla 26:5

Lɛni kani na líti lílie ɔni na si nka budie na badubudie-mi kenye na litemi geen bɔsu kemmo ni, nka bagyi ka ami ndi Ƒarisini ɔni mɔɔdi Yudaƒuɔ ɔda bubo ɔdi lɛlɔ teetulo.

Batalane Kabla 5:17

Amu na Yudaƒuɔ ɔkpane unengudi ku nwuna lɛlɔ bekyuli bani nási lɛkpa lɛni baalɔ banii Sadukiƒuɔ kemmo ni, bése kalɔ beekpóku batalane bammɔ kogyulo.

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Romaƒuɔ 5:9

Na si ɔkɛnku nwuna kukpi kɔmmɔ lɛlɔ ɔsu na bɔ́bla siin na Katɔti anumi ni, kukpi kɔmmɔ kɔdubudie-bu kɔlɛku Katɔti kɔnyi bonwu kemmo utulo!

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Hebriƒuɔ 11:7

Uwi ɔni na Katɔti ɔ́lɛ Noa kpakplaa na ala ani na útanu tɔ lɛlɔ ni, Noa ɔ́ƒɔ ɔ́di. Anwuɔsu ɔ́nwi ɔkɔlɔ ubendi ɔni kemmo na anwu ku nwuna kaduli bekyuli béduo bákɛ bɔƒɔ na bɔyia bɔni na úti úte Katɔti ɔsu. Noa bɔƒɔtaadi bɔmɛni búnwini kɔtɔ bɔdu úte kayawi bekyuli ƒui. Na ka Noa ɔ́ƒɔ Katɔti ɔ́di ɔsu ni, Katɔti ɔ́su ka Noa ɔdi ukyuli ɔni nse siin.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.