Mateo 3:4 - Katɔti Ɔku Kedee

⁴ Na awu ɔni na Yohane ɔkya ni, ɔƒlumu linwini na béti bédi-nwu. Na ebuo ɔku kabuli kada-nwu kavobi. Na nwuna adila ani na ɔɔdi ndi uwɔ ku baalɔlɔ bani muubile edula.

Mateo 3:4 ပူးပေါင်းရင်းမြစ်များ

Baga 2 1:8

Amu na ama lɛnɔ bédie kenye banini, “Ɔdi ɔnana ɔni na nwuna lɛlɔ libo linwini na úti ebuo ɔku ɔda nwuna kavobi.” Amu na ɔga ɔmmɔ údie kenye ɔnini, “Tisbini, Elia mmɔ.”

Yesaia 20:2

uwi ɔmmɔ kemmo na Unwoti Katɔti ɔ́su Amos ubidi Yesaia kenye kadi ɔnini, “Da ƒula lɛgbanvuo ku lɛla lɛni na asabla die.” Na Yesaia lɛnɔ ɔ́bla lɛni ɔni na ɔsɔ ɔɔɔkya lɛgbanvuo iye adala adi.

Lewiƒuɔ Ɔda Bubo 11:22

Bɛkana bɛkun baalɔlɔ ku baagyu ku bakpɔtilikpɔ ku bana udu.

Sakaria 13:4

“Na kɔƒa kɔdubukpo kenye bediene bammɔ na bana ɔkɔ kɔyu kemmo ala ani na ama alati banii baanu ɔsu, na basɔ balakya bana adala na batɔlɔ ka badi kenye bediene badi.

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Mateo 11:18

Ɔsika uwi ɔni na Yohane úbo ni, úlie kɔka na útani ntɛ. Na ukyuli biala ɔ́su ɔnii uukpi libuo.

Mateo 11:8

Munuu bi na bísie bitánu? Ɔnana ɔni nkya lɛwu lɛni mɔɔdia bɔnu? Oowo, bekyuli bammɔ udu ni, ɔga kesii na beelie.

Marko 1:6

Uwi ɔmɛni kemmo ni, Yohane ɔkya ɔƒlumu linwini awu, na úti ebuo ɔku kabuli ɔ́da kavobi. Nwuna adila ani na ɔɔdi ndi uwɔ ku baalɔlɔ bani muubile edula.

Luka 1:17

Anwu ndubɔka Blɔti bubo na ɔyikun ku kayi buse kemmo aani kalɛ na Katɔti Kenye Udiene Elia úse kalɛ. Na anwu ndubo bebi ku bati bɔsɔku bɔsala. Na ɔdubunwini batuɔkplune kasusu úboku kasusu kedee bɔbla lɛlɔ. Ɔmɛni ndubɔya na Blɔti bekyuli benye kagyumana bete-nwu.”

Lɛkpa Ulu 32:13

Na úbunku-ma na békpo baƒɔ kɔlɔ. Na bana edula ani báva na bana mmo ádia na bádi. Na bana nnɔ egyii adia na atakpɛ lɛlɔ. Na uwɔ úlie na atakpɛ akɔ.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”